Женската ракометна репрезентација на Македонија, доживеа тежок пораз во Романијаод 33:22 (15:11), во првиот бараж-натпревар за пласман на Светското првенство.

Македонија, добро се држеше во првите 15 минути од натпреварот. Романија имаше предност од 5:4, а потоа за само четири минути со серија 7:0, домашните ракометарки создадоа предност од осум гола (12:4).

До крајот на полувремето Македонија ја преполови разликата (15:11).

По слично сценарио се одвиваше и вториот дел. Периодот од девет минути во кој Македонија не постигна гол, Романките го искористија да ја врата максималната предност од осум гола (22:14).

До крајот Ромаките само ја зголемија предноста, со што направија реваншот во Скопје да биде само формалност.

Само пет ракометарки ги постигнаа головите за Македонија. Најефикасна беше Ристовска со осум, Стојковска и Јанеска постигнаа по пет, Боризовска три, a Стојановска еден гол.

Кај Романките една третина од головите, вкупно 11, постигна Неагу.

Фото/macedoniahandball.com.mk

Вардар го победи Металург, во Атокоманда, со 31:27, во дербито на коло во домашното првенство. Актуелните шампиони, со максимални седум победи, го завршија првиот дел од шампионатот. Металург, во првите седум кола победија само еднаш, имаат две нерешни средби и четири порази.

Металург, имаше сили да му се спротивстави на фаворитот само во првото полувреме. Тимот од Автокоманда, имаше предност од три гола, 14:11, во 27.минута. Сепак на одмор тимовите заминаа израмнети (15:15).

Во вториот дел, Вардар максимално ја искористи поголемата ротација. Во 42.минута, Вардар водеше 19:23, Металург се доближи на гол негатива, а овој налет на домаќинот го одбија Дибиров, Чупиќ и Калараш.

На крајот заслужена победа на „црвено-црните“ 31:27.

Најефикасни играчи на натпреварот беа хрватските репрезентативци Иван Чупиќ (Вардар) и Златко Хорват (Металург) со по седум гола.

Фото: Денис Дуковски/РК Вардар1961

Фудбалерите на Баерн, со денешната победа во Волфсбург (2:3), направија голем чекор кон одбраната на шампионската титула. По мечот тренерот Ханс-Дитер Флик објави дека ќе го напушти клубот по завршувањето на сезоната.

„Би сакал да ја раскинам соработката по завршувањето на сезоната. Тоа е факт, ми беше важно јас ова да им го соопштам на играчите“, рекол Флик.

Тренерот кој минатата сезона, со Баерн ја освои Лигата на шампионите, не сакал да открие зошто донел ваква одлука. Се шпекулира дека Флик сака да ја преземе репрезентацијата на Германија.

Исто така, медиумите претпоставуваат, дека одлуката да замине од Баерн, ја донел и поради несогласувањата што ги има со спортскиот директор Хасан Салихамиџиќ.

Ханс-Дитер Флик, стана тренер на Баерн во ноември 2019 година. На клупата, на славниот клуб, седна на местото на Нико Ковач.

Флик, досега го предводел Баерн на 81 натпревар, забележал 67 победи, само шест порази, а осум пати под палката на Флик, Баерн одиграл нерешено.