Спорт
Рики Рубио се враќа во Барселона
Шпанскиот кошаркар Рики Рубио се враќа во Барселона, а неговото враќање во каталонскиот клуб ќе биде официјализирано во следните неколку часа.
Рубио ја објави оваа информација на Твитер.
— Ricky Rubio (@rickyrubio9) January 29, 2024
Рубио до неодамна имаше тригодишен договор вреден 18 милиони долари со Кливленд Кавалирс.
Во август 2023 година реши да паузира поради проблеми со менталното здравје, а на 4 јануари годинава и официјално излезе од договорните обврски кон Кавалирс.
Уште тогаш се појавија шпекулации дека е во преговори со клубот за кој настапуваше од 2009 до 2011 година.
Рубио кариерата ја започна во Хувентуд во 2005 година, а во Европа уште играше за Барселона.
После тоа, својата НБА кариера ја изгради во Минесота, Јута, Феникс и Кливленд.
Тој ја освои Евролигата во 2010 година со Барса, Еврокупот во 2008 година со Хувентуд, а со каталонскиот клуб има и една титула шпански шампион во 2011 година, како и два Копа дел Реј.
Со репрезентацијата на Шпанија освои две европски злата и две бронзи, олимписко сребро и бронза, како и златен медал на Светското првенство во Кина во 2019 година, кога ја понесе МВП наградата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Австрија со петарда ја испрати Норвешка
Австрија ја декласира Норвешка во Линц со 5:1, во четвртото коло во Групата 3, во Б-дивизијата во Лигата на нации.
Убедливата победа на Австрија дополнително ја закомпликува ситуацијата на табелата, во пресрет на последните две кола Австрија, Словенија и Норвешка имаат по седум бода, Казахстан со еден е последен на табелата.
Австрија до убедливата победа ја предводеше капитенот Арнаутовиќ, кој ги постигна првите два гола. Најпрвин погоди во осмата минута, Сорлот изедначи во 39.минута.
Во вториот дел Австријците ги декласираа своите противници. Арнаутовиќ погоди од пенал во 48.минута, а до крајот Ниланд го совладаа Линхарт, Пош и Грегорич.
Спорт
(Видео) Трент погоди од слободен удар, Грилиш остана без 500 фунти
Англија ја совлада Финска со 3-1 на гостински терен во четвртото коло од Лигата на нации. Европските вицешампиони се втори во групата со девет поени, три помалку од Грција.
Грилиш го постигна првиот гол за Англија, по што следеше бомбата на Трент Александер-Арнолд од слободен удар, а третиот гол го постигна Деклан Рајс пред Хасконен да го постави конечниот резултат.
Играчот на манчестер сити, Грилиш откри дека му должи 500 фунти на Трент.
„Му реков, се разбира на шега – ако погодиш ќе ти дадам 500 фунти. А потоа тој ја заби топката во мрежата“, изјави Гралиш по натпреварот.
Спорт
(Видео) Македа како Луис Суарез, среде натпревар го гризна противникот
Ракометното дерби на Полска, мечот меѓу љубителите на ракометот меѓу Висла Полок и Киелце и етикетиран како „света војна“ повторно е во центарот на вниманието, не поради играта туку поради инцидентите што се случија. Поранешниот играч на Вардар, Хорхе Македа доби син картон што значи дека мора да паузир на еден натпревар, но веројатно ќе добие поголема казна.
Осмото коло од ракометната Суперлига на Полска им донесе задоволство на ракометните фанови, големо дерби во кое Висла го победи вечниот ривал со 29:25. За самиот ракомет најмалку се зборува после натпреварот.
Дури 21 исклучување имаше на овој натпревар, а беше покажан и син картон, најстрога казна во ракометот. Синиот картон го доби играчот на Кјелце, Шпанецот Хорхе Македа, кој го гризна ривалот Мирсад Терзиќ на теренот, во текот на натпреварот. Судиите беа блиску кога Македа го гризна Терзиќ, а синиот картон му беше покажан по видео проверка на ситуацијата.
Maqueda apparently just bit Terzic – and got the blue card after a video review.
🎥: Polsat#handball pic.twitter.com/ydSITScy4v— Rasmus Boysen (@RasmusBoysen92) October 13, 2024
По мечот, кај записничката маса се скараа и двајцата тренери, легендарните Чаби Сабате и Талант Душебаев.
Тренерот на Висла, Чави Сабате подоцна на прес-конференцијата изјави дека бил пллукнат од неговиот колега од Кјелце. Додека Талант Душебаев, рече дека Сабате му рекол дека е „еб.н Кинез“.
Panie Tałancie dlaczego Pan tak się denerwuje zawsze jak przegrywacie mecz? Sędziowie źle gwizdali? o co chodzi?? pic.twitter.com/lwyVMP7FaC
— Hubert (@hubertklimektt) October 13, 2024