Спорт
Русите ќе организираат свои натпреварувања и ќе ја тужат ФИФА и УЕФА

Рускиот министер за спорт, Олег Матицин тврди дека земјата не е изолирана и покрај „неприфатливите“ одлуки на светските спортски федерации и дека ќе работат на развивање на натпреварувања во Русија на кои ќе бидат поканети интернационални спортисти.
„Во блиска иднина ќе се развие програм за систем на натпреварувања на територијата на Руската Федерација со учество на максимален број на странски спортисти. Во прв план, спортисти од Белорусија, од Сојузот на независни држави и од БРИЦС (Бразил, Русија, Индија, Кина, Јужна Африка). Не сме изолирани, продолжуваме со контактите со интернационалните федераци и се надевам дека се работи за привремени мерки и дека целата заедница ќе сфати дека вакви работи се неприфатливи“, изјави Матицин.
Во исто време, Рускиот фудбалски сојуз (РФС) најави тужба пред Судот за арбитража во спортот (ЦАС) против ФИФА и УЕФА поради суспензијата и исфрлањето на руските репрезентации и клубови од натпреварувањата.
„Како дел од една заедничка тужба против двете организации, РФС ќе бара враќање на сите национални репрезентации на турнирите во кои учествуват, како и компензација за штетата. РФС смета дека не постои легална основа да се отстранат репрезентациите, бидејќи тоа ги прекршува основните права на РФС како членка на ФИФА и УЕФА. Покрај тоа, одлуката за исфрлање на машката репрезентација од квалификациите за СП 2022 беше направено под притисок на директните ривали во баражот, со што се прекршени принципите на спортот и правилата за ферплеј“, се вели во објавата на РФС.
РФС подаст апелляцию в САS на решения ФИФА и УЕФА отстранить сборные России от участия в международных соревнованиях: https://t.co/4ieSg5kxLP pic.twitter.com/v1O6asXPOI
— РФС (@rfsruofficial) March 3, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Д.Р. Конго нов спонзор на Барселона

Фудбалскиот клуб Барселона објави дека потпишал четиригодишен договор за спонзорство со Демократска Република Конго, со кој африканската земја ќе стане спонзор на дресовите на каталонскиот клуб.
Во соопштение на веб-страницата на клубот, Барселона соопшти дека договорот е потпишан со цел да се промовира фудбалот, културата и мирот. Клубот не објави финансиски детали, но шпанските медиуми објавија дека договорот е вреден 44 милиони евра.
Во следните четири сезони, дресовите за тренинг на сите професионални клубови на Барселона ќе го имаат натписот „R.D Congo – Coeur d’Afrique“, што во превод значи „Д.Р. Конко – Срцето на Африка“, отпечатен на задната страна.
„Овој договор означува заедничка посветеност за поттикнување на развојот на спортот во Конго и, како дел од соработката, клубот ќе придонесе за збогатување на тренингот на младите спортисти преку пренесување на својот екосистем на вредности, несомнен столб на моделот и стилот на Барса“, се вели во соопштението.
Барселона се обврза да учествува во развојот на кампови и програми за фудбал, кошарка, ракомет, футсал и хокеј на ролерки.
Договорот, исто така, вклучува и отворање на Домот на Демократска Република Конго во комплексот на стадионот „Камп Ноу“.
Договорот беше критикуван од бројни организации, поради тешката ситуација во Демократска Република Конго, каде што мнозинството од населението живее под линијата на сиромаштија, но и прашањата за почитување на човековите права, по извештаите за вонсудски егзекуции во последните месеци.
Фото/ Принскрин
Спорт
Млад дефанзивец на Ајакс во Челзи за 35,5 милиони фунти

Челзи постигна договор со Ајакс за трансферот на младиот дефанзивец Јорел Хато.
Како што објави „Скај спорт“, „сините“ ќе платат 35,5 милиони фунти (42 милиони евра) плус одредени бонуси за 19-годишниот холандски репрезентативец.
Хато ќе отпатува во Лондон во наредните денови на медицински прегледи пред да потпише повеќегодишен договор.
Тој не беше во тимот на Ајакс за Купот Комо во неделата бидејќи не сакаше да ризикува повреда пред да се пресели на „Стемфорд Бриџ“.
Челзи го реализираше трансферот на Хато, како замена за Марк Кукуреља на левата бековска позиција. Шпанецот минатата сезона одигра речиси 70 натпревари за клубот и репрезентацијата.
Хато ќе стане седмиот играч што Челзи го потпиша ова лето, по Жоао Педро, Лиам Делап, Џејми Гитенс, Естевао Вилијан, Дарио Есуго и Мамаду Сар.
Foto/ EPA
Спорт
„Залуден е талентот ако не работиш напорно“

Португалскиот фудбалер Жоао Феликс потпиша за Ал Наср пред неколку дена, иако беше на прагот да се врати во Бенфика. За Феликс зборуваше и неговиот поранешен соиграч Саул Нигез, кој објасни зошто Португалецот немаше брилијантна кариера како што се очекуваше.
„Фудбалот е тимски спорт. Тој ги имаше сите потребни квалитети за да стане фантастичен фудбалер, но не е важно колку си добар и талентиран, бидејќи ако не работиш напорно и не даваш 100 отсто од себе, тогаш сè е залудно“, рече Саул.
Новиот играч на Фламенго истакна дека тој и некои играчи на Атлетико се обиделе да му го објаснат ова на Феликс кога виделе дека не се труди доволно на тренинзите.
„Многумина од нас се обидоа да му помогнат на Феликс и да му ги објаснат овие работи, но ако тој не го сака тоа, тогаш тоа е крајот на приказната.“
Феликс во летото 2019 година за сума од 126 милиони евра му се приклучи на Атлетико од Бенфика. Само на моменти го покажуваше својот талент, учествуваше во освојувањето на шампионската титула во 2021 година. Атлетико го испраќаше на позајмици во Челси и Барселона, а минатото мето го продаде во Челси за 52 милиони евра. Пред неколку дена Ал Наср за 30 милиони евра го откупи неговиот договор.
Foto/ „X“