Спорт
САД опен: Ѓоковиќ и Медведев „маршираа“, катастрофа за Бердих

Светскиот рекет број 1, Новак Ѓоковиќ имаше совршен старт на настапите на последниот гренд слем од сезоната, САД опен во Њујорк, откако во три сета со 6:4/6:1/6:4 го победи Шпанецот Роберто Карбалјес-Баења.
Во првиот меч во кариерата против 76-рангираниот Шпанец, Ѓоковиќ експресно ги освои првите два сета, за потоа рутински да го донесе мечот до крај и да обезбеди второ коло, каде што ќе игра со подобриот од дуелот помеѓу Американецот Сем Квереј и Аргентинецот Хуан Игнасио Лондеро.
Петтиот носител, Русинот Данил Медведев, кој ова лето покажа дека може да се бори со најдобрите имаше уште порутинска 6:4/6:1/6:2 победа над Индиецот Праџнеш Гунесваран.
23-годишниот Медведев, кој има низа од три финалиња на АТП турнејата (и една титула) победи за само 85 минути и сега ќе игра или со Јужнокореецот Квон Сун-Ву или со Боливиецот Уго Делиен.
Во исто време, понижувачки пораз доживеа Чехот Томаш Бердих, кој загуби со 6:1/2:6/6:4/6:4 од 18-годишниот Американец Џенсон Бруксби, кој е единствениот домашен тенисер кој се пласираше во главната ждрепка преку квалификациите.
Бердих, кој во 2012 година играше во полуфиналето на Флешинг Медоуз, се мачи со повредите последните две сезони и неодамна призна дека му е многу тешко да најде мотивација за игра.
САД ОПЕН, 1.КОЛО
МАЖИ
Ѓоковиќ – Карбалјес Баења 6:4/6:1/6:4
Де Минаур – Ербер 6:4/6:2/6:7(6)/7:5
Еванс – Манарино 6:4/6:3/2:6/6:3
Медведев – Гунесваран 6:4/6:1/6:2
ЖЕНИ
Конта – Касаткина 6:1/4:6/6:2
Младенович – Кербер 7:5/0:6/6:4
Дејвис – Ларсон 7:5/6:2
Феро – Гаврилова 6:3/6:4
Јастремска – Никулеску 6:4/1:6/6:2
Хсиех- Чепелова 6:4/5:7/6:3
Саснович – Брејди 1:6/6:4/6:0
Свјонтек – Јоровиќ 6:0/6:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јунајтед се откажа, Донарума се поблиску до Сити

Џанлуиџи Донарума е се поблиску до договор кариерата да ја продолжи во Манчестер сити.
Еден од најдобрите голмани на денешницата беше отпишан од ПСЖ откако не се согласи со клубот за продолжување на договорот, а неговото заминување го потврди и тренерот Луис Енрике.
Во последните денови се шпекулираше дека Манчестер сити и Манчестер јунајтед се заинтересирани за неговите услуги. Сепак, најновите информации сугерираат дека Јунајтед се повлекол од трката.
Договорот на Италијанецот истекува следната година, а актуелните европски шампиони бараат околу 50 милиони евра за него.
Донарума пристигна во ПСЖ во 2021 година по болна и воопшто не пријатна разделба со Милан, клубот каде што ја започна кариерата на наполни 17 години. Тој го бранеше голот на ПСЖ на 107 натпревари и се смета за еден од најзаслужните за титулата европски шампион освоена оваа година.
Фото/ Принтскрин
Спорт
Мициќ би можел да го пропушти Евробаскетот

Вечерва во 20:45 часот, Србија ќе игра против Чешка на подготвителниот кошаркарски турнир Суперкуп во Минхен. Ден потоа, српската репрезентација ќе игра против победникот или поразениот од натпреварот помеѓу Германија и Турција.
„Германија го освои првенството тука во 1993 година. Јас живеам во Минхен, во близина на новата, прекрасна сала, можеби најдобрата во Европа. Минхен е, можам да кажам, мојот град. Сега сум повеќе во Србија од познати причини, но кога ми треба мир, тогаш доаѓам тука“, рече српскиот селектор Светислав Кари Пешиќ.
Поради повреди, Ален Смаилагиќ и Урош Трифуновиќ не отпатуваа во Германија, а најголемата мистерија за селекторот е состојбата на Василије Мициќ.
„Не е сјајно. Смаилагиќ и Трифуновиќ сè уште не се подготвени за тренинг. Се обидуваме со Васа да го вратиме, но не оди според планот, како што предвидовме. Васа се обидува, се обидува малку, но сè уште е чувствува болка. Ќе видиме, во следните неколку дена ќе мора полека да носиме одлуки, но главно останатите играчи се добро.
Продолжуваме да тренираме, да работиме. Секако, сме загрижени за овие повреди. Морам искрено да кажам, најмногу ме загрижува дали воопшто ќе можеме да сметаме на Мициќ. И тој се обидува, и ние се обидуваме да го вратиме, но тешко е.“
Мициќ е долгогодишен член на националниот тим. Својата кариера ја изгради во Европа, а најголемиот успех го постигна со Анадолу Ефес, со кого ја освои Евролигата во 2021 и 2022 година, заедно со наградите за најкорисен играч во сезоната и Фајнал Фор во 2021 година.
После тоа, се пресели во НБА. Откако настапи за Оклахома Сити Тандер, Шарлот Хорнетс и Феникс Санс, се врати во Европа, во израелскиот Хапоел.
Спорт
Ромуло за 20 милиони евра се пресели во Лајпциг

Бразилскиот фудбалер Ромуло потпиша петгодишен договор со Лајпциг.
Магазинот „Кикер“ објави дека Лајпциг ќе плати до 25 милиони евра за трансферот на 23-годишниот напаѓач, од кои 20 милиони се фиксни, а 5 милиони преку потенцијални бонуси.
Ромуло играше како позајмен играч за Гезтепе минатата сезона и постигна 17 гола во турското првенство и Купот. Својата кариера ја започна во Атлетико Паранаенсе.
Лајпциг го донесе како замена за Бенјамин Шешеко, кој овој месец се пресели во Манчестер јунајтед во трансфер што би можел да достигне 85 милиони евра.
Лајпциг ја започнува новата сезона со Куп натпревар против четвртолигашот Зандхаузен во сабота, пред да го започне Бундеслигата, во првото коло ќе Лајпциг ќе игра против шампионот Баерн Минхен на 22 август.
Фото/ Принтскрин