Спорт
Сабонис со личен рекорд ја запре Јута, Мајами го победија лидерот Финикс

Домантас Сабонис со личен рекорд, стави крај на серијата од шест порази во која се наоѓаа кошаркарите на Индијана Пејсерс. Индијана славеа против Јута Џез 123:115. Пораз, изминатата ноќ, забележаа и водечкиот во лигата Финикс Санс, односно актуелниот шампион Милвоки Бакс.
Јута Џез, во Индијанаполис, го забележаа 12.пораз во сезоната. Третопласираниот тим на Западот, доживеа пораз 125:113 и покрај тоа што Донован Мичел постигна 36, а Бојан Богдановиќ 21 поен.
Џезерите немаа решение за Домантас Сабонис. Синот на славниот Арвидас Сабонис, го одигра мечот на кариерата, постигна 42 поени, од поле промаши само четири пати (18/22). Помош доби од ветеранот Ленс Стивенсон, кој од клупата придонесе со 16 поени и 14 скокови.
Мајами Хит, во Аризона, го совладаа лидерот, Финикс со 123:100. Мајами ја забележаа 25.победа во сезоната, додека Финикс го запишаа деветтиот пораз. Мајами имаа нестварен шут за три поени, од 44 обиди погодија 22 тројки.
Без Џими Батлер, Хит, успеаја да победат на тешкото гостување, благодарение на Тајлер Хиро и Данкан Робинсон. Овие двајца постигнаа 50 отсто од поените на Мајами. Хиро мечот го заврши со 33, а Робинсон со 27 поени.
Кај Финикс се истакна Девин Букер со 26 поени, Мајкл Бриџис постигна 20, а Камерон Пејн 15 поени.
Резултати: Шарлот-Милвоки 114:106, Детроит-Орландо 97:92, Бостон-Њујорк 99:75.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нема билети за вечерашниот ракометен меч меѓу Македонија и Литванија

Билетите за вечерашниот ракометен натпревар меѓу Македонија и Литванија во Спортскиот центар „Јане Сандански“ се распродадени. Во пресрет на натпреварот селекторот на Македонија го објави тимот за последниот квалификациски натпревар за Европското првенство 2026 Ќе играат истите играчи кои Талин ја победија Естонија. Голман е биде Мартин Томовски.
Натпреварот почнува во 18 часот.
Спорт
(Видео) Хамбург слави – ХСВ се врати во Бундеслига

Хамбург го слави враќањето на ХСВ во најсилната лига на германскиот фудбал. Седум години по елиминацијата славниот клуб повторно е дел од елитата во која се внедри во голем стил – победа од 6:1 против Улм пред околу 60.000 луѓе на “Фолксарк” стадион.
Тимот од најголемото германско пристаниште остана на прво место, но не го обезбеди. Тоа ќе може да го направи во последното коло против Гројтер Фирт.
Близу до пласман во највисокиот ранг е и Келн, кому му е потребен бод во последните деветдесет минути фудбал за математички да ја обезбеди таа цел.
Десетина илјади навивачи извршија инвазија на теренот во Хамбург откако судијата свирна крај на мечот со Улм.
Спорт
Александар Сорлот даде три гола за 3 минути и 57 секунди и испиша историја на шпанскиот фудбал

Александар Сорлот, напаѓач на Атлетико Мадрид, испиша историја на шпанскиот фудбал. Сорлот постигна четири гола во првите 30 минути од мечот помеѓу Атлетико и Реал Сосиедад.
Првиот гол го постигна во седмата, вториот во десетата, а третиот во 11. минута, со што веќе ги испиша првите страници на историјата на овој натпревар, бидејќи постигна најбрз хет-трик во историјата на Ла Лига.
Три гола за 3 минути и 57 секунди. Оние кои мислеа дека тоа ќе му биде доволно на 29-годишниот Норвеѓанец, се излажаа. Сорлот постигна гол и во 30. минута од мечот, правејќи нешто што никој никогаш не го направил, со четири гола во првите половина час фудбал.
Не помина ни година од последниот меч во кој овој играч постигна четири гола – тоа беше на 19. мај против Реал Мадрид минатата сезона, во дресот на Вилјареал.