Ентони Смит синоќа во главната борба на „UFC Fight Night 192“ уште во првата рунда со гушење го порази Рајан Спан во борба во полутешка категорија.

Смит, кој дојде до третиот триумф по ред, со неколку удари го здрма противникот, па го фати Спан за врат и му немаше помош – мораше да ја предаде борбата.

🚨💥👊🏼 Anthony Smith🇺🇸 soumet Ryan Spann🇺🇸 au 1er round !!!

Anthony Smith🇺🇸 est-il de retour ? 3 victoires consécutives maintenant !#RMCMMA #RMCUFC #UFCVegas37 pic.twitter.com/giTW3rT7ql

— MMA Empire 🇫🇷👊🏻 (@MMAempireFR) September 19, 2021

Најспектакуларниот нокаут на вечерта беше дело на Жоакин Бекли кој со огромен хематом на челото го нокаутираше Ентони Ароја. Бекли во текот на целата борба се бореше со повредата на главата, а на средината на последната рунда со силен аперкат го сруши противникот, па го „доврши“ на партерот.

Во 2018 година ја напушти Премиерлигата и се пресели во Ајакс. Многумина мислеа дека тоа е чекор назад во кариерата на фудбалскиот репрезентативец на Србија, Душан Тадиќ, но 3 години подоцна тој влезе во историјата на холандскиот фудбал.

Тадиќ синоќа постигна еден гол во победата на Ајакс против Камбур со 9-0, но имаше и две асистенции со што стана првиот играч во Ередивизија кој стигнал до трицифрена бројка на успешни додавања кои претходеле на погодок.

101 – Dusan Tadic has provided his 100th en 101st assist in the Eredivisie and has become the first player to reach this milestone in the competition this century. Centurion. #AJACAM pic.twitter.com/uXzKBm1ZYc

— OptaJohan (@OptaJohan) September 18, 2021

Зад него на таа листа е актуелниот играч на Челси, Хаким Зијеш кој му беше соиграч во клубот од Амстердам со 87 асистенции, па следуваат Дирк Кајт (78), Ласе Шене (67)…

Ајакс моментно е прв на табелата со 13 бодови, бод повеќе од второпласираниот ПСВ Ајндховен.

Англискиот селектор Герет Саутгејт го доведе „Гордиот Албион“ до финалето на ЕУРО2020, на „Вембли“ на пенали ја загубија титулата, но брзо се опоравија. Во квалификациите за Мундијалот во Катар 2022 се на прво место во групата со 16 бодови.

Саутгејт им даде шанси на повеќе играчи, пред се млади фудбалери, но се чини не му даде вистинска прилика на Калам Хадсон-Одои (21).

Токму поради тоа играчот на Челси нема намера повеќе да чека и спремен е за промена на националниот тим. Според наводите на „Дејли мејл“, тој сака да игра за селекцијата на Гана, од каде е неговиот татко.

Има одиграно три натпревари за Англија, но според новите правила на ФИФА, може да го промени националниот тим и подготвен е тоа да го стори.

„Секогаш околу себе сум ги имал вистинските луѓе кои знаеле да ме посоветуваат што е правилно. Кога Англија ме повика реков дека сакам да играм, но во исто време чувствувам дека Гана е мојата куќа. Ќе видиме, нкогаш не се знае“ рече Хадсон-Одои.