Спорт
Репрезентативци на Бангладеш го избегнале масакрот во Крајстчрч

Национаниот крикет тим на Бангладеш го избегнал масакрот во џамијата во Нов Зеланд, каде беа убиено 49 луѓе. Играчите дошле на молитва во џамијата Ал Нур, кој е наоѓа во близина на Хегли Овал стадионот во градот Крајстчерч.
Утре крикет репрезентациите на Нов Зеланд и Бангладеш требаше да одиграат натпревар, но поради масакрот тој е одложен.
Репрезентативецот на Бангладеш, Тамин Икбај, на „Твитер“ напишал дека тој и соиграчите се спасиле од напаѓачот, а искуството го опишал како „застрашувачко“.
Неговиот соиграч Мушпифакир Рахим ги опишал сцените на паника, истакнувајќи дека тие имале многу среќа што го избегнале масакрот.
Крикет репрезентативците на Бангладеш успеале да побегнат и да најдат засолниште во соблекувалните на стадионот, а потоа безбедно се вратиле во хотелот.
Bangladesh team escaped from a mosque near Hagley Park where there were active shooters. They ran back through Hagley Park back to the Oval. pic.twitter.com/VtkqSrljjV
— Mohammad Isam (@Isam84) March 15, 2019
Во петокот, во Крајстчрч, беа извршени напади во две џамии. Еден од напаѓачите бил 28-годишниот државјанин на Австралија, Брентон Терант, кој масакрот што го изврши во џамијата Ал Нур го пренесувал во живо.
Entire team got saved from active shooters!!! Frightening experience and please keep us in your prayers #christchurchMosqueAttack
— Tamim Iqbal Khan (@TamimOfficial28) March 15, 2019
Alhamdulillah Allah save us today while shooting in Christchurch in the mosque…we r extremely lucky…never want to see this things happen again….pray for us
— Mushfiqur Rahim (@mushfiqur15) March 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Атлетико лесно го победи Виљареал, деби гол на Нико Гонзалес

Атлетико Мадрид го победи Виљареал со 2:0 (1:0) во четвртото коло од Примера, што е прва победа за „јорганџиите“ оваа сезона по пораз и два нерешени натпревари. Во исто време „жолтата подморница“ го забележа првиот пораз во Ла Лига оваа сеозна.
Тимот предводен од Диего Симеоне имаше многу посериозен пристап кон играта и поведе во деветтата минута со голот на Пабло Бариос, на кого му асистираше аргентинскиот напаѓач Хулијан Алварез.
Атлетико доминираше во поседот во првиот дел, Симеоне промаши „мртва шанса“ за 2:0, а на споритвната страна ударот на Алберто Кореиро помина крај стативата. Виљареал можеше да се врати во натпреварот во 45.минута, но Пепе од слободен удар ја погоди гредата.
Конечниот резултат го постави дебитантот во дресот на Атлетико Нико Гонзалез во 52. минута, кој беше највисок по центаршутот на Маркос Љоренте и ја испрати топката со глава во мрежата на Бразилецот Луиз Жуниор.
Атлетико постигна уште еден гол, но судијата Мунуера пресуди дека Лнгле направил фаул во напад.
Виљарела во вториот дел ниту еднаш не се закани кон голот на Јан Облак.
Атлетико ќе ја започне новата сезона од Лигата на шампионите во Ливерпул во среда, а потоа ќе гостува на Мајорка во недела. Виљареал, во вторник ќе гостува кај Тотенхем, а потоа на „Керамика“ ќе ја пречека Осасуна.
Foto/ EPA
Спорт
(Видео) Карваљо го шокира Челзи во 93. минута

Фудбалерите на Брентфорд и Челзи одиграа нерешено (2:2) во четвртото коло на Премиер лигата.
Ова беше натпревар полн со драма и пресврти, а на крајот, Брентфорд успеа да „извлече“ бод во 93-та минута.
На почетокот од натпреварот, Бранфорд успеа да воведе ритам што повеќе му одговара, се играше бавно, без големи шанси, а Челзи без Палмер тешко создаваше шанси.
Токму кога изгледаше дека полувремето ќе заврши без голови, во 35-та минута Брентфорд доби токму она што го сакаше. Брза контра, додавање од Хендерсон и егзекуција од Кевин Шаде му донесоа водство на Брентфорд.
Челзи започна многу офанзивно во второто полувреме. Палмер исто така влезе и веднаш придонесе. Во 61-та минута кога Педро му ја остави топката во шеснаесетникот, а Палмер елегантно и многу прецизно го погоди долниот лев агол за израмнување. Палмер имаше уште една одлична шанса во 75-та минута, но неверојатниот Келехер го одбрани неговиот удар.
Челзи во финишот изврши жесток притисок кон голот на Брентфорд. Инцијативата вроди со плод во 85-та минута, кога Каиседо постигна преубав гол.
Токму кога се чинеше дека Челзи ќе гги освои три бода, Карваљо ја казни индолентноста во одбраната и погоди за конечни 2:2.
Фото/ Принтскрин
Спорт
(Видео) Наполи се прошета низ Фиренца, Елмас одигра 25 минути

Актуелниот шампион во Серија А, Наполи, лесно го мина гостувањето во Фиренца. Во третото коло, Наполи ја победи Фиорентина со 3:1. За Наполи, првиот меч по враќањето во клубот го одигра Елиф Елмас. Репрезентативецот на Македонија влезе на теренот во 69.минута на местото на Кевин Де Брујне.
Екипата на Антонио Конте стигна до триумфот релативно рутински, иако Вања Милинковиќ-Савиќ мораше неколку пати да интервенира во финишот за да не биде доведена во прашање победата во Фиренца.
Актуелниот шампион агресивно влезе во натпреварот, Расмус Хејлунд промаши изгледна шанса, а во продолжението на акцијата Ангиса избори пенал.
Кевин де Брујне беше немилосрден во шестата минута, а во 14-та минута, Хојлунд го искористи додавањето на Леонардо Спинацола и го дуплираше водството.
Сем Беукема постигна уште еден гол во 51-та минута за гостите, кои лесно создаваа шанси пред голот на Давид де Хеа.
Но во последните 10 минути Фиорентина неколку пати опасно се закани. Раниери постигна гол за Фиорентина во 79-тата минута.
Милинковиќ-Савиќ интервенираше добро во два наврати и ги спречи „виолетовите“ да внесат дополнитепла драма во натпреварот.
Foto/ EPA