Спорт
Рома сигурна пред 60 илјади фанови во Рим, Фенер на Алиоски извлече поен во Франција
Рома не дозволи ново изненадување во второто коло на Лига Европа, победувајќи го финскиот ХЈК Хелсинки со убедливи 3:0 на „Олимпико“, каде што имаше над 60 илјади верни навивачи на „волчицата“.
Откако во првото коло загубија на гости кај Лудогорец (2:1) во драматичен меч, Рома уште во 15. минута доби предност кога гостинскиот дефанзивец Миро Тенхо доби црвен картон. Но, за гол се чекаше до второто полувреме, кога веднаш по влегувањето во игра, Пауло Дибала го постигна својот прв гол во кариерата во Лига Европа. Само две минути, Николо Ѕаниоло му асистираше на Лоренцо Пелегрини за 2:0, за Ѕаниоло потоа во 68. минута да го најде и Андреа Белоти за комплетирање на победата. Во нивната група, Реал Бетис останува лидер по 3:2 победата над Лудогорец.
Фенербахче, за кои Езѓан Алиоски влезе во игра во последните половина час, со пеналот на Енер Валенсија во 92. минута извлекоа 2:2 на гостувањето кај францускиот Рен во вториот најинтересен меч во Лига Европа.
Доста „забавно“ беше и во Конференциската лига. Вест хем стигна до 3:2 драматична победа кај данскиот Силкеборг, Партизан во Белград одигра 1:1 со Ница, додека Фиорентина загуби со 3:о на гости кај Башакшехир.
ЛИГА ЕВРОПА, 2.КОЛО
ГРУПА А
Бодо/Глимт – Цирих 2:1
Арсенал – ПСВ Ајндховен одложено
ГРУПА Б
Динамо Киев – АЕК Ларнака 0:1
Рен – Фенербахче 2:2
ГРУПА Ц
Рома – ХЈК Хелсинки 3:0
Реал Бетис – Лудогорец 3:2
ГРУПА Д
Брага – Унион Берлин 1:0
Унион Сен-Жил – Малме 3:2
КОНФЕРЕНЦИСКА ЛИГА ЕВРОПА, 2.КОЛО
ГРУПА А
Башакшехир – Фиорентина 3:0
РФС Рига – Хартс 0:2
ГРУПА Б
ФЦСБ – Андерлехт 0:0
Силкеборг – Вест хем 1:3
ГРУПА Ц
Хапоел Бер Шева – Вилјареал 1:2
Лех Познањ – Австрија Виена 4:1
ГРУПА Д
Келн – Словацко 4:2
Партизан – Ница 1:1
ЛИГА ЕВРОПА
КОНФЕРЕНЦИСКА ЛИГА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

