Менаџерот на Манчестер сити, Пеп Гвардиола, изјави дека неговиот тим е посебен и тоа ќе го покаже во вторник навечер од Лигата на шампионите против Реал Мадрид. Сити и Реал, во Манчестер ќе го одиграат првиот од двата бараж натпревари за пласман во осминафиналето.

По години на доминација во англискиот фудбал, на Гвардиола не му е лесно оваа сезона, бидејќи бележат лоши резултати во Премиер лигата, а во Лигата на шампионте нокаут фаза изборија во последното коло.

„Одигравме осум натпревари во последните пет години против Реал Мадрид, со различен повеќе или помалку успех, но мене не ми е нормално да играме против нив толку често. Стануваме модерен класик на Лигата на шампионите. Не се снајдовме добро во лигата и заслужуваме да играме во плеј-офот“, изјави Гвардиола.

Предноста на Сити може да биде тоа што голем број играчи на Реал се повредени. Милито, Алаба, Ридигер и Луис Васкез нема да настапат.

„Реал некако успеа подобро да ги апсорбира повредите од нас, тие се лидери во Ла Лига, додека ние немавме константност. Примивме многу голови. Бевме нестабилни во претходниот период и тоа не чинеше, но полека се враќаме во нашиот ритам. Морам да бидам оптимист“.

Гвардиола смета дека за неговиот тим би било од големо значење доколку успеат да го елиминираат кралскиот клуб.

„Не е важно што реваншот е во Мадрид, нашиот тим има нешто посебно и се надевам дека ќе можеме да го покажеме то. Знаеме што ни носи победата и што ни носи нерешениот резултат. Но, денес во фудбалот не е многу важно дали си фаворит на хартија или не“, изјави Гвардиола.

Денвер Нагетс во понеделникот вечерта го совладаа Портланд Трејл Блејзерс со 146:117. Нагетс ја забележаа седмата последователна победа и ова е нивната најдолга победника низа од почетокот на сезоната.

Никола Јокиќ одигра неверојатно добро и за 31 минута на теренот запиша 40 поени, 7 скока, 8 асистенции, 3 украдени топки, 1 блокада и 5 загубени топки.

Го следеше Кристијан Браун со 26 поени, 6 скока и 2 асистенции, додека Џулијан Стротер имаше 18, а Џамал Мареј 17 поени со 8 асистенции.

Во редовите на Портланд најефикасен беше Далано Бентон со 22 поени, скок и 6 асистенции, додека Донован Клинген имаше поен помалку, како и 7 скока, Анферни Симонс мечот го заврши со 17 поени, а Дени Авдија со 16 поени и 6 скока.

Далас по едно продолжение загуби од Сакраменто 128:129. Натпреварот го реши ветеранот Демар Дерозан на две секунди до крајот. Дерозан го одигра најдобриот меч во последно време, постигна 42 поени.

Кајри Ирвинг се истакна кај Далас со 30 поени, девет скока и седум асистенции.

Дел од навивачите во арената го скандираа името на Лука, па некои од нив беа „замолени“ да си заминат.

Стеф Кари ги предводеше Вориорс до победата во Милвоки 112:125. Најдобриот шутер во историјата на лигата постигна 38 поени. Џими Батлер придонесе со 20 поени, девет скока и шест асистенции во триумфот на гостите, Џими ги доби своите први два натпревари како играч на Вориорс.

Милвоки и на овој натпревар беа без Јанис Адетокумбо. Најефикасен кај Бакс беше Демијан Лилард со 38 поени, Кајл Кузма уфрли 21.

Оклахома рутински славеше над Њу Орлеанс Пеликанс (137:101). Тандер погодија 27 тројки, што е рекорд на франшизата, а 11 играчи Тандер погодија тројки против Пеликанс.

Шеј Гилџес-Александер уфрли 31 поен, Вигинс 24, ова е шеста победа во низа.

Тандер водат во поредокот со 43-9, додека Њу Орлеанс е најлошиот тим на Западот со само 12 победи.

Резултати:

Кливленд – Минесота 128:107
Орландо – Атланта 106:112
Вашингтон – Сан Антонио 121:131
Мајами – Бостон 85:103
Бруклин – Шарлот 97:89
Милвоки – Голден Стејт 111:125
Оклахома – Њу Орлеанс 137:101
Далас – Сакраменто 128:129
Денвер – Портланд 146:117
ЛА Лејкерс – Јута 132:113

Лука Дончиќ го забележа својот прв настап за ЛА Лејкерс во победата на неговиот тим над Јута Џез од 132:113. Инаку, секој навивач на Лејкерс во салата доби маица со неговото име и број, а пред почетокот на разгласот ечеше хитот на српската фолк пејачка, Ана Бекута „Имам џедан живот“.

LADE EXCLUSIVE: It looks like the Lakers are giving away Luka shirts to everyone in attendance tonight 👀 pic.twitter.com/C5KDtRy079

— Lakers All Day Everyday (@LADEig) February 10, 2025

Словенечкиот кошаркар и НБА суперѕвезда дебитираше за Лејкерс откако на почетокот на месецот беше трејдуван од Далас Маверикс.

Ова беше огромен шок за кошаркарската јавност, но се чини дека Лејкерси долгорочно ќе бидат многу позадоволни од овој трејд.

Лука направи и увертира, донираше 500.000 долари за помош на погодените од пожарите во Лос Анџелес, со потпис „вашиот нов сосед“.

Luka Dončić gets his first introduction as a Laker 🤩

UTA-LAL on ESPN! pic.twitter.com/4Wtpq7YZ9K

— NBA (@NBA) February 11, 2025

Дончиќ не одигра добро на првиот натпревар, но тоа беше доволно за убедлив триумф на неговиот тим. Словенецот за 23 минути на теренот постигна 14 поени (5/14 од поле) и имаше пет скока и четири асистенции.

Леброн Џејмс со 24 поени, седум скока и осум асистенции ги предводеше Лејкерси, додека Остон Ривс и Руи Хачимиуа искомбинираа 43 поени. Лејкерси се четврти на Западот.