Спорт
Рој Кин за Марсијал: Постигнува гол на секои 14 години
Зад Манчестер јунајтед е уште една сезона за заборав. Во Лигата на шампионите само теоријата ги води во нокаут фазата, а во Премиер лигата се седми на табелата.
Во саботата Јунајтед загуби во Њукасл (1:0). Како играа избраниците на Ерик тен Хаг, можат да бидат среќни што примија само еден гол.
Англиските медиуми пишуваат дека за време на натпреварот дошло до расправија помеѓу тренерот Ерик тен Хаг и Ентони Марсијал.
Тен Хаг полуде на Марсијал во средината на првото полувреме откако Французинот не се врати во одбраната, а во 60. минута наместо него во игра влезе Расмус Хојлунд.
Малку подоцна, во една емисија, легендата на Јунајтед, Рој Кин зборуваше за Марсијал.
„Му простуваме на Марсијал затоа што тој постигнува гол на секои 14 години. Ќе кажам само едно: ако Њукасл не стави под притисок, подобро да ја земеш топката и да му помогнеш на тимот да подигне и да добие малку простор за дишење. Што направи Марсијал? Ја допре топката и ја продаде евтино. Јунајтед се обиде да се ослободи од него пред неколку години. Екипата се оценува според тоа како игра на големите натпревари. Ако Марсијал не е способен за тоа, тогаш можеби не треба да биде играч на Јунајтед“, изјави Кин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.