Спорт
Роналдо претставен во Ал-Наср: Освоив сѐ во Европа, сега сакам да го промовирам фудбалот
Еден од најдобрите фудбалери на сите времиња, Кристијано Роналдо и официјално беше промовиран како нов член на Ал-Наср од Ријад.
Тимот од Саудиска Арабија му приреди спектакуларна промоција на која присуствуваа 25.000 гледачи. Пристигнале преку 130.000 барања за билети, но само најбрзите и најсреќните успеале навреме да ги обезбедат.
Роналдо на стадионот пристигна во придружба на претседателот на Ал-Наср, Мусали Ал Муамар.
Клубот ова го нарече „историски настан“.
صفقة تاريخية ذات أبعاد كبيرة
مبروك لـ #النصر ولـ الكرة السعودية #كرستيانو_رونالدو #CristianoRonaldo #HalaRonaldo
pic.twitter.com/3rYZ3Z000K— د. سلطان اللحياني (@sultan0018) January 3, 2023
Роналдо на прес-конференцијата се појави во друштво на претседателот и тренер Руди Гарсија.
„Многу сум горд што сум тука, што донесов голема животна одлука. Мојата работа во Европа е завршена, освоив сѐ, играв за најголемите клубови. Ова е нов предизвик за мене, ти благодарам Ал-Наср што ми даде можност да го промовирам фудбалот кај младите генерации во оваа земја“, изјави Роналдо.
„Кога ја донесов одлуката, моето семејство ме поддржа, особено моите деца. Тие се среќни, овде се чувствуваме добро. Луѓето нѐ сакаат и јас сум горд”, додаде тој.
The press room directs Cristiano Ronaldo’s iconic ‘SIUUUUU’ at him. 🤣🤣 pic.twitter.com/GL2tri4Bdi
— Football Daily (@footballdaily) January 3, 2023
Роналдо откри и кои се неговите амбиции.
„Ова е одлична можност не само во фудбалот, туку и да се промени менталитетот на новите генерации. Имав многу понуди од клубови во Европа, од Бразил, САД, Австралија, Португалија, многумина се обидоа да ме донесат, но јас дадов збор на Ал-Наср.Сакам да го развивам фудбалот во оваа земја. За мене ова е добра шанса, со знаењето и искуството што го имам сакам да помогнам, сите овде да имаат перспектива. Не знам колку луѓето знаат, но Ал-Наср има и женски клуб. Сакам сето тоа да го развијам на уште повисоко ниво“, додаде Кристијано.
Неговата одлука да замине во Саудиска Арабија изненади многумина.
„Фудбалот во последните 10-15 години се промени. Сите се поподготвени. Го видовте тоа на Светското првенство. Има изненадувања, Јужна Кореја, африкански тимови, дури и Костарика. Еволуцијата на фудбалот е поинаква, затоа сакав промена. Не ми е гајле што велат луѓето, тоа е моја одлука, затоа сум среќен што сум овде. Лигата е силна иако немам гледано многу натпревари. Едвај чекам да играм, можам веќе задутре, ако тренерот така одлучи. Сакам повеќе да уживам во фудбалот и да ги радувам луѓето“.
Тој вети и дека ќе собори рекорди во Ал-Наср.
„Јас сум посебен играч, сакам да соборам некои рекорди овде. За мене тоа е нешто сосема нормално”, се насмеа Роналдо.
На крајот остави порака за фановите.
„Едноставно, дојдов да победувам, да уживам, да ја научам културата на оваа земја и да уживам и да играм фудбал со сите во клубот“, изјави Португалецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен победи во Шпанија пред Норис и Хамилтон
Возачот на Ред Бул, Макс Ферстапен победи на Шпанското ГП. Второто место го зазеде Ландо Норис за Мекларен, додека трет заврши асот на Мерцедес Луис Хамилтон.
Стартот на Големата награда на Шпанија беше највозбудиот дел од трката. Трката со брилијантен потег ја отвори возачот на Мерцедес Џорџ Расел – стартуваше од четвртото место, но веќе во првиот свиок се проби на челната позиција.
Сепак, водството на Расел беше краткотрајно, бидејќи Ферстапен го стигна и го престигна на почетокот на третиот круг.
Од тој момент, актуелниот шампион го диктираше темпото и беше во водство, освен кога менуваше гуми.
Норис, влезе во борба со пилотите на Мерцедес, стигна до втрото место, но не успеа да му се доближи на Ферстапен.
Зад најдобрите тројца се пласираа Џорџ Расел од Мерцедес, двоецот на Ферари Шарл Леклер и Карлос Саинц, Оскар Пјастри (Мекларен), Серхио Перез (Ред Бул), а во Топ 10 беа и полотите на Алпин Пјер Гасли и Естебан Окон.
Спорт
УЕФА одлучи: Два меча суспензија за Даку по навредите за Македонците и Србите на Европското првенство
Албанската фудбалска федерација соопшти дека УЕФА му ja изрекла забраната на албанскиот репрезентативец, Мирлинд Даку. Тој доби два меча суспензија откако ги наведе навивачите на националистички скандирања, пренесе „Асошиејтед прес“.
Даку зеде мегафон по ремито 2-2 на Албанија со Хрватска во средата во Хамбург и извика:„Е*и ги Македонците…, е*и ги Србите…“
Албанската федерација, исто така, соопшти дека УЕФА изрекла казни во вкупна вредност од 47.250 евра (50.500 американски долари) за инцидентите на натпреварот, кога албанските и хрватските навивачи извикуваа антисрпски пароли.
Српската фудбалска федерација по инцидентите објави дека ќе го напушти турнирот доколку УЕФА не казнува.
Албанија ќе го игра решавачкиот натпревар од групната фаза во понеделник против Шпанија.
Спорт
Марej се повлече од Вимблдон
Енди Мареј, некогашниот тенисер број еден во светот, сепак нема да игра на Вимблдон.
Тој во саботата мораше да оди на операција на циста и тоа е причината да не биде на третиот Грен слем сезонава.
Мареј играше оваа недела на турнир во Квинс, но мораше да му отстапи меч од второто коло на Џордан Томпсон.
Според првите информации, тој ќе има пауза од шест недели, па под знак прашалник е и неговото учество на Олимписките игри во Париз.
“По операцијата на цистата на ‘рбетот, за жал, Енди Мареј нема да биде на Вимблдон. Заздрави и одмори се Енди, на сите ќе ни недостигаш таму”, изјавија организаторите на турнирот.