Спорт
Роналдо откако се откажал од 16 милиони фунти од Јунајтед пратил порака: Слободен како птица
Англискиот новинар Пирс Морган открива дека Кристијано Роналдо му пратил порака дека се чувствува „слободен како птица“, откако се договорил со Манчестер јунајтед за раскин на договорот иако тоа го чинеше 16 милиони фунти.
Токму интервјуто на Роналдо со Морган предизвика Манчестер јунајтед да побараат раскин на договорот и му ги наруши односите на Португалецот со навивачите на клубот по бројните критики за соиграчите, за менаџерот Ерик Тен Хаг и за газдите на клубот. Морган открива дека му пратил GIF на Роналдо од филмот „Брејвхарт“ во кој Вилијам Волис вреска „Слобода“, и дека тој му дал едноставено одговор.
„Тој сметаше дека тоа видео е совршен за неговото чувство. Ми одговори: ‘Слободен како птица’“, објаснува Морган.
Морган исто така ги отфрли тврдењата дека Роналдо веќе има договор со саудискиот клуб Ал-Наср за 200 милиони долари годишно, и дека тој очекува клуб со кој ќе игра во Лигата на шампиони.
„Смета дека ако има добро Светско првенство ќе го добие тоа што го посакува – клуб во Лигата на шампионите со кој ќе го зголеми својот рекорд. Не се работи за пари, туку за играње фудбал на највисоко ниво“, објаснува Морган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ѓоковиќ играше тенис на Кинескиот ѕид
Новак Ѓоковиќ одигра рекреативен меч на Кинескиот ѕид. Ѓоковиќ пристигна во Кина каде од следната недела ќе игра на Мастерсот во Шангај.
Локалните медиуми јавуваат дека Ѓоковиќ бил дел од настапот на Кинескиот ѕид како дел од промоцијата на брендот „Лакост“, чиј заштитно лице е. Во текот на денот Ѓоковиќ им се обрати на навивачите во Кина.
Nole playing tennis on the Great Wall of China 😍pic.twitter.com/Ttf9cF44IN
— ᖴᖇᗩᑎI (@frani2312) September 29, 2024
„По пет години сум во Кина, ми недостигавте. Многу, многу ми е жал што не се видовме на аеродром, ме однесоа на спореден излез, но се надевам дека ќе видам многу од вас или во Пекинг или во Шангај. Многу сум возбуден што сум овде во Кина, пред се поради вас кои ми пруживте неверојатна љубов сите овие години“, изјави Ѓоковиќ.
Мастерсот во Шангај ќе се игра од 2 до 13 октомври.
yibo couldn’t stop smiling when novak djokovic said that his match with him is the most unforgettable and he kept praising him 🥹🥹🫶🏻 pic.twitter.com/7nTmSH7NUA
— rach (@ybaizhan) September 29, 2024
Спорт
(Видео) Тотенхем убедлив против Манчестер јунајтед на „Олд Трафорд“
Тотенехем убедливо го победи Манчестер јунајтед со 3:0 во претпоследниот натпревар од шестото коло во Премиер лигата. На „Олд Трафорд“, Тотенхем славеше со головите на Џонсон во првото и Кулушевски и Соланке во второто полувреме. Манчестер јунајтед од 42.минута играше со фудбалер помалку, директен црвен картон поради старт врз Медисон доби капитенот Бруно Фернандеш. Тотенхем по шест кола има десет, а Јунајтед седум бода.
Спорт
Гвардиола во Италија ја најде замената за Родри
Тренерот на Манчестер сити Пеп Гвардиола потврди дека сезоната е завршена за Родри (28). Фантастичниот играч за врска и еден од најдобрите фудбалери во светот ги скина предните вкрстени лигаменти на десното колено на премиерлигашкиот натпревар против Арсенал (2:2) одигран на 22 септември.
„Гардијан“ пишува дека Сити размислува да го доведе Самуеле Ричи (23) од Торино како замена за Родри. Станува збор за Италијанец способен да игра на неколку позиции во средниот ред.
Ричи е меѓу најголемите желби на Сити за зимскиот преоден рок. За да го доведат сопствениците на Манчестер сити ќе треба да платат околу 36 милиони евра, пишува „Гардијан“.