Спорт
Роналдо: Не е важно ако не постигнам 1.000 голови, секако никој не постигнал повеќе од мене

Легендата на португалскиот и светскиот фудбал, Кристијано Роналдо (39) во понеделникот на гала вечерта „Квинас де Оуро“ доби награда од Фудбалскиот сојуз на Португалија. Кристијано одигра 216 натпревари за Португалија и постигна 133 гола. Во двете категории тој е рекордер на светско ниво.
„Смешно е. Кога и се приклучива на репрезентацијата на 18 години, сонував да дебитирам. Потоа размислував за 25-тиот, а потоа и 50-тиот настап. Па си помислив: зошто да не стигнам до 100. Подоцна, мојата цел беше 150, а потоа 200. Тоа е одлично чувство откако играв за толку многу клубови и освоив толку многу трофеи, Лига на шампиони, Златна топка, награди на ФИФА. Кога играш за репрезентацијата ја претставуваш земјата, нејзината култира, го претставуваш семејството, родителите, најдобрите пријатели, разочаран сум од некои играчи кои не сакаат да играат за националниот тим“, рече Роналдо.
Тој испрати порака до навивачите во Португалија: „Слушам како многу луѓе велат дека Португалија е мала земја. Португалија е голема земја, мораме така да размислуваме без разлика на големината на територијата. Инфраструктурата, стадионите , одличните тренери, потенцијалот на играчите Само треба да подобриме некои работи и да мислиме дека еден ден ќе бидеме одлични.
Напаѓачот на Ал Наср моментално има 908 гола во својата професионална кариера и беше запрашан дали може да постигне 1.000: „Да бидам искрен, тоа е моја вина. Јавно кажав дека сакам да постигнам 1.000 гола и сега излезе дека тоа е мојата единствена цел. Сакам да живеам во моментот и да видам како ќе реагираат моите нозе. Ако дојдам до илјадарката добро, ако не, секако никој не постигнал повеќе голови од мене“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реми во „Дерби дела Мадонина“ во полуфиналето на Купот

Фудбалерите на Милан и Интер одиграа нерешено 1:1 во првиот натпревар од полуфиналето на Купот на Италија.
Двата гола беа постигнати во вториот дел, а причина повеќе за задоволство имаат домаќините кои во поголемиот дел од натпреварот беа во подредена позиција.
Милан поведе веднаш штом започна вториот дел. Теми Ејбрахам ја прими топката во шеснаесетникот, се ослободи од играч на Интер и со прецизен удар му донесе предност на својот тим.
Росонерите се обидоа да го сочуваат водството и со минимална предност да го дочекаат реваншот на 23 април, но не успеаја.
Се играше 67. минута кога Хакан Чалханоглу со прецизен и силен удар од околу 20 метри го совлада Мајк Мењон.
Спорт
(Видео) Барселона преку Атлетико до финалето на Купот

Барселона се пласира во финалето на Купот, откако во реваншот во Мадрид го победи Атлетико со 1:0. Првиот меч одигра во Барселона заврши без победник 4:4.
Тимот на Ханси Флик ќе игра во финалето против Реал Мадрид, кој во своето полуфинале беше подобар од Реал Сосиедад.
Ова ќе биде прв пат од 2014 година Барселона и Реал Мадрид да се сретнат во финалето.
Решавачкиот момент на натпреварот се случи во 27. минута кога Феран Торес го постигна единствениот гол.
Финалето е закажано за 26. април на „Картуха“ стадионот во крајот на април во Севилја.
Спорт
(Видео) Лудница во Истанбул – Мурињо го штипна за нос тренерот на Галатасарај

Целосен хаос беше виден по истанбулското дерби меѓу Фенербахче и Галатасарај во Купот на Турција.
Галатасарај победи како гостин (2:1) во четврт-финалето на ова натпреварување, по што имаше голема гужва и тепачка меѓу двата табора.
Најлудиот потег го направи тренерот на Фенербахче, Жозе Мурињо, кој одзади му пријде на колегата Окан Бурук и го штипна за нос.
Стратегот на Галатасарај со гримаса од болка падна на тревата, додека до Мурињо притрча Фернандо Муслера, велејќи му да оди во соблекувалната.
Покрај овој инцидент, по мечот се судрија и играчите на двата тима.
Инаку, Виктор Осимен погоди за Галатасарај во 10. и 27. од пенал, додека единствениот гол за домашниот тим го постигна Себастијан Шимански во втората минута од судиското надополнување на првото полувреме.
— 𝙷𝚊𝚛𝚛𝚒𝚜𝚘𝚗 (@fcbharrison) April 2, 2025