Македонскиот фудбалски дрес што го содржи државниот симбол – сонцето, е најубав во конкуренција на 24-те учесници на ЕУРО2020, според изборот на американската телевизиска мрежа ЕСПН.

„Ми се допаѓа што нивното знаме е толку директно претставено на нивните дресови. Нивното знаме е импресивно“, рече еден од уредниците на „ЕСПН“.

Голманот на Милан, Џиџи Донарума, дефинитивно ќе го напушти клубот. Голманот на италијанската репрезентација кариерата ќе ја продолжи во ПСЖ.

Новинарот Фабрицио Романо, објави дека Донарума, по вториот меч на Италија против Швајцарија, во среда ќе треба да ги заврши сите формалности околу трансферот.

Донарума ќе потпише петгодишен договор.

22-годишниот голман од дебито за Милан бранел на 251 натпревар.

Чешката тенисерка Барбора Крејчикова е новата шампионка на Отвореното тениско првенство на Франција – глен слем турнирот Ролан Гарос. Таа денеска го направи најголемиот успех во кариерата откако со 2-1 ја совлада руската тенисерка Анастасија Пављученкова, или по сетови 6-1 2-6 и 6-4.

Крејчикова не беше меѓу носителките на овој турнир, моментно е 33. на ВТА листата.

Таа одигра одлично во првиот сет.

Русинката возврати во вториот сет, па победникот мораше да се одлучува во трет сет.

Тука чешката тенисерка беше посвежа, имаше повеќе концентрација и со 6-4 стигна до драгоцениот пехар.

Куриозитет е што ова за неа е само втор трофеј во професионалната кариера откако првиот пехар го освои на ВТА 250 турнир во Стразбур минатиот месец.

A run to remember! 🏆

Barbora Krejcikova is the Roland Garros women's singles champion. pic.twitter.com/PcMK1GEugZ

— US Open Tennis (@usopen) June 12, 2021