Спорт
Русите наместо „преселба“ во Азија, ќе преговараат со УЕФА
Руската фудбалска унија (РФУ) објави дека ќе формира работна група која ќе разговара со европската фудбалска федерација УЕФА и другите организации во обид да се изнајде начин рускиот фудбал да се врати во интернационалните натпреварувања.
Оваа одлука беше објавена на состаноот на Извршниот одбор на федерацијата во Москва, каде што се очекуваше потенцијална одлука за целосно напуштање на УЕФА и преселба во Азиската фудбалска конфедерација (АФЦ). Наместо тоа, претседателот на РФУ, Александер Дјукови изјави дека ќе се презмат чекори за разговори со УЕФА, ФИФА, но и Интернационалниот олимписки комитет (ИОЦ).
„Беше одлучено да се свртиме кон УЕФА околу формирање на работна група. Поканивме тројца членови на УЕФА, како и претставници од ИОЦ и ФИФА. Мислам дека ФИФА се заинтересирани, бидејќи и за нив е важно да се најде решение. Целта е да се изработи план за брзо враќање на рускиот фудбал во интернационалните натпреварувања. Групата ќе биде формирана веднаш по новогодишните празници и ќе треба да ја заврши работата до 1 април“, вели Дјуков за „РИА новости“.
ФИФА и УЕФА целосно ја исфрлија Русија од сите натпреварувања во февруари, кога започна војната во Украина. И покрај најавите за „преселба“ во АФЦ, се веруваше дека УЕФА се противи на ваква одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус по само три месеци сака да се ослободи од Даглас Луиз
Бразилскиот играч за врска Даглас Луиз (26) минатото лето пристигна од Астон Вила во Јувентус за 52 милиони евра.
Во Астон Вила одигра одлична сезона каде запиша десет гола и асистенции.
Се очекуваше дека ќе продолжи да игра добро во Јувентус, но моментално е далеку од својата најдобра форма и од место во првиот тим.
Луиз досега има осум настапи за тимот на Тиаго Мота, а само еднаш беше стартер. Одигра скромни 222 минути во Серија А и Лигата на шампионите, а на последните два натпревари направи два пенали.
Кај Лајпциг при пресвртот на Јувентус 3:2 неговиот кикс на крајот не ја чинеше скапо „Старата дама“, но затоа во неделата значително го оштети тимот на Торино.
Јувентус неочекувано одигра 1:1 против Каљари во Торино, а на крајот од натпреварот Луиз со несмасе фаул направи пенал, од кој гостите извадија бод.
„Тутоспорт“ пишува дека Мота не се сомнева во техничките квалитети на повремениот бразилски репрезентативец.
Проблемот е во интензитетот на неговата игра бидејќи Мота бара високо темпо и многу трчање во двата правци од сите играчи.
Луиз досега не може да го исполни и затоа е на втор план.
Јувентус ќе му даде време до јануари, а потоа ќе одлучи за неговиот статус.
Според „Трансфермаркт“, Луиз моментално вреди 75 милиони евра, но тешко дека Јуве ќе може да извлече толку пари со оглед на неговата моментална форма.
Бразилецот претходно играше за Манчестер сити, Џирона и Васко де Гама.
Спорт
Тешко се справува со улогата на резерва – Димитриевски проговори за статусот во Валенсија
Столе Димитиревски, во летниот преоден рок како слободен играч од Рајо Ваљекано се пресели во Валенсија. Планот на клубот беше да го продаде Георги Мамардашвили и на голот да застане Димитиревски.
Валенсија го продаде грузискиот голман во Ливерпул, но во договорот со клубот од „Енфилд“ пој оваа сеозна остана како позајмен играч на „Местаља“. Ваквиот договоро меѓу двата клуба му донесе на Димитриевски статус на резера.
„Ситуацијата е комплицирана, десет години постојано бранев, а сега сум резерва. Тешко се снаоѓам во оваа ситуација. Сега сум во положба кога се обидувам да му помогнам на тимот бидејќи имаме и многу млади играчи. Знаеме дека во фудбалот може да се случат чудни работи, а тоа ми се има случено и претходно. Јас сум во клубот каде што сакав да бидам, сега работам и ја чекам мојата шанса. Се надевам дека тренерот ќе ми ја даде таа шанса“, изјави Димитриевски за „Радио Марка“.
Валенсија, по девет рунди има само една победа и со шест бода се наоѓа на 18.место на табелата. Почетокот на сезоната покажува дека великанот од „Местаља“ сезонава ќе води грчевите борба за опстанок во лигата.
Спорт
Бабунски: Целта е да ги победиме овие два натпревари
Извор/ ffm.mk
Македонската репрезентација започна со подготовки за претстојните два натпревари против Летонија (10. октомври) во Рига и Ерменија (13. октомври) во Ереван од групата во Лига на нации.
Македонскиот репрезентативец, Давид Бабунски вели дека целта за нашата најдобра селекција се две победи и потврда на првото место во групата.
„Посочени сме како фаворити во групата, но ние треба да бидеме скромни и да се бориме за шансата која ја имаме. Нема да биде лесно, посебно што играме на гостински терен. Денеска сите го развиваат фудбалот, играат тактички добро. Немаме многу време за подготовки, правиме анализа за да ги идентификуваме нивните слаби страни и се разбира ние да ги искористиме нашите шанси за да ги освоиме сите шест бода“.