Легендарниот Марко ван Бастен, јавно го критикуваше капитенот на Холандија Вирџил ван Дајк, по ремито со Еквадор (1:1) на Мундијалот во Катар.

Ван Бастен смета дека капитенот не го слдел најдобро движењето на Енер Валенсија, кој на Јужноамериканците им донесе бод во пресметката со Холандија.

„Тој само застана и дозволи Валенсија да шутира. Што гледа и чека? Мора да биде до играчот и да не му дозволи да шутира на голот. Тој не е лидер, не му е гајле за ништо во тимот. Многу врева се крева околу него, но јас не гледам ништо конкретно“, изјави Ван Бастен.

Зборовите на славниот сонародник новинарите му ги пренесоа на Ван Дајк.

„И што да кажам сега? Лесно е да се зборува од студио. Тој никогаш не кажува ништо позитивно. Тој вели дека не сум вистински капитен? Не знам што да кажам. Го водам тимот најдобро што можам“, одговори Ван Дијк.

Холандија по две кола има четири бода, а во последното коло против Катар ќе треба да го потврди пласманот во осмина-финалето.

Швајцарката Лара Гут Бехрами триумфираше во женскиот велеслалом во рамките на Светскиот куп во Килингтон, САД. Триумфот го постигна благодарение на одличното второ возење, бидејќи по првото беше трета. На крајот победи со вкупен резултат 1:44,08.

Гут Бехрами за само седум стотинки беше побрза од второпласираната Италијанка Марта Басино. Третото место на крајот и припадна на најдобрата по првата трка, Швеѓанката Сара Хектор.

Мало изненадување претставува пласманот на лидерката во вкупниот пласман во Светскиот куп, Микаела Шифрин. На домашен терен, Шифрин го освои 13. место , со заостанување од 1,40 секунди од победничката.

На истото место утре на програмата е женскиот слалом.

Селекторот на Србија, Драган Стојковиќ Пикси, се соочува со сериозни проблеми пред натпреварот со Камерун, во второто коло на СП во Катар. На сликарите на „орлите“ во Катар им нема крај. Неизвесен за овој натпревар, како што пренесе „Спорт клуб“ е напаѓачот на Душан Влаховиќ.

Влаховиќ, премиерниот натпревар на Србија на СП, против Бразил, го започна од клупата за резерви. Доби шанса во втриот дел, но повторно почувствувал болка, која била толку силна што едвај го завршил натпреварот.

Ден по натпреварот речиси и да немало подобрување, па настапот на Влаховиќ против Камерун е под знак прашалник. Она што е сигурно е дека тој и на овој меч нема да биде во стартниот состав.

Покрај Влаховиќ не е сигурно дека подготвен за Камерун ќе биде и неговиот соиграч од Јувентус, Филип Костиќ. Вин-бекот, воопшто не играше против Бразил.

Проблем за Пикси прествува и повредата на Сергеј Милинковиќ Савиќ. Офанзивниот играч за врска се повреди на стартот од натпреварот против Бразил. Сепак, во српската репрезентација сите веруваат дека тој ќе игра против Камерун.

Натпреварот Србија – Камерун е закажан за в понеделник, од 11 часот.