Спорт
Роналдо со експлозивно интервју „удри“ по Јунајтед, Рангник, Руни, Тен Хаг: Сакаат да ме избркаат
Кристијано Роналдо, речиси сигурно веќе нема да заигра за Манчестер јунајтед, откако во експлозивно интервју со Пирс Морган влезе во напад на клубот, менаџерот Ерик Тен Хаг и речиси сите поврзани со клубот.
Откако во текот на летото се шпекулираше дека тој побарал да си оди од клубот бидејќи не се појави на мечевите од пред-сезоната, Роналдо оттогаш повеќе помина време на клупата отолку во игра, и во интервју со Морган ги отвори картите пред Светското првенство и паузата во англискиот шампионат.
„Немам респект кон Тен Хаг, бидејќи тој не покажува респект кон мене. Ако не ме респектираш, јас никогаш нема да те респектирам“, вели тој за Тен Хаг, додека за поранешниот менаџер Ралф Рангни додава: „Донесоа човек кој не е ниту тренер, туку е спортски директор. Како ќе бидеш тренер? Немав слушнато за него“.
Откако неодамна Вејн Руни го критикуваше за однесувањето, Роналдо беше брутален кон поранешниот соиграч: „Не знам зошто ме критикува толку. Можеби бидејќи ја заврши кариерата, а јас уште играм на високо ниво. Нема да кажам дека изгледам подобро од него, иако е така“.
Тој призна дека минатото лето ги одбил Манчестер сити поради Сер Алекс Фергусон.
„Го следев срцето. Сер Алекс ми кажа: ‘Невозможно е да одиш во Манчестер сити’ и јас му кажав: ‘Океј, шефе’. Но прогресот во клубот е нула. Од заминувањето на Сер Алекс, нема еволуција. Ништо не е сменето. Дури и готвачите се исти. Сметам дека навивачите треба да ја знаат вистината. Го сакам најдоброто за клубот, затоа дојдов во Манчестер јунајтед. Но, има некои работи кои не ни помагаат да го стигнеме нивото на Сити, Ливерпул, а сега дури и Арсенал. Клуб со ваква димензија треба да биде на врвот и за жал не е така. Не ме сакаа во клубот, не само овој тренер, туку и претходниот и неколку други луѓе“, објасни Роналдо.
"I feel betrayed."
EXCLUSIVE: Cristiano Ronaldo tells Piers Morgan he feels like he's being forced out of Manchester United in an explosive interview.
90 Minutes with Ronaldo. Wednesday and Thursday at 8pm on TalkTV.@cristiano | @piersmorgan | @TalkTV | #PMU pic.twitter.com/nqp4mcXHB0
— Piers Morgan Uncensored (@PiersUncensored) November 13, 2022
"Since Sir Alex Ferguson left I saw no evolution in the club, the progress was zero."
Don't miss Piers Morgan's 90 Minutes with Ronaldo. Wednesday and Thursday at 8pm on TalkTV.@cristiano | @piersmorgan | @TalkTV | #PMU pic.twitter.com/VextyEu7f9
— Piers Morgan Uncensored (@PiersUncensored) November 13, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ливерпул се прошета до 4.коло во ФА купот
Фудбалерите на Ливерпул се пласираа во 4. коло од ФА Купот со победата од 4:0 над Акрингтон Стенли.
Ова беше прва победа на „црвените“ по двата разочарувачки резултати во дуелите со Манчестер јунајтед во Премиер лигата (2:2) и Тотенхем во Лига Купот (0:1).
И покрај тоа што Арне Слот на теренот испрати комбиниран состав, навивачите го добија она по што дојдоа, убедлив триумф на нивните миленици.
Натпреварот засекогаш ќе гопамети Рија Нгумоха, кој со 16 години и 135 дена стана најмладиот стартер во историјата на Ливерпул.
Натпреварот го одбележа уште еден тинејџер, резервистот Џејден Денс (18), кој го замени новиот рекордер Нгумоха во 76. минута и набргу потоа се најде на вистинското место во вистинско време, го заврши нападот и го постигна третиот гол.
Стрелци за Ливерпул, покрај Данс, беа и Диого Жота (29), Трент Александер-Арнолд (45) и Федерико Киеза (90).
Тоа беше првиот гол на поранешниот играч на Јувентус за клубот откако се пресели од Италија, а натпреварот денеска го започна од клупата за резерви, во игра влезе во 46.минута на местото од Собослај.
Спорт
Конте потврди дека Кварацхелија побарал трансфер
Тренерот на Наполи, Антонио Конте потврди дека најдобриот играч на тимот Хвича Кварацхелија побарал трансфер од клубот во јануарскиот преоден рок.
Конте не беше изненаден од ваквиот развој на настаните, но тоа го разочара бидејќи, како што стојат работите, тој ќе го остане без својот најдобар играч во екот на трката за титулата.
„Големо разочарување за мене“, изјави Конте на прес-конференцијата во саботата пред натпреварот со Верона.
Наполитанците се лидери во Серија А со два бода повеќе од Аталанта и според се што е видено досега во Серија А, Италија ќе биде сведок на една од најинтересните трки за титулата видени во последните години.
Менаџерот на Кварацхелија води интензивни преговори со ПСЖ, се претпоставува дека трансферот ќе изнесува 70 милиони евра.
„Зборуваме за важен играч, играч кој требаше да си замине ова лето. Тогаш се уште барав одредени гаранции за замена, бидејќи ми треба квалитет со кој можам да работам. Ми требаше и потврда од одредени играчи, како и од Квича, кој како што знаете, не е единствениот кој побара да биде продаден. Одиме понатаму, но не е лесно да се работи во околности кога треба да ги убедам играчите, кои се важни за тимот. Тој побара да биде продаден, ништо друго не ми кажаа, само тоа. Играчот потоа ми потврди. Лично, јас сум многу разочаран бидејќи поминав шест месеци убедувајќи го Квича дека е во центарот на нашиот проект“.
Спорт
Претседателот на Севилја удри по Реал и Барселона: За нив правилата не важат
Севилја, преку претседателот на клубот се огласи во врска со одлуката на Високиот спортски совет (ЦСД) да и дозволи на барселона да ги регистрира Дани Олмо о Пау Виктор.
Претходно поради проблемите со финансискиот фер-плеј, Ла Лига и Шпанската фудбалска федерација не и дозволија на Барселона да ги регистрира Олмо и Лопез.
Претседателот на Севилја, Хозе Марија дел Нидо Караско не можеше повеќе да молчи и остро го критикуваше каталонскиот клуб, но и Реал Мадрид.
„Реал Мадрид и се поклони на Барселона, што е навистина неверојатно. Тие работат заедно на проект во кој никој во фудбалскиот свет не верува освен нив, а тоа е Супер лигата“, рече Караско и дополни.
„Во оваа земја, ако сте Барселона или Реал Мадрид, за вас важат посебни правила. Ако сте обичен „смртник“ како нас и другите клубови, тогаш правилата важат поинаку. Оваа судска одлука е многу, многу опасна. Мислам дека е неправедна кон другите учесници во лигата, но и кон самите навивачи“, додаде претседателот на Севилја.
Претходно незадоволството од одлуката на ЦСД го изразија Атлетик Билбао, Атлетико Мадрид, Лас Палмас, Валјадолид…