Спорт
Романо: Сити најде замена за Де Брујн, тоа ќе ги чини 100 милиони фунти

Кевин Де Брујн ќе остане запаметен како еден од најважните фудбалери во историјата на Манчестер Сити. Помина десет години во клубот, ги освои сите трофеи и постојано беше меѓу главните лидери на играта. Замената на играч од неговата класа ќе биде многу напорна задача, но Пеп Гвардиола и неговите колеги веќе мора да размислуваат да продолжат без него.
Како што пренесува познатиот спортски новинар Фабрицио Романо, Манчестер Сити покажува интерес за Морган Гибс-Вајт (25). Англискиот играч за врска имаше многу забележителна сезона, како и целиот тим на Нотингем Форест, кој пружа одлични партии во Премиер лигата. Гибс-Вајт игра како офанзивен играч за врска, а Гвардиола наводно го гледа како потенцијална замена за Де Брујн. Гибс-Вајт сака да се приклучи на СитиРомано додава дека Манчестер Сити планира да ги забрза преговорите во наредните недели бидејќи Гибс-Вајт е меѓу нивните приоритети.
Проблем може да биде високата отштета што Нотингем Форест ја бара за својот играч. Според „ТалкСпорт“, Форест бара 100 милиони фунти или околу 117,5 милиони евра. Иако е познато дека Манчестер Сити има големи финансиски средства, сумата може да биде бариера дури и за нив.
Останува да се види дали Нотингем Форест ќе биде подготвен да ја намали цената, бидејќи се вели дека Гибс-Вајт има голема желба да се приклучи на тимот на Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi
Спорт
Заврши љубовта меѓу ПСЖ и голманот Донарума

Дефинитивно пукна љубовта меѓу Џанлуиџи Донарума и Пари Сен Жермен. Еден од најзаслужните за освојувањето на титулата во Лигата на шампионите ќе го напушти „Паркот на принцовите“.
Актуелниот европски шампион одлучи да го отстрани италијански голман од списокот на првиот тим, бидејќи не сака да го продолжи договорот.
Донарума, кој дојде во Париз во 2021 година, побара поголема плата, но сопствениците на клубот не ги прифатија неговите услови.
Бидејќи неговиот договор истекува на крајот од следната сезона, Пари Сен Жермен сака веднаш да го продаде, за да не си замине без обештетување како што тоа е случи минатото лето со Килијан Мбапе.
Челзи, Манчестер сити, Манчестер јунајтед, Галатасарај и неколку тимови од Саудиска Арабија се заинтересирани за услугите на Италијанецот.
Инаку, на местото на Донарума, во ПСЖ ќе дојде голманот на Лил Лука Шевалие. За овој трансфер „свеците“ ќе издвојат 40 милиони евра.
Foto/ EPA/FILIP SINGER
Спорт
Винисиус ја одби понудата на Реал за нов договор

Шпанскиот „Кадена СЕР“ објави дека Винисиус Жуниор ја одбил последната понуда на Реал Мадрид за продолжување на договорот.
Според овој извор, менџерскиот тим на фудбалерот, понудата ја оцениле како неприфатлива. Бразилецот бара плата која ќе биде речиси иста како платата на Килијан Мбапе и игра на „сè или ништо“ оваа сезона за да оправда зголемување на платата.
За потсетување, драмата помеѓу Винисиус и Реал трае веќе некое време. Тој е лут на клубот од крајот на минатата година, кога не ја освои „Златната топка“. Винисиус смета дека клубот не му помогнал доволно.
Сега бара плата како Мбапе, но Реал не му ја дава.
Во меѓувреме „кралскиот клуб“, наводно ја одбил понудата од 200 милиони евра од неименуван клуб од Саудиска Арабија.
Foto/ EPA/CJ GUNTHER