Марко Арнаутовиќ, по мечот со Македонија на Европското првенство, поради расправијата со Езгијан Алиоски, е цел на напади на социјалните мрежи.

Австриецот, со српски корени, постигна гол во 89.минута и го постави конечниот резултат 3:1. Откако го постигна голот тој започна да го навредува Алиоски.

На социјааните мрежи го обвинија Арнаутовиќ дека е расист.

„Имаше вербална расправија од двете страни“, рекол Арнаутовиќ на денешната прес конференција, на која не било планирано тој да им се обрати на новинарите.

Тој решил да дојде на пресот за да објасни дека она што се случило немало врска со политиката или расизмот.

„Имам пријатели насекаде низ светот“, рекол Арнаутовиќ.

Сепак признал дека прославата на голот не била примерна.

„Се радував и секако дека паднаа некои зборови кои ме заболеа. Тоа беше емоционална расправија. Можам да им кажам дека ми е жал на сите оние кои почувствуваа дека се навредени. Сакам да го заборавиме тоа што се счучи, на такви работи не им е местото во фудбалот“.

Два дена по натпреварот Данска – Финска на Евро 2020, кој донесе вистинска драма на стадионот „Паркен“, Данците открија дека биле соочени со ултиматум од УЕФА поради што решиле да го продолжат натпреварот.

За потсетување, на овој натпревар во 43. минута колабира Кристијан Ериксен. Лекарите по десет минути реанимација успеаја да му го спасат животот на најдобриот дански фудбалер.

„Имавме две можности и ниту една не беше добра. Ја избравме онаа што беше помалку лоша. Многу играчи не можеа да го продолжат натпреварот. Мислите им беа на некое друго место. Во една таква ситуација требаше да имаме и трета опција“, рекол Мартин Брејтвајт откривајќи дека од УЕФА им понудиле да го продолжат натпреварот или да играат наредниот ден од 12 часот.

Постоела и закана од УЕФА дека доколку не го одиграат натпреварот, тој ќе биде регистриран со службени 3:0 за Финска.

„Се случи нешто ужасно и УЕФА на играчите им дава можност да изберат – да играат веднаш или да се вратат в недела напладне. Како е можно тоа“, рекол голманот Каспер Шмајхел.

Инаку, пред да продолжи натпреварот, во саботата, УЕФА објави дека во договор со играчите на двете репрезентации била донесена одлуката тој да продолжи.

Новак Ѓоковиќ со вчерашниот триумф постави нови стандарди во тенисот и ги натера аналитичарите да се запрашаат дали тој е најдобриот играч во историјата, многу подобар од другите двајца од големата тројка – Роџер Федерер и Рафаел Надал.

Ѓоковиќ е единствениот играч во опен-ерата, кој секој гренд слем го освоил најмалку два пати. Вкупно има 19 гренд слем трофеи во кариерата, еден помалку од Федерер и Надал.

Она што паѓа во очи е статистиката што Ѓоковиќ ја има во последните десет години во однос на Федерер и Надал.

Од 2011 година до вчера Ѓокоивќ освоил 18 од своите 19 гренд слем трофеи, победил на 31 турнир од мастерс-серијата и четири пати победил на завршниот АТП-мастерс. Вкупно во последните десет години прв на АТП-листата е 324 недели.

Федерер и Надал заедно во последната деценија имаа 15 гренд слем титули, победи на 28 мастерси, еден трофеј на АТП-мастерсот. Заедно на првото место на АТП-листата минале 132 недели.