Милан губеше со 0:2 по само 14 минути на „Сан Сиро“, но успеа да се врати за 4:2 победа над Селтик со која си осигураа пласман во нокаут-фазата од Лига Европа, каде што сигурно се пласирани и Динамо Загреб по импресивната 0:2 победа на гости кај Феенорд и Црвена звезда по 0:0 ремито со Хофенхајм дома.

Двете катастрофални грешки на одбраната и на голманот Џиџи Донарума придонесоа „росонерите“ да губат со 0:2 на самиот старт на мечот, но „росонерите“ одговорија со два гола во две минути преку Хакан Чалханоглу и Саму Кастилехо во првото полувреме, пред Јенс Хауге и Брахим Дијаз да ја обезбедат победата.

Со победата „росонерите“ се пласираа во нокаут-фазата, бидејќи Лил направи пресврт и со 2:1 ги победи Спарта Прага, каде што следно гостува гигантот од Милано.

Динамо Загреб со импресивни 2:0 победи на „Де Кујп“ во Ротердам за да осигура дека ќе заврши на првото место во групата К пред Волфсбергер, Феенорд и ЦСКА Москва. На Звезда пак и 0:0 и беше доволно да го осигура пласманот зад Хофенхајм во групата Л. Највозбудливо беше во Австрија, каде што ЛАСК Линц во 92. минута обезбеди 3:3 реми со Тотенхем.

ЛИГА ЕВРОПА, 5.КОЛО

ГРУПА Г

АЕК – Брага 2:4

Зорја Луханск – Лестер 1:0

Табела: 1.Лестер 10, 2.Брага 10, 3.Зорја 6, 4.АЕК 3

ГРУПА Х

Милан – Селтик 4:2

Лил – Спарта Прага 2:1

Табела: 1.Лил 11, 2.Милан 10, 3.Спарта 6, 4.Селтик 1

ГРУПА И

Карабаг – Макаби Тел Авив 1:1

Сиваспор – Вилјареал 0:1

Табела: 1.Вилјареал 13, 2.Макаби ТА 8, 3.Сиваспор 6, 4.Карабаг 1

ГРУПА Ј

Антверпен – Лудогорец 3:1

ЛАСК Линц – Тотенхем 3:3

Табела: 1.Антверпен 12, 2.Тотенхем 10, 3.ЛАСК 7, 4.Лудогорец 0

ГРУПА К

ЦСКА Москва – Волфсбергер 0:1

Феенорд – Динамо Загреб 0:2

Табела: 1.Динамо З 11, 2.Волфсбергер 7, 2.Феенорд 5, 4.ЦСКА М. 3

ГРУПА Л

Црвена звезда – Хофенхајм 0:0

Гент – Слован Либерец 1:2

Табела: 1.Хофенхајм 13, 2.Црвена звезда 10, 3.Либерец 6, 4.Гент
0

МИЛАН – СЕЛТИК

ЗОРЈА – ЛЕСТЕР


ЛАСК ЛИНЦ – ТОТЕНХЕМ

Фаворитките со победи го отворија Европското првенство во ракомет во Данска и Норвешка кога Русинките со фантастично второ полувреме ја декласираа Шпанија со 31:22, а Германките потешко од очекувањата со 22:19 беа подобри од Романија.

Во дуелот на двете репрезентации, кои освоија медали на СП во 2019, Русинките имаа фантастично второ полувреме. Дарја Дмитриева, Владлена Бобровникова и Антонина Скоробоготченко имаа по 4 гола за „зборнаја“.

Германија, пак, направи рано водство, кое беше клучно до крајот на мечот и покрај фантастичната партија на романската голманка Јулија Думанска. Романките успеаја да израмнат во второто полувреме, но Германија повторно се врати за победа. Фантастичните 15 одбрани на Думанска не беа доволни откако во нападот Романките имаа само 44 отсто успешност, а првата ѕвезда Кристина Неагу имаше само 4 гола.

ЕП ЖЕНИ 2020

ГРУПА Б

Русија – Шпанија 31:22 (13:11)

Шведска – Чешка 20.30 ч

ГРУПА Д

Романија – Германија 19:22 (10:13)

Норвешка – Полска 20.30 ч

Премиер лигата и Англиската фудбалска лига (ЕФЛ) се согласија на пакет за спас на англискиот фудбал по кризата од Ковид-19, вреден 250 милиони фунти.

Преговорите траеја неколку месеци преку британскиот оддел за култура, медиуми и спорт и сега 24-те клуба од Чемпионшип ќе имаат достапни заеми без камата од 200 милиони фунти. Премиер лигата ќе плати 15 милиони фунти за осигурување на заемот, кој ќе биде ограничен на 8,33 милиони фунти од клуб и ќе мора да се врати до јуни 2024 година.

Лига 1 (третата лига) и Лига 2 (четвртата лига) ќе добијат грант по 30 милиони фунти според односот на загубените пари од приходите од продадените билети во минатите сезони. Секој клуб од третата лига ќе добие по најмалку 375.000 фунти, а четвртолигашите ќе добијат 250.000 фунти. Преостанатите 20 милиони фунти ќе бидат достапни за итни случаи.