Никола Јокиќ со трипл дабл го предводеше Денвер до триумф во Детроит, двецот Лука Дончиќ-Леброн Џејмс блескаше во победата на ЛА Лејкерс во градското дерби против Клиперси, а Кливленд надополни негатива од 22 поени и забележа победа во Бостон, против Селтикс во дуелот на двата најдобри тима во Источната конференција.

Денвер Нагетс го продолжуваат подемот во Западната конференција и ноќта меѓу петокот и саботата ја постигнаа 39-та победа во шампионатот предводени од Никола Јокиќ. Денвер ја прекина серијата на Детроит од девет последовни победи. Нагетс победија со 134.119.

Никола Јокиќ го заврши мечот со 23 поени, 17 скока и 15 асистенции. За Србинот ова е 28.трипл дабл во сезоната, 158 во кариерата.

Од останатиот дел од тимот се истакна Кристијан Браун со 23 поени, Мајкл Портер Џуниор 28 и Џамал Мареј како најефикасен со 31 поен.

На другата страна Малик Бисли постигна 16 поени, Озар Томпсон додаде 13, Фонтекио и Харис имаа по 12, Канингем 11, а Хардавеј Јуниор 10.

Лејкерси ги совладаа Клиперси (106:102) во дербито на Лос Анџелес.

Двојката Лука Дончиќ и Леброн Џејмс беа најзаслужните за триумфот на Лејкерси кои искомбинираа повеќе од половина од поените на домашните.

Дончиќ беше најефикасен со 31 поен (9/22 од поле, 10/11 од пенали), пет асистенции, два скока, три украдени и шест загубени топки.

Џејмс го следеше со 28 поени (12/21 од поле), 13 скока, три асистенции и четири загубени топки.

Кај Клиперси најдобар беше Ивица Зубац со 27 поени и 16 скока. Кавај Ленард додаде 21 поен, а Џејмс Харден 18, заедно со девет асистенции и седум скока.

Кошаркарите на Кливленд славеа во дербито на Источната конференција против Бостон, 123:116.

Триумфот на Кавалирс добива на значење, бидејќи беше постигнат на гостински терен, во ТД Гарден, и по -22 по првата четвртина.

Селтикси не можеа да ги спасат Џејсон Тејтум и Џејлен Браун кои постигнаа вкупно 83 поени.

Најефикасен беше Џејсон Тејтум со 46 поени, од кои 30 постигна во првото полувреме.

Тој шутираше 19/37 од поле, а имаше и 16 скока, девет асистенции и три блокади.

Браун го следеше со 37 поени (13/24 од поле), пет скока и две асистенции, додека кај гостите тим блескаше беше Донован Мичел со 41 поен (13/26), пет асистенции и три скока.

Дариус Гарланд додаде 20 поени и седум асистенции, а Иван Мобли забележа 17 поени и 12 скока.

НБА, резултати:

Пистонс – Нагетс 119:134
Хокс – Тандер 119:135
Селтикс – Кавалирс 116:123
Нетс – Блејзерс 102:121
Булс – Рапторс 125:115
Гризлис – Никс 113:114
Хит – Пејсерс 125:120
Сонца – Пеликани 125:108
Џез – Тимбервулфс 117:116
Лејкерс – Клиперс 106:102

Шведскиот атлетичар Арманд Дупалнтис 11. пат во кариерата го урна светскиот рекорд во скок со стап.

Дуплантис скокна шест метри и 27 сантиметри во Клермон-Феран, Франција.

Минатата година трипати ја проби границата, последен пат ја постави во Хорзов, Полска, каде прескокна 6,26 метри.

Популарниот Мондо знаеше како да ја прослави победата во Франција, отиде во прегратките на сопругата, додека фановите во салата возбудено го прославија новиот светски рекорд.

Швеѓанецот започна со рекорди во 2020 година во Торун (6,17 метри), двапати ги собори во Белград во 2022 година и оттогаш ги поместува границите неколку пати секоја сезона.

Станува збор за човек кој двапати бил олимписки и светски шампион, три пати европски првак, со бројни победи на во сала и митинзите во Дијамантската лига.

Here is the moment Mondo Duplantis broke the World Record in the Pole Vault with 6.27m in France!!🤯🤯

11 World Records so far in his career!! A LEGEND.pic.twitter.com/WCXfr1qe6I

— Track & Field Gazette (@TrackGazette) February 28, 2025

Фото/ facebook.com/Fcstruga

Актуелниот шампион на Македонија, Фудбалскиот клуб Струга Трим Лум го именуваше Илчо Ѓорѓиоски за нов тренер. На кормилото тој го замени Ќатип Османи кој си поднесе оставка по поразот од Вардар.

Ѓорѓиоски последниот ангажман го имаше пред две години кога ја предводеше Калмата. како тренер работел и во: Брегалница, Вардар и Македонија Ѓорче Петров, а во еден период беше и селектор на репрезентацијата на Македонија до 19 години.

Струга по 29 рунди во домашното првенство се наоѓа на петтото место со 32 поени, 11 помалку од лидерот на табелата Шкендија.

Дебито наа клупата на Струга, Ѓорѓиски ќе го има в недела, против четвртопласираниот тим на табелата Силекс.