Спорт
Реал заработија речиси 70 милиони евра од трансфери и заштеда на плати

Реал Мадрид успеаја да соберат речиси 70 милиони евра од продажба и позајмица на фудбалери во летниот преоден рок, јавува шпанска „Марка“.
Последната продажба на Оскар Родригез на Севилја од 13.5 милиони евра, го зголеми профитот на „кралевите“, кои најавија дека нема да има големи трансфери ова лето во обид да се заштедат пари во неизвесната економска состојба поради корона вирусот.
Продажбата на Ашраф Хакими на Интер им донесе 40 милиони евра, Хави Санчез за трансферот во Валјадолид чинеше 3.5 милиони евра, додека Дани Гомез и Хорхе де Фрутос беа продадени на Леванте за 5 милиони евра. Покрај ова, позајмицата на Такефуса Кубо во Вилјареал им донесе дополнителни 2.5 милиони евра.
Вкупно досега сумата е 64.5 милиони евра, но во шпанската престолнина очекуваат уште заминувања. Хамес Родригез е многу блиску до Евертон, како и Маријано Дијаз до Бенфика, но најголем предизвик останува Герет Бејл, кој годишно зема 17 милиони евра плата од „кралевите“. На излезна врата се очекува да се и Борха Мајорал, Алберто Соро, Дани Себалјос, Алваро Одриозола, како и Брахим Дијаз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.