Спорт
Роналдо му даде совет на Нејмар да посети психолог
Репрезентацијата на Бразил сѐ уште не може да се помири со поразот од Хрватска на Светското првенство во Катар. Бразилците беа уверени дека ќе играат во финалето в недела, но беа спречени од Хрватите, кои на крајот ќе играат во мечот за третото место.
По елиминацијата Нејмар објави дека се чувствува лошо и дека бил парализиран десет минути по поразот од Хрватска.
Брзо доби поддршка од легендарниот Роналдо Луис Назарио да Лима, кој му испрати порака и совет.
„Би го советувал да побара помош од психолог за да го издржи овој притисок. Тоа е опасно за секој маж. Нејмар ќе се врати со истата страст и желба. Сепак, треба да се грижиме за менталното здравје на нашите играчи “, изјави Роналдо.
Јасно е дека Роналдо сакаше да му даде поддршка на Нејмар, кој плачеше како мало дете по мечот, но можеби тоа не го сфаќа како совет.
„Психички сум уништен. Тоа секако беше поради поразот кој многу ме повреди. Бев парализиран десет минути и веднаш по натпреварот паднав во континуиран плач. Долго ќе боли, за жал. Се боревме до крај. Но, сепак, се гордеам со моите соиграчи, бидејќи не недостасуваше труд и посветеност. Оваа група го заслужи тоа, Бразил го заслужи тоа“, напиша Нејмар ден по натпреварот и додаде.
„Но, тоа не беше Божја волја. Вредеше секоја жртва за да се почувствува сплотеноста на сите на теренот. Благодарност до сите што ја поддржаа репрезентацијата. За жал, тоа не ни донесе трофеј. Ќе боли долго, долго. Ти благодарам за сѐ, Боже мој, дадовме сè, па не можам да се каам. Само ти благодарам што се грижиш за мене“, истакна Нејмар.
По натпреварот, најдобриот бразилски фудбалер во моментов призна дека можеби нема повторно да го облече репрезентативниот дрес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.