Спорт
Роналдињо пак може да заглави во затвор – не плаќал на поранешната девојка!

Легендарниот бразилски поранешен фудбалер, Роналдињо може повторно да заглави во затвор, откако не плаќал пари на својата поранешна девојка, твдат бразилските медиуми, кои додаваат дека тој мора да го „среди“ долгот со Присила Коељо до 1 декември за да избегне одземање на негов имот и затворска казна.
Адвокатот на Коељо потврди дека „дојде време да се плати“, посочувајќи дека бразилскиот суд утврдил дека тој треба да и плаќа околу 15.000 евра месечно според законот кој утврдил дека таа му е „сопруга од обичајно право“.
Се верува дека Роналдињо во моментов живее во Дубаи и судот во Бразил не може да контактира со него. Во мај 2018 година година, Роналдињо мораше да демантира дека се оженил со две жени – Присила и Беатриз Соуса во исто време, иако самиот тоа го призна во интервју за бразилски весник. Година дена подоцна, Присила, која почнала врска со Роналдињо кога тој играше во Атлетико Минеиро побара алиментација.
Ова не е прв проблем со законот за поранешниот фудбалер на Барселона и Милан – тој помина шест месеци во затвор и во домашен притвор во Парагвај откако заедно со својот брат, Роберто де Асис Мореира влегоа во оваа земја со лажни пасоши. На крајот, двајцата браќа беа ослободени со казна од 200.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Нов кикс на Баерн, не успеа да победи во Берлин

Фудбалерите на Баерн Минхен ремизираа 1:1 со Унион во Берлин во 26. коло од Бундес лигата.
Баерн имаше предност, но тимот од Берлин успеа да израмни и да дојде до бод во последните минути од натпреварот.
Првото полувреме помина без голови. Баерн имаше шанса во втората минута од судиското надополнување да поведе, но голманот на Унион успеа одбрани.
Баерн продолжи со офанзивата и ја презеде контролата во второто полувреме. Хари Кејн и Џамал Мусиала се обидоа, но без успех.
Сепак, Баерн поведе во 75. минута откако Лерој Сане погоди од додавање на Јосип Станишиќ.
На крајот Унион успеа да дојде до бод, бидејќи Бенедикт Холербах погоди за 1:1 во 84. минута од натпреварот.
Бундес лига, 26 коло:
петок:
Сент Паули – Хофенхајм 1:0 (0:0)
/Вајшаупт 51/
сабота:
Вердер Бремен – Борусија М. 2:4 (2:2)
/Шмид 39, Силва 45+1п – Плеа 7п, 28, 47, Клајндиенст 81/
Аугсбург – Волфсбург 1:0 (0:0)
/Тек 53/
Мајнц – Фрајбург 2:2 (1:0)
/Буркард 34, Ханхе-Олсен 74 – Грегорич 58, Кублер 79/
Унион Берлин – Баерн 1:1 (0:0)
/Холербах 84 – Сане 75/
Спорт
Силекс победи во Струмица, кикс на Работнички во Охрид

Силекс ја оправда фаворитската улога против АП Брера и со победата во Струмица ја намали предноста на лидерот Шкендија на два бода. За разлика од Силекс, Работнички и Гостивар кикснаа против екипите од долниот дел на табелата.
Силекс со два гола во последните20 минути ја победи Брера со 2:0. Марко Ѓорѓиевски во 69.минута го отвори резултатот, а победата на екипата од Кратово ја потврди Алиќ во 80.минута.
Работнички во Охрид, кај Воска спорт имаше предност од 14.минута со голот на Гандо. И кога се очекуваше крај на натпреварот, Осеи во 94.минута ги шокира „романтичарите“.
Тиквеш го победи Гостивар во Кавадарци со 2:, со головите на Берат Садик во 15.минута од пенал и Александар Варселовски зголеми на 2:0 во 58.минута од дуелот.
Пелистер, со играч помалку, го изненади Шкупи на Чаир и славеше со 0-1. Стрелец на победничкиот гол беше Александар Ристевски во 74.минута.
Беса оствари триумф над актуелниот првак Струга со 3:2. Стружани поведоа со голот на Папе Јаре Фал во 11.минута, а потоа си дозволи три гола во својата мрежа. Стрелци за Беса беа Шефит Шефити, Меџит Незири и Ремзифаик Селмани. Во финишот, Струга постигна и втор погодок преку Христијан Малески.
Резултати, 24.коло:
АП Брера – Силекс 0:2
Беса – Струга 3:2
Шкупи – Пелистер 0:1
Воска спорт – Работнички 1.1
Тиквеш – Гостивар 2:1
Табела:
Спорт
Марк Маркез со рекорд до пол-позицијата во Аргентина

Возачот на Дукати, Марк Маркез, ја освои пол-позицијата пред ГН на Аргентина, втората трка од овогодинешниот шампионат во Мото ГП.
Осумкратниот светски првак уште од почетокот на акцијата ги поместуваше границите на патеката „Термас де Рио Ондо“, а на пат до втората пол-позиција сезонава, постави нов рекорд, 1:36.917 минути.
Исто како и пред две недели во Тајланд, најблиску до него беше неговиот помлад брат, Алекс, возач на Гресини Дукати, кој заостануваше 246 илјадитинки. На браќата Маркез во првиот стартен ред им се приклучи сензационалниот Жоан Зарко на ЛЦР Хонда.
Вториот стартен ред го заврши Фабио ди Џанантонио од тимот БР46, следен од Фабио Квартаро на Јамаха и тимскиот колега Франко Морбидели. Меѓу првите десет се најдоа Марко Бецеки од Априлија и фабричкиот возач на Хонда Жоан Мир.
Спринт трката во Аргентина е закажана за 19 часот, додека Големата награда е закажана за во недела во истиот термин.