Спектакуларен натпревар, во 29.коло одиграа на „Амекс“ во Брајтон, домашниот тим и Брентфорд. Гостите од Лондон три пати водеа, Брајтон три пати успеаше да израмни. На крајот резултатот беше 3:3. Победа попладнево забележа и лидерот Арсенал.

Брајтон и Брентфорд одиграа еден од најдобрите натпревари од почетокот на сезоната во Премиер лигата.

Брентфорд водеше двапати во првото полувреме, со головите на Јансон и Тони, но домаќинот се враќаше во мечот, прво преку Митома, а потоа и преку Велбек. Особено атрактивен беше голот на Јапонецот Митома, откако му аситираше голманот Стил, а тој потоа успеа да го лобува најдобриот играч на натпреварот Давид раја.

Брентфорд поведе и по трет пат, овој пат преку Пинок во 49. минута. До крајот на мечот Брајтон изврши сичен притисок, домаќинот изведе 14 корнери, а упорноста ја наплати во 90.минута со голот од пенал на Мекалистер.

Арсенал славеше над Лидс со 4:1. Серијата ја отвори Жесус од пенал. За Бразиелцот ова беше прв гол уште од октомври минатата година кога се повреди. На 2:0 зголеми Вајт, а потоа Жесус го постигна својот втор гол. Кристенсен намали во 76.минута, а конечниот резултат го постави Џака во 84.минута.

Арсенал со натпревар повеќе има плус од осум бода во однос на Манчестер сити.

Без победник заврши натпреварот Нотингем Форест-Вулверхемптон (1:1), додека идентични победи од 2:1 забележаа Борнмут над Фулам и Крситал Палас против Лестер.

Мајнц го направи најголемото изненадување попладнево во Бундес лигата. Во 26.коло, Мајнц победи во Лајпциг со 3:0. Баер Леверкузен убедливо победи на гостувањето кај Шалке, Херта освои важен бод на гостувањето во Фрајбург, а Волвфбург во 96.минута се спаси од пораз против Аугсбург.

Лајпциг полека губи чекор во борбата за место во Лигата на шампионите. Тимот предводен од Марко Розе од клупата беше изненадувачки поразен од Мајнц на домашен терен – 0:3.

Гостите поведоа веќе во деветтата минута, прецизен беше Ингвартсен. Мајнц не застана тука, гостите одиграа уште подобро и преку Ажорк во 57. и Кор десет минути подоцна го потврдија триумфот доближувајќи ги до седмото место и пласманот во Европа.

Киксот Лајпциг го искористи Унион Берлин кој славеше убедлив триумф против Штутгарт – 3:0 на домашен терен. Швабите дадоа отпор во првото полувреме, но во вториот дел веќе немаа сили.

Унион Берлин поведоа преку Бекер во 51. минута, Беренс го удвои водството во 65. минута, а три минути подоцна автогол си постигна Харагучи. Унион сега има шест бода повеќе од петтопласираниот Лајпциг.

Шанса да се одлепи од тимот на Марко Розе имаше и Фрајбург, но на домашен терен одигра само нерешено против Херта – 1:1. Домашните поведоа преку Гриф во 52. минута, но беа шокирани со голот на Нганкам во 77. минута.

Волфсбург пред своите гледачи избегна пораз од Аугсбург – 2:2. Трагичар беше Арнолд, кој најпрвин си постигна автогол во втората минута, а потоа промаши пенал во 21. минута.

Казната стигна многу брзо, Бериша ја удвои предноста на гостите. До крајот на мечот Волфсбург успеа да го намали резултатот преку Валдшмит кој беше прецизен во 83. минута, а во шестата минута од судиското надополнување израмни Нмеча.

Леверкузен се прошета низ Гелзенкирхен, славејќи со убедливи 3:0. Баер ги постигна сите три гола во преостанатиот дел од натпреварот, Фримпонг во 50., Виртц во 61. и Азмун во 90+2. минута.

Макс Ферстапен ќе стартува прв на трката за ГН на Австралија, која се вози во Мелбурн во недела во 7 часот по средно-европско време. По завршувањето на квалификациите, Ферстапен јавно го искажа незадоволството од предлозите кои доаѓаат од челниците на Формула 1.

Стефано Доменикали, предводникот на најбрзиот караван, зборуваше пред австралиското ГП за тоа како би сакал да го зголеми бројот на натпреварувачки делници секој викенд со откажување од слободни тренинзи и зголемување на бројот на „спринт“ трки кои моментално се шест.

Холанѓанецот, актуелниот светски шампион, жестоко го критикуваше ваквиот предлог.

„Се надевам дека нема да има такви промени, бидејќи тогаш нема да бидам тука уште долго. Тоа нема смисла и воопшто не ми се допаѓаат тие идеи. Ако така ни го трупат распоредот, викендите ќе станат преинтензивни, а ние секако веќе носиме огромен товар“, изјави Верстапен и додаде:

„Јасно ми е дека во интерес на Формула 1 е нешто да се случува во текот на викендот, но мислам дека мора да го задржиме форматот според кој само сабота и недела се вози за нешто. Следуваат сезони каде што ќе имаме 24 или 25 трки во календарот, и ако вметнат уште мали трки како оваа, нема да ми биде гајле. Нема да уживам во тоа“.

Првата од шесте спринтерски трки, кои се возат една третина од должината на нормалната трка, ќе се вози на крајот на месецот во Баку. Резултатот од таа трка ќе послужи како квалификации за главната трка. Покрај тоа што сака да го зголеми бројот на спринтерски трки, Формула 1 сака да воведе квалификации за спринт трките кои би се возеле само еден круг.

„Во спринтерските трки целта е чист опстанок и нема смисла да се ризикува со дефект на болидот на таа трка. Повеќе би сакал да го одржувам во одлична состојба за главната трка. Тие спринтерски трки не се во ДНК на Формула 1. Поентата на овој спорт е издржливоста на долгата неделна трка“, заклучи Верстапен.