Спорт
Роналдо: Никогаш не сум свртел грб на Португалија

Кристијано Роналдо, конечно, се јави по елиминацијата на Португалија во четврт-финалето на СП во Катар по 1:0 поразот од Мароко, велејќи дека никогаш не свртел грб на својата татковина и покрај сите шпекулации кои ги имаше во португалската и светската јавност.
Мундијалот во Катар нема да остане во најдобро сеќавање на CR7, откако тој по конфликтот со селекторот Фернандо Сантош беше пратен на клупата во осминафиналето против Швајцарија, кога Португалија стигна до лесна 6:1 победа, но и против Мароко во четврт-финалето, каде што влезе во игра во второто полувреме, кога веќе губеа со 1:0. Португалските медиуми беа полни со обвинувања дека тој одбивал да тренира, до заканите дека ќе си замине од Мундијалот предвреме, но Роналдо, откако се изнаплака по вчерашната елиминација се јави со емотивен пост на Инстаграм.
„Освојувањето на СП со Португалија беше мојот најголем и најамбициозен сон во кариерата. За жал, по освојување на многу титули на интернационално поле, вклучувајќи ја и Португалија, сонот се урна вчера. Се борев, се борев силно за овој сон. Во пет настапи давав голови на СП во 16 години, секогаш покрај големи играчи и со поддршка на милиони Португалци. Дадов се што имав. Никогаш не бегав од битката и никогаш не се предадов о тој сон. За жал, тој сон заврши и не вреди да се реагира во жештината на моментот. Сакам само да знаете дека многу работи се кажаа, се напишаа, се шпекулираа, но мојата посветеност кон татковината остана иста. Секогаш се борев за заедничката цел и никогаш не го свртев грбот на моите соиграчи и на мојата земја. Нема многу што да се каже сега. Благодарам Португалија, благодарам Катар. Сонот беше убаав додека траеше. Сега, времето ќе биде добар пријател и сите ќе можат да си ги кажат своите заклучоци“, објави Роналдо.
Во моментов Роналдо е без клуб по раскинот на соработката со Манчестер јунајтед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Средба која се чека со години: Ана Ивановиќ и Ѓоковиќ повторно заедно?

Ана Ивановиќ и Новак Ѓоковиќ би можеле повторно да се сретнат за прв пат по долго време.
На турнирот во Женева, најдобриот тенисер на сите времиња, Новак Ѓоковиќ, ќе ги направи последните подготовки за Ролан Гарос, а се очекува да пристигне и некогашната српска тенисерка Ана Ивановиќ во својство на почесна гостинка и поранешна шампионка, пренесуваат српските медиуми.
Нивната средба би можела да се случи во многу деликатен момент за двајцата.
Имено, се повеќе се шпекулира дека Ана поминува низ брачна криза со Бастијан Швајнштајгер и дека развод е на повидок.
Од друга страна, Новак поминува низ чуден период. Од почетокот на годината, тој е далеку од препознатливо ниво, се откажа од мастерсот во Рим без конкретна причина, а се повеќе се шпекулира за крајот на неговата кариера.
Турнирот во Женева е закажан од 17 до 24 мај.
Спорт
Алонсо се збогуваше со Леверкузен: „Разговарав со играчите“
Веќе нема никаква дилема, Чаби Алонсо јавно потврди дека ја напушта клупата на Баер Леверкузен и дека ќе стане нов тренер на Реал Мадрид.
Официјална потврда дојде и од главниот актер.
На прес-конференцијата пред натпреварот од Бундеслигата против Борусија Дортмунд, Алонсо откри пред јавноста дека веќе разговарал со играчите и дека ќе се збогува со клубот во преостанатите два натпревари од сезоната.
„Оваа недела, клубот и јас се согласивме дека ова ќе бидат моите последни два натпревари во Леверкузен. Ова е вистинско време да го објавам тоа бидејќи секогаш имавме добра комуникација. Мораме да уживаме во овој момент со измешани емоции. Разговарав со играчите и персоналот, не беше лесно. Имавме одличен однос и тоа беше клучот. Тие веруваа во мене и ме следеа. Сакам да се збогувам на вистински начин овој викенд“, рече Алонсо.
Алонсо, поранешен шпански репрезентативец, играше за Реал Мадрид од 2009 до 2014 година за време на својата играчка кариера и освои бројни трофеи со Реал, вклучувајќи ја и Лигата на шампионите во 2014 година.
Спорт
Мекалистер прогласен за играч на месецот во Премиер лигата

Мекалистер постигна два гола и имаше една асистенција во пет натпревари од Премиер лигата во април, со што за прв пат ја освои наградата за играч на месецот во Премиер лигата.
Ливерпул забележа четири победи и еден пораз во тој период, а исто така ја обезбеди и титулата откако изгради непобедлива предност пред Арсенал.
Менаџерот на Вулверхемптон Вондерерс, Витор Переира, е прогласен за менаџер на месец април во Премиер лигата.
Переира за прв пат ја освои наградата за најдобар тренер на месецот во Премиер лигата.
Вулверхемптон минатиот месец забележа пет победи од исто толку натпревари и го обезбеди опстанокот во Премиер лигата.