Спорт
Ромео Бекам стана дел од „Пума“, идол му е Тјери Анри!

Синот на Дејвид Бекам, и фудбалер на Интер Мајами, Ромео Бекам, уште без вистински постигнувања на фудбалскиот терен, доби спонзорски договор од еден од најголемите спортски брендови на светот, „Пума“, и посебна порака од нивната прва ѕвезда, Нејмар.
Бекам, кој игра за резервниот тим на Интер, Форт Лодердејл ФЦ, наполни 19 години во септември, и сега ќе биде дел од рекламната кампања „Фјучр З“ на германската компанија. Ѕвездата на ПСЖ, Нејмар, кој е едно од најпознатите имиња на „Пума“, веднаш му пратил порака на тинејџерот.
Бекам Јуниор призна дека Нејмар му е еден од фудбалските идоли, заедно со Тјери Анри, кој беше ѕвезда на Арсенал и еден од ривалите на неговиот татко.
„Нејмар е фантастичен играч и обожувам да го гледам како игра. Ми прати порака кога ме виде со ‘Пума’ и тоа ме усреќи. Но, еден од моите омилени фудбалери секогаш бил Тјери Анри, кој постигнуваше неверојатни голови. Да можам да имам квалитети на двајца фудбалери на планетата тоа би биле Тјери и секако, мојот татко“, изјави Бекам Јуниор.
За Ромео Бекам постојат „посебни“ инструкции, критичарите велат игра како мајка му!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(ВИДЕО) ПСЖ со пораз дома се збогува од Меси, Рамос, Галтие…

Пари Сен Жермен е шампион на Франција, но пораз дома (2:3) од Клермон се прости од своите ѕвезди Лионел Меси и Серхио Рамос кои го напуштаат клубот. Ова веројатно беше последен меч и за Кристоф Галтие на клупата на „светците“.
Серхио Рамос се збогува со гол и го отвори резултатот во 16.минута, а пет минути подоцна Килијан Мбапе погоди од пенал и голот му го посвети на Серхио Рико, кој се бори за живот откако имаше несреќа и падна јавајќи со коњ.
Сепак, Клермон израмни до полувремето. Гастиен намали во 24.минута, а откако Кеи не реализира пенал, израмнувањето го донесе Зефане.
Токму Греџон Кеи беше стрелец на победничкиот гол за Клермон во 63.минута.
Ленс го победи Оксер на гости со 1:3 и во конечниот поредок има само бод помалку од ПСЖ на втората позиција на табелата. За Оксер овој пораз значеше и испаѓање од елитата, откако Нант славеше дома против Анже со 1:0.
Монако загуби дома од Тулуз со 1:2.
Спорт
(ВИДЕО) Лацио заврши на втората позиција во Серија А по триумфот над Емполи

Лацио славеше на гостувањето кај Емполи со 0:2 и победнички го заокружи шампионатот во Серија А. На крајот ќе го освои второто место со 74 бода, два повеќе од Интер.
Алесио Ромањоли во 48.минута го отвори резултатот, а триумфот го потврди Луис Алберто во судиското продолжение од мечот.
Кремонезе ја победи Салернитана со 2:0, но од следната сезона ќе настапува во Серија Б.
Спорт
Одбојкарите го добија инфаркт-мечот против Хрватска

Машката одбојкарска репрезентација на Македонија во драматичен меч успеа да слави со 3:2 во сетови против Хрватска и ја оствари втората победа во Златната Европска лига. Избраниците на Јошко Миленкоски ги добија првите два сета, но потоа дозволија Хрватска да се врати и да израмни, па дуелот се решаваше во петти сет.
Беше неверојатно неизвесно, а Македонија на крајот ја доби драмата со 16:14 на поени во решавачкиот сегмент.
Нашите одбојкари тргнаа фуриозно, го добија првиот сет со 25:17, а во вториот им дозволија 22 поени а Хрватите. Но, потоа ривалот го подигна нивото на играта, возврати со 25:22 во третиот сет, а го доби и драматичниот четврти сет со 31:29. Сепак, на крајот славеше Македонија.