Спорт
Рој Кин: Не можам да го гледам овој Манчестер јунајтед

Рој Кин, поранешниот капитен на Манчестер Јунајтед, по којзнае кој пат го критикуваше својот поранешен клуб. Анализирајќи го полуфиналето на ФА Купот со Ковентри во кое Јунајтед среќно мина во финалето и покрај тоа што имаше водство 3:0, Кин рече дека настапот на тимот на Ерик тен Хег е срамен.
Ковентри (осми на табелата во Чемпионшип), од 70 до 95.минута ја надомести негативата од три гола, а во 120.минута сонот за место во финалето им го урна ВАР. Глоот на Торп беше поништен поради милиметарски офсајд.
Пенал серијата Јунајтед ја доби со 4:3.
„Некои играчи и навивачи на Јунајтед на крајот не славеа. Им беше срам што победија на крајот. Секогаш кога го гледам овој тим на Јунајтед, не ми се допаѓа тоа што го гледам. Тие зборуваат за лидерство и карактер, а јас не го гледам тоа во тимот на Јунајтед. Боже, колку среќа имаа“, рече Кин.
Неверојатно е колку лошо екипата од „Олд Трафорд“ игра оваа сезона.
Противниците лесно им создаваат шанси, нема идеја во играта, па многумина веруваат дека Ерик тен Хаг ќе биде сменет на крајот од сезоната.
„Секоја недела приказната е иста кога се работи за Манчестер Јунајтед. Никогаш не знаеш што ќе добиеш од нив. Се вели дека некогаш е потребно да имате среќа. Мегваер рече дека покажале добар карактер. Не гледам никаков карактер во ова група играчи. Го гледам голманот, како „краде“ од времето. Човеку продолжи со играта, покажи малку храброст. Не можам да ги поднесам. Гледам на теренот група играчи со лоши навики, се уплашија да победат. Во продолженијата Ковентри изгледаше како тим од Премиер лигата, а Јунајтед како тим од Чемпионшип“, заклучи Кин.
Од друга страна, поранешниот дефанзивец на Ливерпул Џејми Карагер е убеден дека ова е крајот на мисијата за Ерик тен Хаг.
„Сите се сеќаваме како Марк Робинс му ја спаси работата на Алекс Фергусон, мислам дека поради овој натпревар Тен Хаг ќе остане без работа. Не гледам како може да остане после ова“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Џерард се враќа на местото на успехот

Англискиот стручњак Стивен Џерард е главен кандидат за клупата на шкотски Ренџерс, на која седеше од 2018 до 2021 година, објави „Дејли мејл“.
Како што пишува лондонскиот весник, челниците на Ренџерс сакаат да го вратат 44-годишниот Џерард, кој во својот прв мандат им ја донесе титулата во Шкотска во сезоната 2020/21.
Веднаш по освојувањето на таа титула, Џерард се пресели на клупата на Астон Вила, но не се снајде добро во клубот од Бирмингем. Слично беше и во Ал Етифак од Саудиска Арабија, каде што Џерард работеше од летото 2023 година до јануари оваа година.
Во текстот на „Мејл“ се истакнува дека по заминувањето на привремениот менаџер Бери Фергусон, клубот сака поискусен стручњак, и дека тоа одлучило Давиде Анчелоти, синот на Карло, тренерот на Реал, да се откаже од трката.
На крајот, се заклучува дека Џерард би можел да биде назначен за нов-стар менаџер на клубот до крајот на мај или почетокот на јуни.
Спорт
Клоп се согласил да ја преземе Рома

Поранешниот менаџер на Ливерпул, Јирген Клоп, се враќа на тренерската работа, иако најави сосема поинаку.
Според италијанските медиуми, Клоп се согласил на соработка со Рома.
Клоп се пензионираше од тренерската работа по осум години во Ливерпул и ја презеде функцијата шеф на глобалните фудбалски операции на Ред Бул, надгледувајќи го работењето на сите клубови на компанијата низ целиот свет.
Наводно, во договорот постои клаузула во случај на можност да биде селектор на Германија, но италијанската „Ла Стампа“ објави сензационална вест во понеделник навечер.
Тие велат дека германскиот стручњак го договорил да ја преземе Рома.
Клоп ќе ја преземе Рома од легендарниот, кој се врати од пензија оваа сезона за да ја спаси Рома по ужасниот почеток на сезоната. Тој се согласи да го води својот сакан клуб само до крајот на сезоната и ги доведе до петтата позиција и борбата за четвртото место што води во Лигата на шампионите, пред последното коло од Серија А.
„Ла Стампа“ пишува дека Раниери ќе остане во клубот како еден вид советник на Клоп, сè за да му се олесни на германскиот тренер во нова земја и лига.
Ова ќе биде деби на Клоп во Серија А, откако беше многу успешен во Германија и Англија.
Истиот извор наведува дека Клоп му дал согласност на претседателот Ден Фридкин во недела, 18 мај во 22:57 часот, откако „волчицата“ го победи Милан во дербито на Серија А.
Спорт
Ламал ќе ја добие „десетката“ на Меси

Како што се очекуваше, Ламин Јамал ќе биде новиот сопственик на „десетката“ на Барса.
Јамал покажа дека го следи патот на Лео Меси, и исто како Аргентинецот, и тој го зеде дресот со број 19 во својата дебитантска сезона како играч на првиот тим.
Меси го носеше тој број во првите две години како играч во првиот тим, од 2006 до 2008 година, а потоа со заминувањето на Роналдињо, ја зеде легендарната „десетка“, кога тимот го презеде Пеп Гвардиола.
Интересно е што Меси во тој момент имаше 21 година, три години постар отколку што Јамал ќе биде ова лето.
Јамал ќе наполни 18 години на 13 јули, кога официјално ќе потпише нов повеќегодишен договор, според кој ќе добие и огромно зголемување на платата. Се претпоставува дека откупната калузула ќе биде 1.000.000.000 евра.
Покрај тоа, тој ја добива легендарната „десетка“ како подарок, што има посебно значење во Барса, бидејќи пред Меси и Роналдињо, ја носеле великани како Ривалдо, Хуан Роман Рикелме, Јари Литманен, Џеовани, а претходно една сезона ја носеле Михаел Лаудруп, Георге Хаџи, дури и Христо Стоичков и Пеп Гвардиола.