Спорт
Ријана купува фудбалски клуб во Англија

Фудбалскиот клуб Транмере, кој моментално игра во четвртиот ранг на англискиот фудбал, наскоро би можел да добие нов сопственик. Мега ѕвездата Ријана сака да го купи клубот заедно со нејзиното момче Раким Мајерс, попознат како „Асап Роки“.
Тие веќе испратиле понуда, во висина од 15 милиони фунти. Нивниот адвокат, кој исто така учествува во овој бизнис, во изјава за англиските медиуми ја потврди вистинитоста на овие наводи.
„Преговорите се започнати и блиску сме до остварување на целта. Договорот треба да биде склучен наскоро, а Ријана ќе ја гледаме на натпреварите во популарната Лига 2“, изјави Такопино.
Наводно, пејачката по одреден период сака да го воведе Транмер во елитното ниво на англискиот фудбал, а се споменува дури и освојување на титулата англиски првак.
Засега оваа приказна изгледа како научна фантастика.
Актуелниот сопственик на Транмере, Марк Палиос изјави дека нема ништо против да го продаде клубот. Доколку гореспоменатите пари би влегле во клубот, Транмере дефинитивно би бил меѓу финансиски најдобрите тимови во овој степен на англискиот фудбал.
Во моментов Транмере е на 16. позиција, со само 14 бодови. Навивачите на овој клуб преку социјалните мрежи испраќаат пораки за поддршка на евентуалниот нов сопственик, со надеж дека нивните миленици конечно ќе се преселат во повисоки рангови.
Во текот на својата историја, Транмере претежно играше во третата или четвртата лига на англискиот фудбал, тие беа дури и во петтата лига. Најголемиот успех тимот го постигна во 2000 година, кога стигна до финалето на Лига купот, каде беше поразен од Лестер со 2:1.
Клубот ги игра натпреварите на „Прентон Парк“ со капацитет од 16.567 седишта. Транмере е еден од најстарите клубови во Англија, основан е во 1884 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн извиси, Вирц се договорил со Ливерпул

Еден од најбараните играчи во Европа, Флоријан Вирц, е блиску до преселба во Ливерпул, објави германскиот „Скај Спортс“.
Се зборуваше дека може да оди во Баерн или во Манчестер сити, но неговиот траснфер на „Енфилд“ практично е завршен.
Наводно, најдобриот играч на Баер Леверкузен му реклол „да“ на актуелниот шампион на Англија откако разговарал со менаџерот Арне Слот.
Сега е ред на клубот, Ливерпул треба да испрати понуда до Леверкузен, а Германците се оптимисти и се надеваат дека сè треба да биде завршено наскоро.
Тоа би можел да биде рекорден трансфер во историјата на Ливерпул.
Вирц го имаше своето деби во Бундеслигата како 17-годишник, учествуваше во освојувањето на титулата минатата година и постигна вкупно 16 гола во сите натпреварувања оваа сезона.
Спорт
Мектомини е играч на сезоната во Серија А

Фудбалерот на Наполи, Скот Мектомини, е прогласен за најдобар играч во Серија А во сезоната 2024/25.
Мектомини беше стрелец и во победата над Каљари (2:0), со која Наполи ја обезбеди четвртата титула во италијанското првенство, втора во последните три сезони.
Шкотланѓанецот постигна 12 гола и имаше шест асистенции на 34 натпревари во италијанското првенство оваа сезона.
Тој е член на Наполи од минатото лето, кога пристигна од Манчестер јунајтед за 30,5 милиони евра.
Исто така, Антонио Конте беше прогласен за најдобар тренер во Серија А.
Ова е негова петта титула во италијанското првенство. Три пати беше шампион со Јувентус, еднаш со Интер.
Спорт
Слот му одговори на Деко: И јас ги сакам Јамал и Рафиња

Арне Слот, тренерот на Ливерпул, му одговори на Деко, спортскиот директор на Барселона, откако тој јавно изрази интерес за Луис Дијаз.
Крилниот напаѓач на „црвените“ е едно од потенцијалните засилувања на каталонскиот клуб во преодниот рок. Деко во изјава за шпанските медиуми рече дека Барселона е заинтересирана за Луис Дијаз и Маркус Рашфорд.
„Ни се допаѓа Луис (Дијаз), ни се допаѓа (Маркус) Рашфорд и ни се допаѓаат други играчи. Кога одиме на пазарот, има имиња што ги знаеме и кои би можеле да го подобрат тимот“, изјави Деко за каталонската радио станица „РАК 1“.
Тренерот на Ливерпул експресно реаираше на оваа изјава.
„Секој клуб ги прави работите на свој начин. Веќе сте навикнати на фактот дека не зборувам за други играчи што не сме ги потпишале. Разбирам, тој е голем обожавател на Луис Дијаз. И јас сум фан на Дијаз. На Деко му се допаѓаат некои играчи. И мене. Ми се допаѓаат Јамал и Рафиња“, рече Слот.
Барселона ја освои титулата во Шпанија, Купот на кралот и Суперкупот на Шпанија оваа сезона, но не успеа да ја оствари целта во Лигата на шампионите. Затоа, Деко ќе мора да работи на тимот за следната сезона, а очигледно нема да има соработка со холандскиот тренер.