Спорт
Ред Бул доминација во Бахреин – Ферстапен со победа ја започна одбраната на титулата
![](https://makfax.com.mk/wp-content/uploads/2024/03/12069336.jpg)
Актуелниот светски шампион, Макс Ферстапен, со победа ја започна новата сезона во Формула 1. Ферстапен славеше на трката за Големата награда на Бахреин. Холанѓанецот ја забележа осмата победа во низа, сметајќи ги победите на последните седум трки минатата сезона. Победата во Бахреин е 55. во кариерата за Ферстапен.
Макс Ферстапен стартуваше од пол-позивијара на патеката „Сакир“ и од самиот почеток покажа колку е супериорен новиот Ред Бул во однос на конкуренцијата. Холанѓанецот од стартот возеше соло трка.
Доминацијата на ред Бул ја потврди Серхио Перез, кој стартуваше од петтата позиција, но на крајот заврши на второто место. Мексиканецот доцнеше зад тимскиот колега речиси 22 секунди.
Возачите на Ферари завршија на третото и четвртото место. Карлос Санц се искачи на најниското скалило на пиедесталот, а Шарл Леклер, кој стартуваше како втор, имаше турбулнентна трка, но сепак дојде до позицијата број 4.
Зад најдобрата четворка се наредија возачите на Мерцедес и Мекларен Џорџ Расел, Ландо Норис, Луис Хамилтон и Оскар Пјастри.
Топ 10 го затворија пилотите на Астон мартин, Фернандо Алонсо и Ленс Строл.
Следната трка се вози во Саудиска Арабија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Убиен е поранешниот светски шампион во скок во височина, по него се трагаше две недели
![](https://makfax.com.mk/wp-content/uploads/2024/07/zak.jpg)
Поранешниот светски шампион во скок во височина Жак Фрајтаг беше пронајден мртов во вторникот. Јужноафриканските медиуми објавија дека Фрајтаг, кој се водеше за исчезнат две недели, бил пронајден со прострелни рани.
Неговото тело е пронајдено во тревата во близина на гробишта во Преторија Западна, Јужна Африка, а полицијата го третира случајот како убиство, пренесува Ројтерс.
Фрајтаг ги освои светските првенства за млади, јуниори и сениори. На Светското првенство во Париз во 2003 година освои злато во скок во височина. Неговиот рекорд во кариерата беше 2,38 метри.
Спорт
Познати сите четвртфиналисти на ЕУРО 2024: старт во петок
![](https://makfax.com.mk/wp-content/uploads/2024/07/r.jpg)
Познати се сите четвртфиналисти на ЕУРО 2024. Тие се Германија, Шпанија, Португалија, Франција, Швајцарија, Англија, Холандија и Турција.
Швајцарците во саботата го елиминираа бранителот на титулата Италијанците, Германците го совладаа дуелот со Данците. И тоа беше првиот ден од нокаут фазата.
Во неделата Англичаните беа блиску до елиминација, но по продолжението ја елиминираа Словачка. Шпанците беа убедливи против Грузија.
Во понеделникот прво Французите ги победија Белгијците, а потоа Португалците ги елиминираа Словенците по вистинска драма и изведување пенали.
Еве ги комплетните резултати од осминафиналето и четвртфиналните двојки.
Осминафинале
29.06. Берлин: Швајцарија – Италија 2:0
29.06. Дортмунд: Германија – Данска 2:0
30.06. Гелзенкирхен: Англија – Словачка 2:1
30.06. Келн: Шпанија – Грузија 4:1
01.07. Дизелдорф: Франција – Белгија 1:0
01.07. Франкфурт: Португалија – Словенија 0:0 – пенали 3:0
02.07. Минхен: Холандија – Романија 3:0
02.07. (21.00) Лајпциг: Турција – Австрија 2:1
Четвртфинале
05.07. Штутгарт: Шпанија – Германија
05.07. Хамбург: Португалија – Франција
06.07. Дизелдорф: Англија – Швајцарија
06.07. Берлин: Холандија – Турција
Сè што се случува во Германија, следете на Топспорт.
Спорт
(Видео) Ед Ширан настапи пред фудбалерите на англиската репрезентација, коментарите се безмилосни
![](https://makfax.com.mk/wp-content/uploads/2024/07/ed-shiran.jpg)
Репрезентативците на Англија се подготвуваат за четвртфиналниот натпревар на Европското првенство против Швајцарија.
Откога ги поминаа Словаците во осмина-финалето, сега ја чекаат Швајцарија, која во осмина-финалето ја исфрли Италија. Герет Саутгејт изјави дека неговите играчи треба малку да се опуштат бидејќи резултатскиот притисок е преголем, па затоа организира концерт во репрезентативниот камп.
Така, Здружението се согласи, Ед Ширан, еден од најпознатите светски музичари, но и голем фан на англиската репрезентација, кој го следи целиот турнир од трибините, да одржи концерт. Коментарите на навивачите на англиската репрезентација на социјалните мрежи се брутални, тие масовно се потсмеваат на овој настан.
Jude Bellingham recording Ed Sheeran performing at the camp🤍 https://t.co/vsxxbBZ0ou pic.twitter.com/0gOODlQEyA
— Ria 🏴 (@itsjudithworld) July 2, 2024
„Герет Саутгејт е единствениот човек во светот кој мисли дека играчите ќе бидат мотивирани од музиката на Ед Ширан“.
„Ед Ширан е ужасен, но играчите на Англија не заслужија подобро со оглед на тоа колку лошо го играат ова Евро“,
„Ние страдавме до сега, сега вие страдајте“,
„Претеравте, тие не беа толку лоши, па да ги мачите“, се само некои од коментарите.