Интер Мајами без Лионел Меси, но со Луис Суарез забележа убедлива победа во Хјустон 4:1.

Уругвајскиот ветеран директно учествуваше во головите на Интер. Најпрвин забележа хет-трик со асистенции, за головите на Сеговија (два) и Аљенде.

Во 79.минута Суарез го постигна првиот гол оваа сезона, со што ја комплетираше брилијантната партија.

Манчестер јунајтед исадна од Фулам во осминафиналето на ФА Купот. На „Олд Трафорд“ Фулам ја доби пенал серијата со 4:3, откако по 90 и 120 минути игра резултатот беше 1:1. Бернд Лено ги одбрани ударите на Виктор Линделоф и Џошува Зиркзе во четвртата и петтата серија.

По завршувањето на натпреварот, легендата на Јунајтед Вејн Руни, изјави дека тренерот Рубен Аморим бил наивен, кога по доаѓањето во клубот на навивачите им ја ветил титула во Премиер лигата.

„Тој вели дека сака да ја освои Премиер лигата, но како можат да се натпреваруваат? Тие треба да обидат да се искачат што е можно повисоко на табелата. Мислам дека е малку наивно да се каже дека се стремите да ја освоите Премиер лигата, бидејќи таму каде што се сега, тие се далеку од тоа“, рече Руни за Би-Би-Си.

Аморим за коментарот на Руни го изветиле новинарите на прес конференцијата по натпреварот со Фулам.

„Наивно е да се мисли дека ќе го направиме тоа оваа сезона или ќе бидеме најголемиот предизвикувач следната сезона. Верувам дека сите знаат сè во овој момент. Бев професионален консултант откако ја завршив кариерата. Знам дека е лесно да седиш и да критикуваш“, рече Португалецот

Поранешниот тренер на Спортинг истакна дека клубот од Манчестер нема да се откаже од својот „Проект21“, кој има за цел да ја донесе титулата во англискиот шампионат на „Олд Трафорд“ до 2028 година, кога ќе се прослави 150-тиот роденден на клубот.

„Знам дека губиме натпревари и трофеи оваа сезона, но целта е да ја освоиме Премиер лигата. Не знам колку време ќе ни треба за да го направиме тоа, но тоа е нашата цел. Ако мислите така, можете малку да страдате од овие порази, понекогаш премногу, но ние имаме цел и продолжуваме да одиме напред без разлика на се“, заклучи Аморим.

Лос Анџелес Лејкерс по втор пат во период од 48 часа ги совладаа Лос Анџелес Клиперс, Лејкерси славеа со речиси идентичен резултат како и пред два дена. Сега беше 108:102 (34:28, 22:15, 33:34, 19:25).

Лука Дончиќ повторно одигра одлично. Тој имаше 29 поени, шест скока и девет асистенции, со што го предводеше својот тим во победа која ги искачи „езерџиите“ на второто место во Западната конференција.

Лејкерси имаа предност во текот на целиот меч, а во третата четвртина имаа предност од 21 поен, но Клиперси се вратија во мечот благодарение на расположениот Каваи Ленард, но немаа ниту време, ниту сили да направат целосен пресврт.

Ленард натпреварот го заврши со 33 поени и десет скока.

Феникс Санс загубија од Минесота Тимбервулфс со резултат 98:116 (34:28, 17:21, 21:34, 26:33). Белскаше во редовите на Минесота Ентони Едвардс со 44 поени и седум асистенции.

Резултати:

Мајами – Њујорк 112:116 пр.
Орландо – Торонто 102:104
Сан Антонио – Оклахома 132:146
Јута – Њу Орлеанс 121:128
ЛА Лејкерс – ЛА Клиперс 108:102
Феникс – Минесота 98:116
Бостон – Денвер 110:103
Кливленд – Портланд 133:129 пр.
Индијана – Чикаго 127:112