Спорт
Роналдо покажува крајно непочитување кон навивачите на Јунајтед

Манчестер јунајтед вчера повторно ги разочараа своите фанови со 1:1 ремито кај 19-пласираниот Њукасл, но однесувањето на Кристијано Роналдо многу повеќе ги разочара некои од фановите кои отпатуваа далеку да го гледаат.
Веднаш по крајот на мечот, во кој Њукасл заслужи да стигне до трите поени, некои од фудбалерите на Јунајтед ги поздравија 3.000 фанави кои отпатуваа речиси 200 километри на лошо време да ги гледаат своите миленици. Но, не и Кристијано Роналдо.
„Срамота за тие“, напиша новинарот и уредник на фанзинот на Јунајтед, Енди Митен, посочувајќи дека и претходно Роналдо си заминува без поздрав кон навивачите – на гости кај Челси и дома против Евертон.
Дури и неговиот поранешен соиграч Гери Невил се приклучи на критиките.
„Не можеш да избегаш на крајот на мечот. Секогаш го сакам тоа момче, тој е најдобриот што сум видел, но не бегај така. Не го прифаќам тоа“, изјави Невил.
Некои од навивачите го правдаат Роналдо велејќи дека однесувањето произлегува од желбата за победа и за освојување трофеи. Други паметат дека пред неговото емотивно враќање на „Олд Трафорд“ тој беше блиску до договор со лутиот ривал Манчестер сити, а уште понавредливи беа денешните шпекулации дека наводно тој ѝ се нудел на Барселона за трансфер во јануари.
Most of the MUFC players applaud the travelling fans after a draw against a team who’ve won 1 of their 19 games. Shame on those who didn’t. pic.twitter.com/xFX2Y3sYCy
— Andy Mitten (@AndyMitten) December 27, 2021
? “It’s devastating for the younger players if the two best players are looking at the others as if they’re not good enough.” @GNev2 blasts Cristiano Ronaldo and Bruno Fernandes for their whinging and running off the pitch at full-time pic.twitter.com/euSz2kXLg0
— Football Daily (@footballdaily) December 27, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баерн се вклучува во трката за потписот на Нико Вилијамс

Нико Вилијамс долго време е интересен за многу големи клубови низ Европа.
Барселона, минатото лето беше заинтересирана за овој млад фудбалер, кој се премисли во последен момент и реши да остане во Билбао. Наводно Арсенал сериозно е заинтересиран, а сега во трката се вклучил и Баерн.
Според германски „Билд“, шпанскиот фудбалер бил скаутиран од директорите на Баерн, Макс Еберл и Кристоф Фројнд, за време на натпреварот против Франција, во Лигата на нации.
Олеснителна околност за Баерн треба да биде откупната клаузула за Вилијамс, која не е поголема од 60 милиони евра, што за гигант како клубот од Минхен не би требало да биде проблем.
Овој крилен напаѓач одигра 29 натпревари за Атлетик Билабо минатата сезона, постигна пет гола и забележа исто толку асистенции.
Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.