Спорт
Роналдо има план за бегство од „Олд Трафорд“: Бил на преговори со Баерн Минхен

Кристијано Роналдо одржал нови разговори со германскиот шампион Баерн Минхен бидејќи планира да го напушти Манчестер јунајтед во јануарскиот преоден рок. Во интервју за новинарот Пирс Морган, Португалецот тврди дека се чувствува изневерен бидејќи менаџерот на „црвените ѓаволи“, Ерик Тен Хаг, и управата на клубот се обидуваат да го избркаат од клубот.
Британскиот „Дејли мејл“ тврди дека Роналдо и неговиот агент Жорге Мендеш се сретнале со претставници на Баерн минатата недела откако челниците на германскиот клуб специјално долетале во Англија на разговори.
Мендеш веќе се обиде да го префрли напаѓачот на „Алијанц арената“ и во голем број други европски клубови, вклучувајќи ги и Челси, Спортинг Лисабон и Наполи во текот на летото, во обид да го повлече својот клиент од Манчестер јунајтед. Беше објавено дека агентот дури и разговарал со Њукасл минатиот месец.
Извршниот директор на Баерн, Оливер Кан, во јули изјави дека размислувале за трансфер на Роналдо, но дека тој не се вклопува во клупската филозофија.
Германците исто така не сакаа да ја платат платата на играчот од 500.000 фунти неделно откако му платија на Ливерпул 35 милиони фунти за Садио Мане како замена за Роберт Левандовски. Но, сега можеби условите ќе бидат поинакви.
Ronaldo’s already planned his escape from Man United 🚨 pic.twitter.com/X8j3HXKLC6
— MailOnline Sport (@MailSport) November 14, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ван Дајк херој на Ливерпул, Баерн пресилен за Челзи, ПСЖ рутински со Аталанта

Во одличен натпревар од првото коло на Лигата на шампионите, фудбалерите на Ливерпул го победија Атлетико Мадрид со 3:2 со голот на Вирџил ван Дајт во 92.минута. Во уште едно дерби, Баерн беше подобар од Челзи со 3:1, додека ПСЖ и Интер исто така победија против Аталанта односно Ајакс.
Атлетико минута го делеше од бод на „Енфилд“, иако имаше два гола негатива на од шестата минута. Шампионот на Англија го започна натпреварот фуриозно и со среќниот гол на Робертсон, а потоа и на Салах имаше водство од 2:0.
Дека Атлетико нема да се предеда најави Љоренте во третата минута од надополнувањето на времето во првиот дел. Истиот играч во 83.минута изедначи на 2:2.
До до 92-та минута тимот на Диего Симеоне имаше бод во џеб. Сепак, Ван Дајк, со одлично скона по корнерот на Доминик Собослај и го постави конечниот резултат.
Додека домашните го славеа голот тренерот на Атлетико Диего Симеоне, доби црвен картон поради конфликт со навивачите на Ливерпул.
Преостанатите три натпревари одиграни вечерва не беа толку интересни, особено не оној во кој бранителот на титулата ПСЖ ја победи Аталанта со 4:0.
Мркињос и Кварацхелија во првото полувреме, и Мендес и Рамос во второто полувреме, ја погодија мрежата на тимот од Бергамо.
Баерн покажа класа против Челзи, а два од трите гола во победата од 3:1 ги постигна Хари Кејн. Капитенот на англиската репрезентација беше особено мотивиран против поранешниот градски ривал и со овие два стигна до бројката од десет гола во дуелите со „сините“.
Во 27-та минута, Баварците имаа предност од два гола благодарение на автоголот на Чалоба и голот на Кејн, а Палмер им донесе надеж на гостите кратко откако германскиот гигант го дуплираше водството.
Сепак, резултатот не се промени сè до 63-та минута кога Кејн стави точка на натпреварот на „Алијанц Арена“.
Маркус Тирам се погрижи Интер да забележи рутинска победа во Амстердам. Францускиот напаѓач постигна два гола во рок од пет минути (42-та и 47-та).
Foto/ EPA
Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица