Спорт
САД, најмлада репрезентација на Светското првенство
Селекторот на САД Грег Берхалтер го објави списокот на патници за Светското првенство во Катар. Американците со просек од 25 години и 175 дена ќе бидат најмладата репрезентација на Мундијалот. Девет фудбалери се помлади од 23 години: Тајлер Адамс (23), Бренден Аронсон, Серџо Дест, Дош Сарџент, Тимоти Веа (22); Хесус Фереира (21); Јунус Муса, Џовани Реина и Џо Скали (19).
Најискусни во оваа репрезентација се 29-годишниот Деандре Једлин (75 натпревари за САД) и 35-годишниот стопер на Фулам, Тим Ром.
САД се во Б-групата заедно со Англија, Велс и Иран. Првиот натпревар ќе го одиграат на 21 ноември против Велс.
Голмани: Итан Хорват (Лутон), Шон Џонсон (Њујорк Сити), Мет Тарнер (Арсенал);
Дефанзивци: Камерон Картер Викерс (Селтик), Сежињо Дест (Милан), Арон Лонг (Њујорк Ред Булс), Шек Мур (Нешвил), Тим Ром (Фулам), Ентони Робинсон (Фулам), Џо Скали (Борусија Менхенгладбах), Деандре Једлин (Интер Мајами), Вокер Цимерман (Нешвил);
Ред за врска: Брендан Аронсон (Лидс), Келин Акоста (Лос Анџелес), Тајлер Адамс (Лидс), Лука де ла Торе (Селта), Вестон Мекени (Јувентус), Јунус Муса (Валенсија), Кристијан Ролдан (Сиетл);
Напаѓачи: Хесус Фереира (Далас), Џордан Морис (Сиетл), Кристијан Пулишиќ (Челзи), Џовани Реина (Борусија Дортмунд), Џош Сарџент (Норвич), Тимоти Веа (Лил) и Хаџи Рајт (Анталија).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.