Спорт
Ренџерс и Копенхаген во ЛШ, Динамо Загреб и Бодо/Глимт ќе играат продолженија!

Динамо Загреб не успеа да го заддржи водството кое ги водеше во групната фаза на Лигата на шампионите, и ќе игра продолженија со норвешкиот Бодо/Глимт, додека Глазгов Ренџерс и Копенхаген го „фатија“ билетот за елитата.
Турскиот шампион, Трабзонспор, со македонскиот репрезентативец Енис Барди како стартер, одигра 0:0 со Копенхаген за да бидат елиминирани на последната пречка, откако во Данска загубија со 2:1.
Ренџерс стигна до импресивна 1:0 победа на гостувањето кај ПСВ Ајндховен, откако Антонио Чолак стрелаше во 60. минута од мечот, откако во Шкотска беше 1:1. За хрватскиот интернационалец ова е продолжување на фантастичниот старт на кариерата во Ренџерс, за кои во пет меча има постигнато четири гола. Ова исто така беше интересен дуел на двајца холандски тренери, Џовани ван Бронкхорст на клупата на Ренџерс и Руд ван Нистелрој на клупата на ПСВ.
На „Максимир“ пак, Динамо имаше фантастичен старт на мечот, поведувајќи со голот на Мислав Оршиќ во 4. минута, за Бруно Петковиќ по асистенција на Стефан Ристовски да постигне фантастичен гол во 35. минута за 2:0. Ова беше резултат кој ги водеше „модрите“ во ЛШ, меѓутоа во второто полувреме, норвешкиот клуб имаше повеќе од играта, и во 70. минута, замената Алберт Гренбек постигна гол за 2:1, што значеше продолженија, бидејќи во првиот меч Бодо стигна до 1:0 победа.
ЛИГА НА ШАМПИОНИ, БАРАЖ, РЕВАНШ
Динамо Загреб (Хрв) – Бодо/Глимт (Нор) 2:1, прв меч 0:1, вкупно 2:2
ПСВ Ајндховен (Хол) – Ренџерс (Шко) 0:1, прв меч 1:1, вкупно 1:2
Трабзонспор (Тур) – Копенхаген (Дан) 0:0, прв меч 1:2, вкупно 1:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA
Спорт
Јамал ќе го пропушти натпреварот во Њукасл

Напаѓачот на Барселона, Ламин Јамал, ќе го пропушти натпреварот на Барселона против Њукасл јунајтед во Лигата на шампионите во четврток на „Сент Џејмс Парк“ поради повреда на препоните, објави шпанскиот клуб.
Јамал се повреди додека играше за националниот тим, а тренерот на Барселона, Ханси Флик, жестоко го критикуваше селекторот на Шпанија, Луис де ла Фуенте, дека во репрезентацијата не се грижеле за 18-годишникот, кој ја пропушти и победата во Ла Лига против Валенсија викендот.
Јамал постигна два гола и имаше три асистенции во три натпревари одиграни за Барселона оваа сезона.
Клубот објави дека, покрај Јамал, не можат да сметаат на Алехандро Балде и Гави, како и на Марк-Андре тер Штеген, но ќе го имаат на располагање Френки де Јонг.
Барса беше елиминирана во полуфиналето на Лигата на шампионите минатата сезона, додека Њукасл се врати во Лигата на шампионите откако не успеа да се квалификува за натпреварувањето минатата сезона.