Спорт
Роналдо нема да биде казнет, судијата ја отфрил тужбата на Кетрин Мајорга
Кристијано Роналдо наскоро ќе биде ослободен од сите обвиненија за силување што против него ги поднела американската манекенка Кетрин Мајорга. Судијата задолжен за овој случај дал препорака обвиненијата да бидат отфрлени, бидејќи се темелат на комуникацијата која нелегално била објавена од „Фудбал ликс“, пишува германскиот „Спорт 1“.
„Фудбал ликс“ ја објави комуникацијата помеѓу Роналдо и неговиот адвокат, која е доверлива, поради што на судот не може да се користи како доказ. Адвокатот на Роналдо ги отфрлил обвиненијата и тврди дека Мајорга се согласила на сексуален однос со фудбалерот. Семејството на Мајорга бара обесштетување од 200 милиони долари.
Мајорга го обвини Роналдо дека ја силувал во хотелска соба во Лас Вегас во 2009 година. Една година подоцна, таа од него со вон судска спогодба добила 300.000 долари.
Мајорга во 2018 година со приказната за силување излезе во јавноста и го пријави случајот во полиција.
Првото рочиште го изгубила поради недостиг на докази. Потоа поднела приватна тужба, во која навела дека била „ментално нестабилна поради стресот“, кога прифатила вон судска спогодба.
Во 2009 година, кога Роналдо го договорил трансферот од Манчестер јунајтед во Реал Мадрид, славел во ноќен клуб во Лас Вегас. Во клубот Кетрин Мајорга работела како хостеса.
Роналдо ја почестил со пијалак, а потоа неа и нејзините пријателки ги поканил на дружба во неговиот апартман.
Португалецот никогаш не негирал дека сексуалниот чин се случил, но тврди дека сè се случило со согласност на девојката. Верзијата на Мајорга е поинаква, а била и верзијата на Роналдо во моментот кога пред адвокатот го признал силувањето.
Токму во документите на „Фудбал ликс“, кои пред три години го објави „Шпигл“, се наоѓа признанието на Роналдо дека ја силувал девојката.
„Шпигл“ го објави прашалникот на 27 страници, кој Роналдо го добил од адвокатите, за да дознаат што се случило во Лас Вегас. Врз основ на тој обемен прашалник тие ја подготвиле обраната.
„Таа ми рече ‘не’ и повеќе пати бараше да прекинам. Рече дека не е за секс, бидејќи само што сме се запознале, но ме фати за пенисот. Долго време останав во таа положба. Ми призна дека не сакала да имаме однос, но беше достапна. Исто така забележав неколку модринки на нејзиното тело“, напишал Роналдо.
Оваа изјава адвокатите ја смениле и напишале само „не“.
Едно од прашањата на адвокатите било и дали девојката рекла нешто по сексуалниот однос.
„Ми рече: Идиот, ме натера на ова. Ти си идиот. Јас не сум како останатите. Ѝ реков дека ми е жал“, напишал Роналдо.
„Шпигл“ напиша дека Роналдо на адвокатите им признал дека имал секс со Кетри Мајогра против нејзина волја.
„Шпигл“ тврди дека поседува уште документи и дека пред 12 години адвокатите на Роналдо успеале да ја замолчат Кетри Мајогра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Грција ја декласира Италија, го освои бронзениот медал на ЕП
Грчката ватерполо репрезентација, прв пат во историјата, овои медал на европските првенства.
На шампионатот во Белград, во борбата за третото место, Грција ја победи Италија со 12:5 (5:1, 2:1, 3:2, 2:1) и со тоа го освои бронзениот медал.
Аргиропулос ги предводеше Грците до овој историски бронзен медал со четири гола, додека за Италија Фереро и Кондеми постигнаа по два гола.
Грција феноменално го започна натпреварот за третото место. Ги затвори сите приоди кон својот гол, а под водство на Аргиропулос (два), Гувексис и Какарико, стигна до 4:0.
Се очекуваше реакција на Италија во втората четвртина, но такво нешто не се случи.
Грција одигра совршен натпревар, дојде до 7:1. Во тој момент, единствената дилема беше, со колкава разлика ќе победата Грците.
Инаку, финалето е закажано за 20.30 часот, за златото ќе се борат Србија и Унгарија.
Foto/ EPA
Спорт
(Видео) Историско остварување на Микаела Шифрин
Американската скијачка Микаела Шифрин испиша нова страница во историјата на алпското скијање. Таа во неделата го освои рекордниот деветти кристален глобус во слалом.
Шифрин го постигна ова извонредно достигнување со победата на трката од Светскиот куп во Шпиндлеров Млин, со што уште еднаш ја потврди својата апсолутна доминација во најтехничката дисциплина.
Со овој успех, Шифрин стана првата скијачка во историјата на Светскиот куп, во машка и женска конкуренција, со девет титули во една дисциплина во текот на повеќе од 60 години од натпреварувањето. Претходниот рекорд го држеше Американката Линдзи Вон, која беше најдобра во спуст осум пати.
Шифрин, триумфираше со вкупно време од 1:37,59 минути. Ова беше нејзина седма победа во осум трки во слалом оваа сезона, што дополнително зборува за континуитетот на нејзината форма и исклучителна стабилност.
Во Шпиндлеров Млин ја забелажа 71 победа во слалом, а има рекордни 108 победи во Светскиот куп.
Mikaela Shiffrin has done it! 🙌
She claimed her NINTH Slalom Globe today with this stunning run 💪 pic.twitter.com/YzfWkAdSO8
— TNT Sports (@tntsports) January 25, 2026
Второто место на денешната трка го зазеде Швајцарката Камила Раст, која заостануваше 1,67 секунди, додека третата беше Германката Ема Ајхер со време 2,18 секунди побавно од победничката.
Во генералниот пласман на слалом, Шифрин убедливо води со 780 поени, пред Раст, која има 492, додека третата е Швајцарката Венди Холденер со 358 поени.
Кога станува збор за генералниот пласман на Светскиот куп, Американката е исто така во водство со 1.133 поени, пред Раст (963) и Ајхер (684).
Спорт
(Видео) Шокатнтен пораз на Баерн среде Минхен
Фудбалерите на Баерн Минхен, во 19-то коло, го забележаа првиот пораз сезонава во Бундес лигата. Лукалниот ривал од Баварија, Аугсбург, го шокираше шампионот среде Минхен.
Делуваше дека актуелниот шампион ќе забележи уште една рутинска победа кога поведе со голот на Ито во 23-та минута. Сепак, тотален шок следеше во последната фаза од натпреварот, кога гостите ги постигнаа двата гола.
Артур Чавез за 1:1 (76-та минута) и Маенго во 81-та минута.
Баерн се обиде да израмни на крајот, но Аугсбург успеа да ги одбие сите напади и да освои три важни бода во борбата за опстанок. Најдобрата шанса ја пропушти Олисе, кога ја затресе пречката.
Резултати:
Баер Леверкузен – Вердер Бремен 1:0 (1:0)
/Лукас Васкез 38/
Ајнтрахт Франкфурт – Хофенхајм 1:3 (1:0)
/Калимуендо 18 – Бургер 52, Кабак 60, Аменда 65/
Мајнц – Волфсбург 3:1 (0:1)
/Тиц 68, Бел 74, Амири 84 пен.- Амура 3/
Хајденхајм – РБ Лајпциг 0:3 (0:0)
/Баку 62, Нуса 68, Раум 71/
Foto/ EPA

