Спорт
Рој Кин: Не можам да го гледам овој Манчестер јунајтед
Рој Кин, поранешниот капитен на Манчестер Јунајтед, по којзнае кој пат го критикуваше својот поранешен клуб. Анализирајќи го полуфиналето на ФА Купот со Ковентри во кое Јунајтед среќно мина во финалето и покрај тоа што имаше водство 3:0, Кин рече дека настапот на тимот на Ерик тен Хег е срамен.
Ковентри (осми на табелата во Чемпионшип), од 70 до 95.минута ја надомести негативата од три гола, а во 120.минута сонот за место во финалето им го урна ВАР. Глоот на Торп беше поништен поради милиметарски офсајд.
Пенал серијата Јунајтед ја доби со 4:3.
„Некои играчи и навивачи на Јунајтед на крајот не славеа. Им беше срам што победија на крајот. Секогаш кога го гледам овој тим на Јунајтед, не ми се допаѓа тоа што го гледам. Тие зборуваат за лидерство и карактер, а јас не го гледам тоа во тимот на Јунајтед. Боже, колку среќа имаа“, рече Кин.
Неверојатно е колку лошо екипата од „Олд Трафорд“ игра оваа сезона.
Противниците лесно им создаваат шанси, нема идеја во играта, па многумина веруваат дека Ерик тен Хаг ќе биде сменет на крајот од сезоната.
„Секоја недела приказната е иста кога се работи за Манчестер Јунајтед. Никогаш не знаеш што ќе добиеш од нив. Се вели дека некогаш е потребно да имате среќа. Мегваер рече дека покажале добар карактер. Не гледам никаков карактер во ова група играчи. Го гледам голманот, како „краде“ од времето. Човеку продолжи со играта, покажи малку храброст. Не можам да ги поднесам. Гледам на теренот група играчи со лоши навики, се уплашија да победат. Во продолженијата Ковентри изгледаше како тим од Премиер лигата, а Јунајтед како тим од Чемпионшип“, заклучи Кин.
Од друга страна, поранешниот дефанзивец на Ливерпул Џејми Карагер е убеден дека ова е крајот на мисијата за Ерик тен Хаг.
„Сите се сеќаваме како Марк Робинс му ја спаси работата на Алекс Фергусон, мислам дека поради овој натпревар Тен Хаг ќе остане без работа. Не гледам како може да остане после ова“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Киву: Интер е како машина за перење алишта
Тренерот на Интер, Кристијан Киву, беше прогласен за најдобар романски тренер во 2025 година. Тоа е големо признание за 45-годишникот, кој стана тренер на сениорски тим дури оваа година. Тој ја презеде Парма во февруари, а потоа се врати во Интер, каде што работеше во фудбалската академија, пред да се пресели во Парма.
Од минатото лето одигра 27 натпревари со Интер и моментално е лидер во италијанското првенство. Зад себе има одлична кариера, во која играше за Рома и Интер. Неговата кариера ќе беше уште подобра доколку немаше проблеми со повредите. Исто така, одигра 75 натпревари за романската репрезентација, за која постигна три гола.
„Сè зависи од тимот што го имате. Има многу работа, напнатост и страст во процесот на постигнување успех. Ги засукавме ракавите пред сезоната и се фативме за работа. Останавме оптимисти. Ќе останев во Парма, сакав да го продолжам договорот, но Интер се вклучи откако Симоне Инзаги си замина. Имав среќа да ја добијам работата.
Резултатите се секогаш најважни. Во Интер е како да си во машина за перење алишта, која е секогаш вклучена и ја удираш главата од секој ѕид. Никогаш нема мир, секогаш има притисок од резултатите и натпревар се игра на секои три дена. Ми се допаѓа одговорноста и притисокот, сите оние работи што ме држат буден и приземјен“, изјави тој за романската „Газета Спортурилор“.
Foto/ depositphotos
Спорт
Дополнителни мерки за безбедност во Еспањол пред дуелот со Барселона
Моментално е празничен одмор во Шпанија, но во фудбалскиот клуб Еспањол немаат време за одмор.
Имено, во првиот натпревар во 2026 година, Еспањол ќе го пречека својот најголем ривал, Барселона, што исто така значи дека Џоан Гарсија повторно ќе биде меѓу „своите“.
Навивачите на Еспањол веќе подготвуваат пеколен пречек за него, бидејќи од ова лето го сметаат за најголем предавник во историјата на клубот.
Како што е познато, голманот на Барселона, кој е дете на Еспањол, се пресели на „Камп Ноу“, ова лето за 25.000.000 евра. Навивачите на Еспањол му испраќаа разни заканувачки пораки, нарекувајќи го „Јуда“, па клубот веќе презема мерки на претпазливост.
Шпанските медиуми тврдат дека Еспањол ќе постави посебна заштитна ограда зад двата гола, за да нема случаен инцидент, за да не го погодат навивачите голманот на Барселона.
Јасно е дека доколку се случи таков инцидент, Еспањол би можел да добие сериозни казни, кои клубот сака да ги спречи по секоја цена.
Натпреварот Еспањол – Барселона е закажан за сабота, 3 јануари, во 21:00 часот.
Foto/ freerangestock
Спорт
Тројца ќе го напуштат Сити за да дојде Антоан Семењо
Фудбалскиот клуб Манчестер Сити ќе биде активен во зимскиот преоден рок.
Како што е познато, Антоан Семењо е блиску до трансфер на „Етихад“, но за да дојде крилниот напаѓач на Борнмут, најмалку двајца играчи ќе мора да го напуштат клубот.
За почеток, има прецртани играчи кои дури и не играат оваа сезона, станува збор за Калвин Филипс и Оскар Боб.
Филипс е на позајмица во Вест Хем, каде што речиси и да не игра. а Боб не може да се псрави со конкуренцијата во тимот.
Англиските медиуми шпекулираат дека клубот би можел да го напушти дефанзивецот, Нејтан Аке. Наводно за него интерес покажале во Барселона.
Реално е Сити да го продаде Савињо и од неговата продажба може да инкасира околу 70 милиони евра. Бразилецот требаше да замине во елтниот преоден рок, и тоа во Тотенхем. Тогаш Пеп Гвардиола во последен момент го стпираше трансферот.
Foto/ depositphotos

