Хари Кејн ќе пропушти неколкудневни тренинзи откако полесно ја повреди потколеницата, објави во средата бундеслигашот. Напаѓачот на Англија заработи повреда која доведе до внатрешно крварење пред ремито во вторник во Лигата на шампионите против Селтик (1:1).

„Не сум сигурен дали ќе можам да играм против Ајнтрахт Франкфурт во недела“, изјави Кејн откако Баерн се пласираше во осминафиналето во Лигата на шампионите со вкупни 3-2, додавајќи дека тој исто така доживеа мала повреда на вилицата при судар на ремито на Баер Леверкузен минатиот викенд.

Баерн се пласираше во осминафиналето во Лигата на шампионите и е лидер во германското првенство со осум бодови пред второпласираниот Баер Леверкузен. Кејн оваа сезона одигра 31 натпревар за Баварците. Тој постигна 29 и асистираше за 10 голови на неговиот тим.

Аргентинскиот фудбалер Анхел Ди Марија изјави дека сè уште зема лекови за да се справи со притисокот и разочарувањето од загубите во три последователни финалиња на големите натпреварувања со националниот тим.

Ди Марија го освои Светското првенство во Катар со Аргентина во 2022 година, а Копа Америка во САД две години подоцна, откако загуби две финалиња на Копа Америка и финалето на Светското првенство во 2014 година во период од три години.

„Затоа се уште пијам лекови. Успеав да ја намалам дозата. Многу сум подобар, но тоа е нешто што создава зависност… Тоа се работи кои остануваат со вас, кои ве обележуваат“, изјави Ди Марија за „Infobae“.

Тој додаде дека му е жал за многуте поранешни репрезентативци кои не успеаја да ја освојат титулата со Аргентина.

„Кој се сеќава на момците кои стигнаа до финалето на Светското првенство, а не победија? Малкумина и ми изгледа неправедно. Кој зборува за тие деца? Никој. Малкумина можат да ви кажат како играле. Многупати го кажав тоа кога станавме светски шампиони, кога ја освоивме Копа Америка, секогаш велев дека овие трофеи се освојувани благодарение на претходната генерација“, изјави Ди Марија.

Тој минатото лето се повлече од репрезентацијата и рече дека не жали. За Аргентина одигра 145 натпревари и постигна 31 гол.

Барселона има одлична сезона и е меѓу фаворитите за освојување на сите три трофеи. Движечка сила зад овој тим е Ламин Јамал, кој истакна дека неговиот тим има квалитет да оди до крај во сите натпреварувања.

Најдобриот млад фудбалер во Европа, на почетокот на интервјуто за „Ел Мундо Депортиво“, истакна дека само Ливерпул е поголем фаворит за освојување на Лигата на шампионите.

„Мислам дека Ливерпул е единствениот поголем фаворит од нас во Лигата на шампионите. Едноставно затоа што првиот обезбеди пласман понатаму. Мислам дека можеме да се натпреваруваме за трофејот, дека можеме да одиме до крај. Мора да мислиме дека ние сме тимот кој игра најдобар фудбал и во Шпанија и во Европа. Не сакам да бирам помеѓу Ла Лига и Лигата на шампионите, ајде да одиме по двата трофеи“, изјави Јамал.