Спорт
Саинс со импресивна победа го презеде водството на Дакар релито
Четирикратниот шампион, рели легендата Карлос Саинс Сениор е нов лидер на Дакар релито по првата етапа, по фантастичниот финиш на етапата, додека актуелниот шампион Насер Ал-Атијах се мачеше за да стигне само до осмото место.
Колегата на Саинс од Ауди, Матијас Екстром водеше во поголемиот дел од 367 километри долгата етапа на брегот на Црвеното Море во Саудиска Арабија, но во финишот на етапата, комплексноста на површината се смени, за Саинс од четврто место и ве минути заостанување да стигне до својата 42. етапна победа на Дакар релито.
Саинс Сениор, кој исто така е и двократен Рели ВРЦ шампион, беше само 30-ти на првата мерна точка по 37 километри, за на крајот да заврши 23 секунди пред уште една ВРЦ легенда, Себастиен Леб, додека Екстром заврши као трет. Саинс сега има 10 секунди предност пред Леб во генерален пласман. Катарецот Ал-Атијах со својата Тојота загуби 7:07 од Шпанецот со проблемите во дините во финишот на етапата.
Во пласман на мотоцикли до победа стигна Австралиецот Даниел Сандерс по 603 километри во подолгата етапа за тркачите на две тркала. Ова е најголем успех досега на возачот на Ред бул ГасГас, кој го победи ветеранот Жоан Бареда за точно 1 минута. Рики Бребек го освои третото место со 1:15 заостанување, а трката остана без актуелниот шампион, Сем Сандерленд, кој имаше тежок пад и заврши во болница со скршеница на рамото и потрес на мозокот.
🏁 Stage 1 – Bikes 🏍
Provisional top 3:
🥇 Daniel Sanders
🥈 Pablo Quintanilla
🥉 Ricky BrabecFollow the other categories live 👉https://t.co/BrruP0oEtI#Dakar2023 pic.twitter.com/vRnMPUcsst
— DAKAR RALLY (@dakar) January 1, 2023
🏁 Stage 1️⃣ – Cars 🚗
Provisional top 3:
1️⃣ Carlos Sainz
2️⃣ Sébastien Loeb
3️⃣ Matthias Ekström🔴 Follow the other categories live:https://t.co/EvJJXn4o92#Dakar2023 pic.twitter.com/lbGqJylAH0
— DAKAR RALLY (@dakar) January 1, 2023
Шампионот Сандерленд хоспитализиран по тешкиот пад на првата етапа на Дакар релито
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.