Спорт
Роналдо доби нова контроверзна статуа, овој пат во Индија

Новата статуа на Кристијано Роналдо во Гоа, на западниот брег на Индија, која треба да ги инспирира младите да го следат неговиот пример, предизвика контроверзи кај некoи од локалните жители, кои сметаат дека е потребно да се следат домашните херои, а не од колонизаторите од Португалија.
Локалните власти во градот Калангуте во провинцијата Гоа велат дека се гордеат што Кристијано Роналдо доби статуа во Индија.
„Ова е само потег за инспирација на нашата младина. Ако сакате да го кренете фудбалот на највисоко ниво, нема подобар пример. Затоа младите момци и девојки прават селфи со статуата“, вели министерот за Гоа, Михаел Лобо.
Но, дел од јавоста смета дека не треба да му се оддава почит на Португалец бидејќи Гоа беше португалска колонија до 1961 година.
„Имаме и фудбалери од Калангуте, како Бруно Кутињо и Јоланда Д’Соуза, кои играа фудбал за индиската репрезентација. Зошто да немаме нивни статуи? Зошто да се постави Португалец?“, вели претседателот на собранието на Калангуте, Премананд Дивкар.
Ова не е првпат статуа на Роналдо да предизвика интерес и контроверзи. Во 2017 година беше поставена славната искривена статуа на неговиот остров Мадеира, која стана предмет на потсмев на интернет и подоцна беше заменета.
For the love of football and at the request of our youth we put up Cristiano Ronaldo’s statue in the park to inspire our youngsters to take football to greater heights. It was an honour to inaugurate the beautification of open space, landscaping, garden with foundation & walkway. pic.twitter.com/VU5uvlSlMT
— Michael Lobo (@MichaelLobo76) December 28, 2021
Velingkar is a Messi Fan! ✌️ #RonaldoStatue ? pic.twitter.com/XuLS7Oeprd
— देवन परब ?? (@Devanparab) December 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шампионот ќе биде домаќин и ќе го игра првиот меч во Лигата на шампионите

Европската фудбалска асоцијација (УЕФА) објави дека од сезоната 2027/28 ќе воведе дополнителна новина во календарот на Лигата на шампионите. Сезоната ќе започне со домашен натпревар на бранителот на титулата во посебен термин.
Средбата шампуионот ќе се игра во вторник, додека сите други натпревари од 1. коло ќе се играат во среда и четврток.
УЕФА сака на овој начин да му даде посебено медиумско внимание, како што е случајот во американската професионална лига на американски фудбал, НФЛ, која со години започнува со домашен натпревар на бранителите на титулата во четврток, односно три дена пред да се играат другите натпревари од 1. коло.
Во позадина на оваа одлука е можноста за дополнителни приходи од продажбата на телевизиските права за следниот тригодишен период, кој ќе започне токму со сезоната 2027/28, кога дел од натпреварите би можеле да се префрлат на канали како DAZN, Netflix или Disney.
Спорт
Гаскоњ: Испив девет чаши бренди и бев прогласен за играч на натпреварот

Веројатно најталентираниот фудбалер во историјата на англискиот фудбал, Пол Гаскоњ, се потсети на неколку моменти од својата кариера во ТВ-шоуто „Добро утро Британијо“.
Животот на Пол Гаскоњ беше обележан со неверојатен дар за фудбал, но и со ексцеси во неговиот приватен живот, од кои некои оставија големи последици за него. Неодамна, тој објави автобиографија наречена „Осум“. Во ТВ-шоуто „Добро утро Британијо“, Газа се потсети на неколку моменти од својата кариера, како и на некои надвор од теренот.
Една од епизодите се случи за време на финалето на Шкотскиот Лига Куп. Глазгов Ренџерс играше против Хартс, а тогашниот менаџер на „Полицајците“, Волтер Смит, најде начин да го разбуди Пол.
„На полувремето ме праша дали сум пиел пред натпреварот, јас реков не, на што тој одговори: „Оди да се напиеш неколку пијалоци“. Испив девет чаши бренди, се вратив на теренот, постигнав два гола и бев прогласен за играч на натпреварот“, рече Гаскоњ.
Колку и да беше гениј на теренот, толку беше самодеструктивен надвор од него, понекогаш штетен дури и за оние што му беа најблиски.
„Со години се дистанцирав од семејството, тишината ме обземаше. Кога татко ми одлучи да ме смести во психијатриска установа, сфатив колку е сериозна ситуацијата. Поминав 11 дена во таа установа и тоа ми го спаси животот.“
Можеби најтешкиот дел од приказната е оној за неговиот помлад брат. За Пол, тоа беше најголемата траума.
„Самиот си ја презедов обврската да се грижам за него. Но, во момент на невнимание, тој истрча пред мене. Го удри автомобил. Мислев дека сè уште дише. Ми почина во раце.“
Неговите проблеми со алкохолот му предизвикаа многу проблеми, до тој степен што го уништија на секој можен начин.
„Можев да поминам месеци без да предизвикувам проблеми, а потоа пиев два дена и последиците ќе се почувствуваа. Се чувствував мизерно. Морав да одам на состанок на Анонимните алкохоличари. Дури кога отидов кај нив сфатив дека сум алкохоличар. Ја напишав книгата „Осум“ за да им помогнам на другите. Нема никаква врска со фудбалот“.
Друга интересна ситуација се случи во летото 1988 година. Гаскоњ тогаш се пресели од Њукасл во Тотенхем. Сер Алекс Фергусон сакаше да го доведе во Манчестер Јунајтед, Газа му ветил, но не го одржал ветувањето. Клучна улога одиграл тогашниот претседател на Тотенхем, Ирвинг Сколар.
„Татко ми сакаше 120.000 фунти и БМВ, сестра ми сакаше лежалка пред куќата. Сколар прифати сè и договорот беше склучен. Кога го видов Фергусон години подоцна, разговаравме и тој ми рече: „Како, по ѓаволите, се осмели да ме одбиеш. Ја направи најголемата грешка во животот“, се присети Гаскоњ.
Спорт
Казорла: Немам врска со отказот што го доби Пауновиќ

Легендарниот шпански фудбалер Санти Казорла беше принуден да ги негира написите дека влијаел врз отпуштањето на Вељко Пауновиќ.
Казорла одговори по обвинувањата на социјалните мрежи, каде што откри дека веста за отпуштањето на Пауновиќ е шокантна за него.
„Јас сум професионалец 22 години, а можете да ги прашате сите претседатели, спортски директори и тренери со кои сум соработувал. Никогаш немав никаква врска со одлуките на клубот за отпуштање на тренер“, рече Казорла на прес-конференцијата.
„Не можам да дозволам мојот имиџ да биде нарушен, бидејќи секогаш се обидував да придонесам на секој начин.“
Потоа ја искористи можноста да му се заблагодари на српскиот тренер за сè што направи за Овиедо.
„Би сакал да му се заблагодарам на Пауновиќ за неговата работа. Имаме одличен однос и вчера разговарав лично со него. Сакам да му се заблагодарам нему и на неговиот стручен штаб за сè што постигнавме. Тие засекогаш станаа дел од историјата на овој клуб“, нагласи Казорла.
Пауновиќ минатата сезона, по пауза од 24 години го врати Овиедо во елитниот ранг на шпанскиот фудбал. Доби отказ откако забележа две победи во првиоте осум рунди во новата сезона.
Фото/ Принтскрин