Спорт
Репторс победија во ЛА, Јокиќ им пресуди на Минесота (Видео)
Актуелните шампиони Торонто Репторс ја запреа мини серијата на Лос Анџелес Лејекрс со победата 113:104. Успехот на РФепторс е поголем бидејќи играа без Кајл Лаури и Серж Ибака.
Торонто победија со тимска игра, шестмина постигнаа двоцифрен број на поени. Најефикасни беа Паскал Сијакам (24 поени, 11 скока) и Фред Ванвилт (23 поени, седум скока, 10 асистенции).
Кај Лејкерс се истакнаа Ентони Дејвис со 27 поени и Леброн Џејмс со нов трипл-дабл (13 поени, 13 скока, 15 асистенции).
Милвоки Бакс победија кај Оклахома 121:119. Повторно блесна Јанис Адетокумпо за кого ова е петти последовен натпревар на кој постигнува 30 или повеќе поени.
Гркот мечот го заврши со 35 поени и 16 скока.
Деневер Нагетс во Минеаполис во последните седум минути не можеа да постигнат кош, ја испуштија предноста од 16 поени и мораа да играат продолжение. Таму повторно се истакна Никола Јокиќ кој на две секунди до крајот погоди тежиок шут преку Карл-Ентони Таунс за победа на Денвер 100:98.
Nikola Jokic hits his second consecutive contested game-winning jumper to seal the #Nuggets' 100-98 win over the #Wolves in overtime. #MileHighBasketball pic.twitter.com/7HxChDiocB
— Joel Rush (@JoelRushNBA) November 10, 2019
Резултати:
Орландо-Индијана 102:109
Филалдлефија-Шарлот 114:106
Њујорк-Кливленд 87:108
Феникс-Бруклин 138:122
Портланд-Атланта 124:113
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

