Спорт
Ривалдо: Времето го зема данокот и во фудбалот!

По долг период, во четвртфиналето на фудбалската Лига на шампиони ќе ги нема Лионел Меси и Кристијано Роналдо, поточно двата тима каде што настапуваат овие две големи фудбалски ѕвезди не обезбедија пласман меѓу осумте најдобри.
Екс-фудбалерот на Барса, Бразилецот Ривалдо со свој став за ваквиот раритетен момент.
„Како и се во животот, времето го зема данокот и во фудбалот, а фактот што ни Меси ни Роналдо ќе ги нема во четвртфиналето во ЛШ првпат по 2005 година потврдува дека талентот на ниеден играч не е бесзсмртен. И двајцата сега се над 30 години, ќе им биде тешко да имаат пресудна улога како досега“ – смета Бразилецот.
Ривалдо го пофали младиот играч на Борусија (Д), Ерлинг Халанд, но не го заборави ниту Мбапе.
„Младите таленти почнуваат да се појавуваат на насловните страници. Морам тука да го истакнам Ерлинг Халанд кој оваа сезона игра добро во Борусија. Во блиска иднина ќе стане кандидат за Златна топка, а истото можам да го кажам и за Килијан Мбапе, кој речиси сам ја елиминираше Барселона, покажувајќи неверојатен учинок на `Ноу Камп`. Сега неговата сила повторно ќе се почувствува во завршната фаза на натпреварувањето“ рече Ривалдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пулишиќ промаши пенал – Нула во дербито Јувентус-Милан

Фудбалерите на Јувентус и Милан одиграа без голови во натпреварот од 6-то коло на Серија А.
Ова беше 245-та средба меѓу двата тима, која на крајот заврши со најнепопуларниот резултат. Милан петти меч по ред не успеа да постигне гол против Јувентус, последен пат росонерите, постигнаа гол против екипата од Торино во мај 2023 година.
Кристијан Пулишиќ не ја искористи најдобрата шанса на натпреварот, промаши пенал во 53-та минута.
Неколку минути пред пеналот на Пулишиќ, нјдобрата шанса за Јуве не ја искористи Гати, неговиот удар од пет метри брилијантно го одбрани Мењон.
Милан беше многу поблиску до победата, имаше повеќе шанси, беше поконкретен од ривалот кој, освен гореспоменатиот обид на Гати, не направи речиси ништо конкретно во нападот.
Спорт
(Видео) Пресврт на „Марадона“ – Наполи ја победи Џенова

Фудбалерите на Наполи ја победија Џенова со 2:1 во натпреварот од 6-то коло на Серија А.
Наполи успеа да ја оствари својата петта победа оваа сезона во Серија А, откако по пресврт ги победи гостите од Џенова.
Џенова поведе во 33-та минута преку Екатор. Напаѓачот на Џенова постигна спектакуларен гол со петица.
Во второто полувреме, Наполитанците ја обезбедија победата. Изедначи Самбо Ангиса во 57-та минута за израмнување и надеж дека Наполи може да ја продолжи трката со Рома.
Голот за победа го постигна Расмус Хојлунд во 75-та минута. Данецот игра како прероден во Наполи, каде дојде на позајмица од Манчестер Јунајтед. Во средата, со два гола му ја обезбеди победата на наполи над Спортинг во Лигата на шампионите.
Наполи со оваа победа се изедначи со Рома на челната позиција, двата тима имаат по 15 поени.
Foto/ EPA
Спорт
(Видео) Лесно му е на Сити кога го има Халанд

Фудбалерите на Манчестер Сити го победија Брентфорд со 1:0 во последниот натпревар од седмото коло од Премиер лигата.
„Граѓаните“ беа големи фаворити пред натпреварот, добро го отворија натпреварот, делуваа сигурно во првиот дел, но во вториот не направија буквално ништо пред голот на противникот. Сепа за тимот на Гвардиола најважна е победата.
Единствениот гол на натпреварот беше постигнат во деветтата минута, кога голманот на Брентфорд го совлада Ерлинг Халанд.
Сити го забележа четвртиот триумф во сезоната, сега се наоѓа на петтото место на табелата со 13 бода, три помалку од лидерот Арсенал.