Спорт
Родригез и Милано го шокираа Фенербахче, ЦСКА го загуби Клајбурн

Армани Милано, предводени од Серхио Родригез му го нанесоа третиот пораз на Фенербахче во Евролигата, откако со 87:74 триумфираа во последниот меч од четвртото коло во европската кошаркарска елита.
Родригез имаше 22 поени за Милано првпат од 2014 година да го победи тимот на Фенербахче и да ја забележи третата победа оваа сезона. Артурас Гудаитис беше исто така клучен за Милано, посебно откако Фенер имаше добра серија во третата четвртина. Јан Весели и Жофри Ловерњ имаа по 14 поени за турскиот клуб.
„Пирова“ победа во Берлин имаше тимот на ЦСКА Москва, триумфирајќи со 82:66 над Алба за 4-0 скор, откако МВП на Фајнал фор турнирот од 2019, Вил Клајбурн доби посериозна повреда на коленото.
Откако првото полувреме заврши 39:34, ЦСКА го крена нивото на игра во второто полувреме, откако ја доби третата четвртина со 22:8. Мајк Џејмс имаше 22 поени и 5 асистенции за ЦСКА, а Даран Хилиард додаде 21 поен со шест тројки.
По четири кола во Евролигата, само Барселона и ЦСКА Москва имаат по четири победи.
ЕВРОЛИГА, 4.КОЛО
Жалгирис Каунас – Асвел Лион 70:56 (14:20, 19:8, 22:17, 15:11)
Алба Берлин – ЦСКА Москва 66:82 (15:17, 19:22, 8:22, 24:21)
Милано – Фенербахче 87:74 (20:11, 21:18, 25:26, 21:19)
Басконија – Олимпијакос 82:66 (23:21, 18:15, 17:13, 24:17)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Резервите му донесоа триумф на Арсенал во Билбао, дебитантот Унион го шокира ПСВ

Со гостински победи на Арсенал и дебитантот Унион Сен Жилоа, започна сезоната 2025/2026 во Лигата на шампионите.
Арсенал на „Сан Мамес“ во Билбао, не прикажа некоја спектакуларна игра, но успеа да го победи Атлетик.
Два гола постигнаа играчите од клупата за резерви. Мартинели по нецели 15 секунди откако влезе во игра во 72.минута погоди за 0:1. Конечниот резултат го постави Тросар во 87.минута. Резервите на Артета си поделија по една асистенција.
На „Филипс“ стадионот во Ајндховен, ПСВ доживеа шокантен пораз од Унион Сен Жилоа. Дека Белгијците се дојдени по победа во Ајндховен најави Дејвид во деветтата минута од пенал. Половина час подоцна слаломот на Ел Хаџ им донесе на гостите предност од два гола.
Точка на победата на гостите стави братот на фудбалерот на Ливерпул, Алексис Мекалистер, Кевин.
Честа на ПСВ ја спаси, Ван Бомел во 90.минута.
Спорт
Шејн Ларкин ја заврши репрезентативната кариера

Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
Спорт
Атлетико без најдобриот играч отпатува во Ливерпул

Ливерпул, утре, ќе го пречека Атлетико Мадрид во еден од најпривлечните натпревари во првото коло, во Лигата на шампионите.
„Јорганџиите“ ќе бидат хендикепирани на „Енфилд“, тренерот Диего Чоло Сименоне нема да може да смета на првиот напаѓач, Хулијан Алварез.
За време на викендот против Виљареал, Аргентинецот почувствува непријатност во коленото, беше заменет, а по лекарските прегледи беше одлучено да се одмори и да го прескокне дуелот со шампионите на Англија.
Во негово отсуство, нападот на Атлетико ќе го предводат Антоан Гризман и Александар Серлот.
Атлетико објави дека Тијаго Алмада, Алекс Баена и Хозе Марија Хименез ќе го пропуштат натпреварот со Ливерпул.
Натпреварот во Ливерпул ќе започне во 21:00 часот.