Спорт
Роналдо му се потсмеваше на Чави кога замина во Катар
Кристијано Роналдо потпиша за Ал Наср еден месец пред неговиот 38 роденден. Тој потпиша договор на две и пол години, а неговата годишна плата ќе биде околу 200 милиони евра, но во таа сума е вклучен и комерцијалниот дел од договорот, пренесува Фабрицио Романо. Ова е највисоката плата во историјата на фудбалот, па Роналдо за време на договорот ќе заработи половина милијарда евра.
Роналдо беше без клуб повеќе од еден месец откако на 22. ноември спогодбено го раскина договорот со Манчестер јунајтед.
Португалецот, кога никој во Европа не покажа интерес за него, реши да замине по богат договор на Блискиот исток. А во минатото, тој се потсмеваше со фудбалерите кои решија кариерите да го завршта на вакви егзотични дестинации. На некои медиуми се појави изјавата на Роналдо за Чави кога тој играше во Катар.
Имено, Чави на 35 години замина во катарски Ал Сад и таму играше последните четири сезони од кариерата. Роналдо во тоа време играше за Реал и не му се допаднаа некои коментари на Чави. Вака тој реагираше на него: „Зошто би ми било важно што ќе каже Чави? Па, тој игра во Катар, па тој е целосно небитен“.
Throwback to Ronaldo joking about Xavi playing in Qatar. Life comes at you fast 😂 pic.twitter.com/YfsudBXvbs
— 𝑭𝑨𝑫𝑰 ⚡️🇲🇦 (@FCBFadi10) December 30, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Распишана потерница по Слотер – Доколку биде прогласен за виновен, Реал може да го загуби трофејот
Шпанското обвинителство покрена постапка против Маркус Слотер за фалсификување документи, а полицијата распиша потерница по Американецот бидејќи користел лажен пасош.
Реал Мадрид имаше проблем со странците во сезоната 2014/2015, еден беше вишок. Тука беа Факундо Кампацо, Густаво Ајон и Маркус Слотер. Американецот доби пасош на Екваторијална Гвинеја пред почетокот на завршниот турнир во Купот на кралот.
Подоцна било утврдено дека документите се фалсификувани, идентичен пасош имал и Енди Панко од Фуенлабрада.
„RAC1“, пишува дека доколку центарот роден во Калифорнија биде прогласен за виновен му се заканува затворска казна до 16 месеци.
Иако Реал Мадрид не е обвинет во целиот случај, може да сноси последици, бидејќи во составот тимот имал тројца странци. Или, поконкретно, титулата во првенствот и пехарот во Купот од сезоната 2014/2015. Доколку тоа се случи трофеите ќе ги добие Барселона.
Случајот се одолговлекува, но во догледно време се треба да се расчисти и да се донесе правосилна пресуда.
Спорт
Меси, Суарез, Бентеке… во конкуренција за играч на сезоната во МЛС
Американската професионална фудбалска лига (МЛС) ги објави имињата на номинираните фудбалери во изборот за најдобар играч во 2024 година.
На списокот има 34 имиња. Прв фаворит секако е Лионел Меси, членот на Интер Мајами. Славниот Аргентинец оваа година одигра 18 натпревари и постигна 17 гола со 15 асистенции.
Меѓу кандидатите се и други познати играчи, Уругваецот Луис Суарез, Белгиецот Кристијан Бентеке од Ди-си јунајтед.
Че бидат поделени и други награди. Најдобар тренер, дебитант, млад играч, голман. повратник, судија, гол…
Луис Суарез е меѓу кандидатите за најдобар дебитант на сезоната заедно со познатиот француски голман Уго Лорис, кој исто така е номиниран за голман на годината
Гласањето ќе трае до 21 октомври.
Спорт
Балотели се враќа во Серија А
Марио Балотели (34) наскоро би можел повторно да игра во Серија А.
Како што пренесува Фабрицио Романо, Балотели е во контакт со Џенова и како слободен играч би можел веднаш да потпише за овој клуб.
На клупата е славниот Алберто Џилардино кој личено разговарал со Балотели и го повикал веднаш му се приклучи на тимот.
Балотели е без клуб од ова лето, кога му истече договорот со турскиот тим Адан.
Џенова моментално е 18. на табелата со пет бода и ја чека тешка борба за опстанок.
Да потсетиме, Балотели во кариерата настапуваше за неколку италијански клубови – Интер, Милан, Бреша и Монца.