Спорт
Руд и Ѓоковиќ напредуваа на АТП листата
![](https://makfax.com.mk/wp-content/uploads/2022/11/28748ae6395.jpg)
Каспер Руд и Новак Ѓоковиќ напредуваа на АТП-листата. Норвежанецот и Србинот синоќа во Торино играа во финалето на завршниот Мастерс. Ѓоковиќ победи со 7/5, 6/3.
Норвежанецот Руд со пласманот во финалето го забележа најдобриот ранкинг во кариерата. Годината ја заврши на третото место, пред него се Рафаел Надал и Карлос Алкараз.
Руд на листата г скокна Стефаноз Циципас.
Победникот во Торино, Ѓоковиќ, напредуваше за три места, сега се наоѓа на петтата позиција со 2.000 поени помалку од првопласираниот Алкараз.
Шестти во светто е Феликс Оже-Алијасим, следуваат Русите Данил Медведев и Андреј Рубљов, Тејлор Фриц остана на деветотот место, а Топ 10 го затвора Хуберт Хуркач.
АТП листа:
1. Карлос Алкараз (Шпанија) 6.820 бодови
2. Рафаел Надал (Шпанија) 6.020
3. Каспер Руд (Норвешка) 5.820
4. Стефанос Циципас (Грција) 5.550
5. Новак Ѓоковиќ (Србија) 4.820
6. Феликс Оже-Алијасим (Канада) 4.195
7. Данил Медведев (Русија) 4.065
8. Андреј Рубљов (Русија) 3.930
9. Тејлор Фриц (САД) 3.355
10. Хуберт Хуркач (Полска) 2.905
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Закањи во 98.минута ја шокира Хрватска, Шпанија пресилна за Албанија
![](https://makfax.com.mk/wp-content/uploads/2024/06/12324391.jpg)
Актуелниот европски првак Италија на нестварен начин избори место во осминафиналето на Европското првенство. Италија извлече реми 1:1 против Хрватска со голот на Закањи во 98.минута. Хрватска е елиминирана од ЕУРО 2024, исто како и Албанија која загуби од Шпанија 0:1.
Закањи е херојот на Италија, во 98.минута акцијата на Калафиори ја заврши со брилијантен гол.
Претходно Хрватска поведе со голот на Модриќ во 55.минута. Капитенот на Хрватска влезе во историјата на ЕП, со 38 години и 239 дена стана најстар стрелец. Една минута претходно Донарума му одбрани пенал на Модриќ.
Шпанија и со „втората“ постава немаше проблеми со Албанија. Едеен гол го реши победникот. Стрелец беше Феран Торес во 13.минута.
Шпанија ја освои Б групата со три победи, Италија е втора со четири, Хрватска освои два, а Албанија еден бод.
Спорт
Ѓоковиќ: Ќе играм само ако можам да се борам за трофејот
![](https://makfax.com.mk/wp-content/uploads/2024/06/4a286.jpg)
Новак Ѓоковиќ пристигна на Вимблдон, но се уште е мистерија дали ќе настапи на третиот Грен слем во сезоната.
Повредата на коленото, а потоа и операцијата, го оддалечи најдобриот српски тенисер неколку недели надвор од теренот.
„Коленото е подобро, секој ден е се подобро. Терапијата оди во вистинска насока и тоа ми дава надеж“, изјави Новак за Би-би-си.
До почетокот на Вимблдон останува уште една недела, а Ѓоковиќ јасно кажа што сака од потенцијалното учество на Вимблдон:
„Не дојдов овде да одиграм неколку кола. Ќе играм само ако можам да дадам блиску до мојот максимум“, изјави Новак и истакна:
„Навистина ќе играм само ако почувствувам дека можам да дојдам до завршницата и да се борам за трофејот.
Ѓоковиќ денеска тренираше два часа, а одигра и два тајбрејка со Федерико Корија.
Новак Ѓоковиќ конечната одлука ќе ја донесе пред ждрепката закажана за 28 јуни. Вимблдон започнува на 1 јули.
Спорт
Хојберг: Тадиќ ми беше како постар брат
![](https://makfax.com.mk/wp-content/uploads/2024/06/334455.jpg)
Данска и Србија, утре ќе се сретнат во третот коло во Ц групата на Европското првенство. Србите мора да победат доколку сакаат место во нокаут фазата, на Данците во некои комбинации им игра и нерешен резултат, но со победа сигурно се во осминафиналето.
Пјер-Емил Хојберг, еден од најдобрите дански играчи, во пресрет на натпреварот се присети на периодот кога заедно со капитенот на Србија, Душан Тадиќ ја делеа соблекувалната во Саутемптон.
„Јас и Душан поминувавме многу време заедно, ми беше како постар брат. Тој ми беше учител, се грижеше за мене. Не само на теренот туку и надвор од него. Се сеќавам, пред да замине во Ајакс, им кажував на луѓето таму за каков играч се работи и каков менталитет има. Тој е беше таму и стана еден од најдобрите играчи. Тадиќ е играч кој сака да дели асистенции на тоа мора да внимаваме“, рече Хојбјерг.
Инаку, Хојбјерг од 2020 година настапува за Тотенхем, а се очекува во летниот преоден рок да го напушти клубот.