Спорт
Ролан Гарос ќе дозволува 20.000 гледачи дневно

Организаторите на Ролан Гарос потврдија дека на овогодишниот гренд слем ќе има ограничен број на гледачи, до 20.000 дневно, откако терените ќе бидат поделени во три посебни секции.
На двата големи стадиони на Францускиот опен ќе биде дозволено да дојдат до 5.000 гледачи, додека и на теренот Симнон Матју ќе може да има дополнителни 1.500 гледачи. Тие кои ќе бидат присутни нема да можат да се движат меѓу трите секции.
„Ролан Гарос ќе биде првиот турнир кој ќе има привилегија да привлече гледачи“, изјави претседателот на Француската тениска федерација (ФФТ), Бернар Жудикели.
Оваа одлука доаѓа само три дена откако Франција имаше рекордни 8.695 позитивни случаи во еден ден. Турнирот започнува на 21 септември, а претходно ќе има една недела квалификации за разлика од САД опен, каде што квалификациите беа откажани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Што има Челзи што нема Бетис? Иско вели – пари!

Во среда во 21:00 часот, Бетис и Челзи во Вроцлав, Полска, ќе се борат за трофејот во Конференциската лига.
Челзи би можел да стане единствениот клуб што го освоил трофејот во сите три натпреварувања на УЕФА, откако Жозе Мурињо го направи тоа како менаџер.
Ден претходно, традиционално, се се одржаа прес-конференциите, а капитенот Иско и тренерот Мануел Пелегрини беа пред новинарите од таборот на Бетис.
Секако, имаше разни прашања поврзани со натпреварот, но одговорот на Иско на едно од нив особено се издвои.
„Што има Челзи што го нема Бетис“?
„Добро прашање. Па, има пари, нели“, одговори капитенот на Бетис со насмевка.
Спорт
Ламин Јамал – сегашноста и иднината на Барса

Ламина Јамал, очекувано, стави потпис на новиот договор со Барселона. Најталентираниот напаѓач во светот ќе остане в Барселона најмалку до јуни 2031 година.
„Сегашноста и иднината“, го опиша Барселона потпишувањето на договорот.
Стандардно, Барселона објави дека на потпишувањето на договорот присуствувале претседателот Џоан Лапорта, првиот потпретседател Рафа Јусте и спортскиот директор Деко.
Јамал го имаше своето деби за првиот тим како петнаесетгодишник на 29. април 2023 година. Тој пристигна во клубот многу порано, кога имаше само седум години, кога стана член на академијата на Барселона, позната како Ла Масија.
Иако сè уште е тинејџер, Јамал беше клучен играч во освојувањето на двојната круна и Суперкупот на Барселона оваа сезона.
Тој веќе има 106 настапи за Барселона, а ги руши рекордите еден по друг – тој е најмладиот стрелец во историјата на Ла Лига, Кралскиот Куп и Суперкупот, најмладиот играч на Барса кој одиграл повеќе од 100 натпревари…
Досега има постигнато 25 гола со 34 асистенции… А неговото време дефинитивно допрва доаѓа.
Спорт
Меси и Суарез основаа нов клуб

Дуото на Интер Мајами, Лионел Меси и Луис Суарез, се одлучија за ново фудбалско поглавје. Решија да основаат нов клуб.
Новиот клуб е од Уругвај, поточно од Сиудад де ла Коста и се вика Депортиво ЛСМ. Клубот ќе започне да се натпреварува во Четвртата лига во Уругвај.
Клубот е создаден од Депортиво ЛС, кој беше независно основан од Луис Суарез пред четири години. Ова засега не го менува нивниот професионален ангажман, бидејќи двајцата се уште се членови на тимот од МСЛ лигата, Интер Мајами.
Суарез има 38, а Меси 37 години и полека се ближат кон крајот на кариерите. Заедно тие беа и членови на Барселона и беа дел од последниот тим на „Блауграна“ кој ја освои последната титула во Лигата на шампионите.