Спорт
Сабаленка ќе се бори за втората титула на АО
Арина Сабаленка ќе ја браби титулата на Австралија опен. Тенисерката од Белорусија, во полуфиналето ја победи Коко Гоф. Со овој триум Сабаленка и се реваншира на Американката за поразот во финалето на ју-ес опен минатата есен.
Сабаленка се уште нема загубено сет на турнирот. Во полуфиналето против Гоф победи со 7:6, 6:4. Мечот траеше еден час и 44 минути.
Вистински ролеркостер беше првиот сет, во кој двете тенисерки три пати направија брејк и двете имаа сервис за предност од 1:0 во сетови.
На крајот се играше тај-брејк, во кон Сабаленка апсолутно доминираше и го доби со 7:2.
Целосно различен беше вториот сет. Двете тенисерки беа исклучително сигурни во своите сервис гемови. Клучен беше деветтиот кога Сабаленка успеа да и го одземе сервисот на противничката, а потоа без поголеми проблеми на својот сервис го заврши мечот.
Противничка на Сабаленка во мечот за титулата ќе биде победничката од второто полуфинале во кое ќе играат Јастремска и Џенг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Левандовски ја критикува тактиката на селекторот
Полската фудбалска репрезентација нема добар старт во Лигата на нации. Полјаците одиграа три натпревари и претрпеа два порази и ја победија Шкотска во групата во која се и Хрватска и Португалија.
Дека кризата не е само резултатска говори и изјавата на капитенот Роберт Левандовски, кој пред дуелот со Хрватите го нападна тренерот Михал Пробјеж.
Левандовски не беше задоволен од дуелот против Португалија, во кој Полска загуби со 3:1. И тој знае кој е виновен за тоа.
„Што ни недостасуваше против Португалија? Храброст. Имавме моменти кога се доближивме до шеснаесетникот, но не успеавме да го надиграме ривалот. Добив само една топка. Ништо повеќе. Стоевме премногу ниско. Знам дека против Португалија никогаш нема да одиме еден на еден по целиот терен и нема да можеме да играме рамноправно, но сепак… Моравме подобро“, изјави Левандовски по натпреварот и дополни.
„Мојата улога не е да се враќам во средината или дури и до одбраната за да ја добијам топката. Ова нема смисол“, додаде Лева, а неговата изјава ги крена на нозе сите фудбалски фанови во Полска.
Полска утре од 20.45 часот игра против Хрватска.
Спорт
Реал во Леверкузен ја најде замената за Модриќ
Ерата на лука Модриќ во Реал Мадрид се ближи кон својот крај тврди „АС“. Според овој извор Флорентино Перез го означил наследникот и во летниот преоден рок клубот ќе се обиде да го реализира овој трансфер.
Флорентино Перез во Реал сака да го донесе Флоријан Вирц од Баер Леверкузен.
Вирц долго време е под будното око на Реал, уште откако дебитираше во Бундеслигата на 17 години. Скаутите на Реал сметаат дека технички и тактички Вирц е на нивото на Модриќ.
Сепак, реализицијата на трансферот нема да биде лесна задача.
Вирц со Баер Леверкузен има договор до 2027 година, а генералниот директор на клубот Фернандо Кара јасно стави до знаење дека обештетувањето е 150 милиони евра. Иако Реал допрва треба да започне преговори, „кралскиот клуб“ е решен да го комплетира овој трансфер.
Спорт
Гвардиола: Меси е најдобриот фудбалер во историјата
Пеп Гвардиола на прашањето кој е најдобриот фудбалер во историјата одговори во италијанското шоу „Che Tempo Che Fa“.
„Лионел Меси е најдобриот фудбалер на сите времиња. Можеби покажувам непочитување кон Пеле и Диего Марадона, но не можам ни да замислам некој каков што е Меси. Да се биде доследен како него е нереално.
Видов како тоа момче тренира секој ден и игра натпревари на секои три дена нереално. Кога имаш можност да бидеш толку блиску до него и да го следиш, тогаш сфаќаш каков фудбалер навистина е тој. Меси е единствен. Среќни сме што имаме можност да гледаме и да му се восхитуваме на она што го прави на теренот. Тоа е најголемата убавина на фудбалот што сум ја видел во мојот живот“.
Гвардиола му беше тренер на Меси од 2008 до 2012 година во Барселона. Заедно освоија три Ла Лига, две Лига на шампиони и два Купа на Кралот.