Нашата европска шампионка, Даниела Алексовска, на 4 јули ќе влезе во кафезот за својата прва полупрофесионална борба на престижниот настан ARMMADA 13 во Бачка Паланка, Србија. Таа ќе се натпреварува во категоријата до 52.2 кг против Ева Круз (Éabha Cruise) од Ирска.

Оваа борба ја означува првата појава на Даниела во кафезот по освојувањето на златниот медал на Европското првенство, и со овој настап, Даниела станува првата Македонка која стигнала до ова ниво во ММА Спортот во женската конкуренција.

„Посветеноста на мојот тим “Д Стронгест” и поддршката од луѓето во Македонија ми даваат силна мотивација. Подготвена сум повторно да го бранам Mакедонското знаме“, изјави Алексовска.

Фудбалерот на Барселона, Рафиња, го продолжи договорот со каталонскиот клуб до 2028 година.

„ФК Барселона и Рафиња постигнаа договор за продолжување на неговиот договор, кој го обврзува со клубот до 30 јуни 2028 година“, се вели во соопштението.

Рафиња ја започна својата кариера во Европа во Виторија Гимараеш, а потоа играше за Спортинг Лисабон, Рен и Лидс, во јули 2022 година пристигна во Барселона.

28-годишникот доби вистинска награда од клубот за извонредната сезона, во која одигра клучна улога во освојувањето на три трофеи во домашните натпреварувања (Примера, Копа дел Реј и Суперкуп на Шпанија).

Рафиња се смета за кандидат за Златната топка, бидејќи постигна 34 гола на 56 натпревари оваа сезона, со 25 асистенции, и го дели првото место на листата на стрелци во Лигата на шампионите (по 13 гола со Серу Гираси од Борусија Дортмунд).

Според објавата во јули, Барселона ќе го продолжи договорот со талентираниот шпански напаѓач Ламин Џамал, кој ќе стане полнолетен во текот на летото. Според агентот Џорџ Мендеш, тој ќе го продолжи договорот до 2030 година.

Привремениот тренер на Денвер Нагетс, Дејвид Аделман, ќе ја продолжи соработката со франшизата од Колорадо.

Според добро информираниот Шемс Чаранија, во Денвер сакаат да го задржат Аделман, кој го презеде тимот непосредно пред плејофот.

Синот на легендарниот Рик Аделман ја доби довербата на раководството по отпуштањето на Мајкл Малоун.

Неговата работа очигледно им се допаднала на челниците на клубот, кои решиле да го ангажираат како постојан тренер.

Тој успеа да оствари серија од три победи во НБА откако го презеде тимот, а потоа го водеше тимот во плејофот, во седум натпревари Денвер ги елиминира ЛА Клиперс, но потоа во полуфиналето во седум натпревар Нагетс загубија од Оклахома.

Постоеше сомнеж дали Аделман ќе остане прв тренер поради конкретни одлуки на крајот од натпреварите, но се чини дека сите во клубот се доста задоволни од неговиот придонес.

Недолго по објавата од „ESPN“, и Денвер потврди дека Аделман ќе биде новиот тренер.

„Го унапредивме Дејвид Аделман во улогата на нов главен тренер“, рече Џош Кронке, сопственик и извршен директор на Нагетс.