По 909 дена поминати на алтернативни локации во градот, оваа сабота попладне играчите на Барселона се вратија на новиот, иако недовршен „Камп Ноу“.

Новата ера беше обележана со натпреварот против стариот ривал Атлетик Билбао, а Роберт Левандовски ќе биде запишан како стрелец на првиот гол на стадионот што ќе чини над една и пол милијарда евра.

Се играше петтата минута кога, Полјакот ја искористи неодоговорноста на Алекс Беренгер. Потоа Барселона имаше две шанси да ја зголеми предноста, а во последните 15 минути од првиот дел играчите на Атлетик притиснаа, но Нико Вилијамс и Унаи Гомез два пати не искористија добри шанси.

Во последните секунди, индолентноста на Јури Берчиче, ја казни Феран Торес.

Проблемите на Атлетик се зголемија во 50-та минута кога Ојан Сансет доби црвен каротн. До карјот на мечот Барселона постигна уште два гола преку Фермин и Феран Торес.

Со овие три бода, избраниците на тренерот Ханси Флик ќе ја поминат ноќта делејќи го првото место со Реал, кој утре ќе гостува кај Елче.

Оваа 21-ва сезона во НБА ќе биде последна во кариерата на неповторливиот Крис Пол. Овој кошаркар, кој со право го доби прекарот „ The Point God“, објави дека ќе се пензионира кога Лос Анџелес Клиперс ќе го одиграат својот последен натпревар во сезоната 2025/26.

Пол ќе има најмалку 12 настапи на Ол-стар, 11 избори во најдобрите тимови во сезоната и место во престижниот клуб „75 најдобри во НБА историјата“, што е воедно и најава дека наскоро ќе го видиме на сцената во Спрингфилд како прифаќа номинација за „Куќата на славните“.

Популарниот „CP3“ напиша кратка, но впечатлива порака на социјалните мрежи оваа сабота:

„Какво патување… Уште многу има да се случи… Благодарен сум за ова последното“.

Пол, роден на 6 мај 1985 година, денес се враќа во родната Северна Каролина каде што Клиперс играат против Шарлот Хорнетс.

Во текот на две децении, тој играше за осум тима, вклучувајќи ги и Клиперси двапати 2011-17 и 2025/26.

Беше драфтуван од Њу Орлеанс Хорнетс (франшизата на Шарлот што во тоа време беше со седиште во Њу Орлеанс) како четврти пик од првата рунда на драфтот.

Одигра шест сезони за Хорнетс, беше на работ да се пресели во ЛА Лејкерс, но НБА направи историски преседан и ја запре таа размена, оценувајќи дека тимот со Пол и Коби Брајант ќе биде премногу силен.

На крајот тој заврши во Лос Анџелес, но во Клиперси, каде што тој, заедно со Блејк Грифин, Деандре Џордан и Џамал Крофорд, го претставуваше вечниот фаворит за финалето, но некако секогаш губеше рано во плејофот.

Подоцна, патот го одведе низ Хјустон Рокетс (2017-19), Оклахома Сити Тандер (2019/20), Финикс Санс (2020-23), Голден Стејт Вориорс (2023/24) и Сан Антонио Спарс (2024/25), назад во Клиперс каде што ќе ја игра својата последна сезона.

Тој ќе ја заврши својата кариера како втор најдобар асистент и крадец на топки во историјата на лигата, во двете категории пред него е само неповторливиот Џон Стоктон.

Фудбалерите на Баерн Минхен ја забележаа десеттата победа оваа сезона во Бундеслигата откако го победија Фрајбург на својот стадион во спектакуларен натпревар во кој беа постигнати дури осум гола.

Овој натпревар, одигран на Алијанц Арената, не започна добро за Баварците. Фрајбург поведе преку Сузуки веќе во 12-та минута, а само пет минути подоцна, гостите му удрија уште една „шлаканица“ на фаворитот. Голот го постигна Манзамби.

Тоа беше знак за Баерн да го подогне нивото на играта. Без паника во играта, Баварците намалија преку Карл, а на истекот на полувреме то изедначи Олсе.

Во вториот дел пресвртот го комплетираше Упамекано во 55-та минута, а потоа Кејн и Џексон постигнаа по гол, за потоа во 84-та минута точка на мечот да стави Очисе.

Баерн сега е убедливо прв на табелата во Бундеслигата со десет победи и 31 бод, осум повеќе од Баер Леверкузен и девет од Борусија Дортмунд.

„Милионерите“ на домашен терен ремизираа со Штутгарт и покрај тоа што водеа со 2:0 и 3:1.

Бундес лига, 11-то коло:

Сабота:

Аугсбург – ХСВ 1:0 (0:0)
/Каде 76/

Баерн Минхен – Фрајбург 5:2 (2:2)
/Карл 22, Олисе 45+2, 84, Упамекано 55, Кејн 60, Џексон 78 – Сузуки 12, Манзамби 17/

Дортмунд – Штутгарт 3:3 (2:0)
/Џан 34, Пејер 41, Адејеми 89 – Ундав 47, 71, 90+1/

Хајденхајм – Менхенгладбах 0:3 (0:1)
/Дикс 45+1, Табаковиќ 55, Макино 76/

Волфсбург – Леверкузен 1:3 (0:3)
/Вавро 57 – Хофман 9, Тапсоба 24, Тилман 33/