Спорт
Робињо: Жалам што ја изневерив жена ми, ама не сум силувач!
Своевремено еден од бразилските фудбалски бисери, Робињо (36), повторно е без клуб откако Сантос му го прекина договорот само 6 дена по потписот. Причината за тоа е што Бразилецот е осомничен за силување во Италија, а бразилскиот клуб поради тоа е цел на навивачите и клупските спонзори.
Робињо го негира инцидентот во ноќен клуб во Милано (во 2013 година) со тогаш 22-годишната Албанка.
„Девојката ми пристапи и имавме контакт. Беше тоа контакт со прифаќање од двете страни, а подоцна јас си отидов дома“, изјави за бразилски UOL.
Фудбалерот тврди дека неколку негови пријатели останале со девојката по неговото заминување и имале сексуален однос со неа, без присилба. Клучни докази во процесот против Робињо се прислушкувани телефонски разговори меѓу него и пријателите во кои фудбалскиот ас вели дека девојката била потполно пијана.
Адвокатите на ексиграчот на Реал Мадрид, Манчестер сити и Милан тврдат дека неговите зборови не се добро преведени на италијански, а самиот Робињо вели дека девојката воопшто не била пијана.
„Кога ми пријде, таа воопшто не беше пијана затоа што ми го запамети името и знаеше кој сум. Пијана личност на ништо не се сеќава, а таа се сеќава на сè“, рече Робињо.
Тој единстваено за што жали е што ја изневерил сопругата Вивијан, со која е во брак од 2009 година и имаат 3 деца.
„Единствено што жалам е што ја изневерив сопругата, сè друго е извадено од контекст и надувано за да се продаваат вестите. Мојата грешка е што не ѝ бев верен на жената, но никого не сум присилил на секс“, вели Робињо.
Бразилецот и во 2009 година, додека настапуваше за Манчестер сити, беше осомничен за силување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Црвена звезда со играч помалку победи против ФЦСБ
Фудбалерите на Црвена звезда го победија ФЦСБ со 1:0 (0:0) во натпреварот од петтото коло од Лига Европа одигран на стадионот „Рајко Митиќ“.
Српскиот претставник ја забележа својата втора последователна победа и стигна до седум бода, три кола пред крајот на лигашкиот дел од натпреварувањето.
Победата на Црвена звезда добива на значење во борбата за пласман во нокаут фазата, особено поради фактот што беше извојувана со играч помалку.
Имено, Звезда играше со десет играчи од 27-та минута кога Тебо Учена доби директен црвен картон. Но и пред и по црвениот картон, Црвена звезда доминираше и чудо е како не постигна барем уште еден гол.
Единствениот гол, во 50-та минута, го постигна Бруно Дуарте, кој претходно пропушти неколку шанси.
Резултати, Лига Европа 5.коло:
ПАОК – Бран 1:1 (0:0)
/Иванушец 64 – Корвинг 89/
Пилсен – Фрајбург 0:0
Болоња – Салцбург 4:1 (1:1)
/Одгард 26, Далинга 51, Бернардески 53, Орсолини 86 – Вертсен 33/
ГА Иглс – Штутгарт 0:4 (0:2)
/Левелинг 20, 35, Ел Канус 59, Буанани 90+3/
Генк – Базел 2:1 (2:0)
/Ох 14, Каречас 45+2 – Отеле 57/
Макаби Тел Авив – Лион 0:6 (0:3)
/Винициус 4, Толисо 25, 51, 53, Ниаките 35пен, Карабец 62/
Нотингем Форест – Малме 3:0 (2:0)
/Јејтс 27, Калимеундо 44, Миленковиќ 58/
Панатинаикос – Штурм 2:1 (1:1)
/Свидерски 18, Калабрија 74 – Китеишвили 35/
Ренџерс – Брага 1:1 (1:0)
/Таверние 45+3пен.- Мартинез 69/
Реал Бетис – Утрехт 2:1 (1:0)
/Ернандез 42, Езалзули 50 – Родригез 55/
Спорт
(Видео) Пораз на Шкендија од Дрита
Фудбалерите на Шкендија го запишаа вториот пораз во Конференциската лига. На гостувањето во Косово, Дрита ја порази Шкендија со 1:0. По втроиот пораз во Конференциската лига, Шкендија остана на четири поени и се наоѓа на 25-то место на табелата.
Натпреварот не понуди некој врвен квалитет, се играше тврдо од двете страни. Пресуди голот на Манај во 20.минута. Впечаток е дека дефанзивците можеда да реагираат подобро во оваа ситуација.
Шкендија во наредната рунда ќе го пречека Слован од Братислава. Натпреварот се игра на 11 декември.
Инаку, Слован го направи најголемото изненадување во петтото коло, на домашен терен, по пресврт го победи Рајо Ваљекано (2:1).
Foto/ EPA, arhiva
Спорт
Македонија го растури Азербејџан
Кошаркарската репрезентација на Македонија со победа ги отвори претквалификациите за Европското првенство во 2029 година. Во Скопје, Македонија го совлада Азербејџан со 87:49.
Македнија ја оправда улогата на фаворит и според очекувањата забележа лесна и убедлива победа.
Андреј Јакимовски беше најдобар со дабл-дабл (25 поени и 11 скокови). Двоен учинок од 16 поени и 11 скока реализираше и капитенот, Војдан Стојановски, Зеќири уфрли 17 поени.
На своето деби за репрезентацијата на Македонија, Омари Мур дојде до скор од шест поени, исто толку скокови и девет асистенции.
Во наредното коло од групата А, на 30.ноември, нашата најдобра селекција ќе гостува во Даблин кај Република Ирска.
Извор/ Кошаркарска федерација на Македонија

