Спорт
Ремонтада за сите времиња на Реал Мадрид во „дворот“ на Ливерпул
Реал Мадрид уште еднаш покажа дека Лигата на шампиони е нивни „двор“, откако во апсолутно неверојатен меч на гости на „Енфилд“ против мотивираниот Ливерпул, иако губеа со 2:0 по само 14 минути игра, на крајот стигнаа до магична 5:2 победа. Наполи, пак, својата победничка серија ја продолжи и во ЛШ, откако и тие стигнаа до гостинска победа од 2:0 над актуелниот шампион од Лига Европа, Ајнтрахт Франкфурт.
Во реприза на минатогодишното финале, Ливерпул тргнаа мотивирано уште еднаш против „кралевите“, и по само четири минути игра имаа водство откако Дарвин Нуњез постигна спектакуларен гол со петица. Само десет минути подоцна, Тибо Куртоа направи почетничка грешка и му дозволи на Мохамед Салах да стрела за 2:0 и ерупција на емоции на „Енфилд“.
Ако многу екипи би „колабирале“ по ваков почеток, тоа не беше случај со Реал. Винисиус Жуниор во 21. минута постигна прекрасен гол да најави големи работи за во 36. минута да ја искористи грешката на голманот Алисон Бекер за да израмни на 2:2, резултат со кој се отиде на полувреме. Потоа следуваше „колапсот“ на „црвените“.
Едер Милитао во 47. минута по „скратениот корнер“ на Лука Модриќ ги донесе гостите во водство, за во 55. минута, Карим Бензема со малку помош од Џо Гомез да го измами Бекер за 2:4. Бензема, освојувачот на „Златната топка“, покажа дека е клучен играч за тимот на Карло Анчелоти кога во 67. минута со фантастично движење во шестнаестникот ја запечати судбината на Ливерпул.
На „Дојче банк“ стадионот во Франкфурт пак, Наполи извојува голема победа од 0:2 и покрај тоа што почнаа со промашен пенал од Квича Кварацхелија во 36. минута од мечот. Виктор Осимен ја продолжи гол-серијата и во ЛШ во 43. минута, за во второто полувреме победата да биде потврдена од Џовани ди Лоренцо во 65. минута по супер-асистенцијата од Кварцхелија. Елиф Елмас доби шанса да влезе во игра во 80. минута од мечот.
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Слот ќе биде главен тренер, а не менаџер на Ливерпул
Ерата на Јирген Клоп во Ливерпул заврши во неделата. Германецот по девет успешни сезони реши да замине на долг одмор. На заминување самиот го промовираше новиот тренер Арне Слот, кој во Ливерпул доаѓа од Феенорд.
Англиските медиуми објавија дека Слот, за разлика од Клоп нема да биде вработен како менаџер, туку како главен тренер.
Холанѓанецот е 23. предводник на Ливерпул, а прв што нема менаџерска улога.
Според британските медиуми, промената е одраз на следењето на модерните трендови на фудбалот. Повеќето англиски клубови сега го прават она што европските клубови го прават со децении, ја одвојуваат улогата на тренер од онаа на спортски директор или менаџер.
Ливерпул по објавата на Јирген Клоп дека го напушта клубот направи голема реорганизација. Затоа што Клоп не е единствениот што заминува. Клубот го напушта и фудбалскиот директор Јорг Шматке, како и неколку важни членови на стручниот штаб.
Во клубот се враќаат Мајкл Едвардс како шеф на фудбалот и Џулијан Вард како технички директор. Педро Маркез ќе биде директор за фудбалски развој на целата спортска групација Фенвеј, а Ричард Хјуз ќе биде новиот спортски директор. Сите тие, како и Арне Слот, ќе ги преземат своите должности на 1 јуни.
Клубот верува дека титулата главен тренер ќе му даде можност на Слот да се концентрира на најважните аспекти од работата со првиот тим. Тој дефинитивно ќе биде неприкосновен авторитет и ќе има целосна контрола врз тимот.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.
Спорт
Јокиќ: Лука ми е пријател, му посакувам да ја освои титулата
Никола Јокиќ и кошаркарите на Денвер не успеаја да го одбранат шампионскиот прстен оваа сезона. Тие беа поразени во полуфиналната серија на Западот од Минесота со 4-3, последниот, седми натпревар во серијата Минесота го доби во Денвер со (90:98).
Јокиќ не беше расположен по натпреварот, делуваше исцрпено по големата борба. Минесота често играше со тројца високи играчи Руди Гобер, Карл-Ентони Таунс и Наз Рид кои максимално го изморија најдобриот играч во лигата.
Кога Јокиќ на прес-конференцијата беше запрашан да опише што им се случи, можеби со својот одговор индиректно прстот го впери кон челниците на франшизата, се пожали на на недоволниот квалитет што го има Денвер на клупата за резерви.
Јокиќ беше запрашан и кого би сакал да види на местото каде минатата година беше Денвер, со шампионски прстен.
„Тоа му го посакувам на Лука. Тој ми е добар пријател“.